🚀 #իվենթաPAN (130)
🎧 Լուսանկարում KISS հարդ ռոք խմբի համահիմնադիր և բասկիթառահար Ջին Սիմոնսն է. նա գիտի, որ դու թաքցնում ես հարկերիդ մի մասը, երեխայիդ համար քարսիթ գնել չես ուզում, մի քանի անգամ «գցել» ես գործընկերներիդ, ունես սիրուհի, մի անգամ էլ անտեղի քրֆել ես մի խեղճ տատիկի, որն ուղղակի օգնություն էր խնդրում։ Ջին Սիմոնսն ասում է, որ դու, այո՛, այ հենց դու, ում մենք նոր նկարագրեցինք, դժոխք ես գնալու՝ անկախ այն հանգամանքից, որ առավոտից պայքարել ես Հելոուինի դեմ ու մի քանի անգամ amen գրել տարբեր քոմենթներում։ Լա՜վ, թուլացի՛ր, կատակ ենք անում, Սիմոնսը ոչինչ էլ չգիտի քո մասին, այդ ամենի մասին գիտես միայն դու և խիղճդ (բայց դժոխքի պահը ոչ մեկ չի չեղարկել)։ Լա՜վ, մի՛ լարվիր, կրկին կատակ ենք անում, ամեն ինչ լավ է, տոնը պարզապես տոն է, սա էլ պարզապես մի լեգենդար ռոք խմբի երաժիշտ է՝ իր արտիստիկ կերպարի մեջ։ Առաջարկում ենք լսել KISS-ի լավագույն համերգներից մեկը և համոզվել, որ ոչ մի սատանայական բան այդտեղ չկա՝ https://youtu.be/RIptpFPdEls
Ուր գնալ, ինչ անել՝ Իդրամի հետ
🎃 Մեզ վստահաբար կրկին անիծելու են և գամելու անարգանքի սյանը՝ «սատանիզմ և պղծություն» քարոզելու համար, բայց այս հիանալի առիթն ու ոչ պակաս հիանալի «սռաչի» հնարավորությունը մենք բաց թողնել չէինք կարող. #իվենթաPAN-ն այս անգամ պատահել է Halloween-ի օրը։ Մինչ ֆեյսբուքահայության մի ստվար զանգված Հիսուսի անունից կրակ է ուղարկում հրատարակչություններից մեկի վրա՝ Սթոքերի «Դրակուլան» հայերեն թարգմանել հանդգնելու համար, հայության մեկ այլ՝ ոչ պակաս ստվար զանգված այսօր զուգվում-զարդարվում է, ներկում դեմքը, հետաքրքիր կերպարանք ընդունում ու գնում ընկերների հետ խմելու։ PAN-ը՝ որպես «վենետիկյան պոռնիկների կողմից ֆինանսավորվող» (ինչպես մի անգամ մեղադրեց մեզ մի «քոմենթչի») լրատվական, այսօր որոշել է պատմել Halloween-ի ծագման, պատմության, տարածված լինելու, ինչպես նաև այդ առիթով հայ քահանայի ու ազգագրագետի կարծիքների մասին՝
📖 lav.pan.am/halloween
😈 Հենց այսօր «Հայֆիլմի» տարածքում ավանդական հելոուինյան փարթի է լինելու՝ Carnival of Nightmares-ը՝ երկու բեմով և համապատասխանաբար տարբեր ժանրերի արտիստներով՝ https://tinyurl.com/324ewkm9
👻 Ավելի ավանդական՝ կելտական Halloween կարող եք նշել նոյեմբերի 1-ին ToneLab-ում, որտեղ կլինեն պատմական պարեր, դդումի մրցույթ և կհնչի կելտական երաժշտություն՝ https://tinyurl.com/y666by7u
👸🏻 Իսկ ձեզ այդ օրը (անկախ սեռից) արքայադուստր կամ վհուկ կարող եք զգալ ՊԷՈՒ-ում, որտեղ տոնը կազմակերպում է Diaries-ը՝ https://tinyurl.com/mr224suv
🎚️ Քանի հասանք էլեկտրոնային երաժշտությանը, տեղին կլինի նշել, որ ամսի 1-ին TheOffice-ում CyberFolk նախագիծն իր առաջին Merge իվենթն է անում, որտեղ նախագծի դպրոցի սաները կիսելու են բեմն իրենց մենթորների հետ՝ https://tinyurl.com/2s36zffz
🎛️ Էլեկտրոնային երաժշտության մեկ այլ նախագիծ՝ Gortsaran FM-ն այսուհետ իր սեփական ռեզիդենցիան ունի. հենց դրա բացումն է տոնելու ամսի 1-2-ին՝ մեծ լայնափով՝ https://tinyurl.com/2bckut9t
🎤 Հավանաբար վերջերս մտածել եք՝ վաղուց 3.33-ը համերգ չի տվել. և ահա, հատուկ ձեզ համար, նոյեմբերի 2-ին Dargett գարեջրի գործարանում կլինի խմբի համերգը՝ https://tinyurl.com/2y9vkeyz
🎵 Նույն օրը մի այլ՝ տարօրինակ համերգ էլ կա՝ «Եռալեգենդ» երեկոն. հասկանալի չէ՝ ինչպես է կազմակերպիչների մտքով անցել համատեղել Ազնավուրի, Բաբաջանյանի և Հայկոյի երգերը, բայց, ինչևէ՝ գնացեք, լսեք, հետո կպատմեք՝ https://tinyurl.com/53e42m5a
🎻 Նոյմբերի 4-ին տեղի կունենա «Սիմֆոնիկ հայ ֆիլմ» խորագրով բարեգործական համերգը, որի ընթացքում կհնչեն հայ հայտնի ֆիլմերից մեղեդիներ, իսկ հասույթը կուղղվի բարի նպատակների՝ https://tinyurl.com/yh99ex4f
🎶 Իսկ նոյմբերի 5-ին և 6-ին Ուլիխանյանը գրավելու է Միքայել Ոսկանյանը. մի օր՝ Friends Band-ով, մյուս օրը՝ տրիոյով՝ https://tinyurl.com/2f7ncedj
📷 Եվ վերջում երկու ոչ երաժշտական միջոցառում. մեկնարկել է Երևանի միջազգային լուսանկարչական փառատոնը՝ ցուցահանդեսներ, վորքշոփեր, վարպետաց դասեր և այլն՝ https://tinyurl.com/52vfcm67
🎥 Նոյեմբերի 5-9-ը Երևանում և ՀՀ երեք մարզերում՝ Լոռիում, Շիրակում, Գեղարքունիքում, կանցկացվի «Ռոլան» մանկապատանեկան ֆիլմերի միջազգային փառատոնը, որն այս տարի նշում է իր 20-ամյակը՝ https://tinyurl.com/5f977a9m
📢 Մենք էլ՝ Իդրամի հետ միասին, հիշեցնում ենք, որ ցանկացած միջոցառման տոմս՝ լինի դա համերգ, օպերա թե ստենդափ, այժմ կարող եք ձեռք բերել մի հպումով` այստեղից
#իվենթաPAN-ի նախորդ թողարկումը կարող եք կարդալ այստեղ՝
🚀 #իվենթաPAN (N129)
📭 Իսկ շաբաթվա լավագույն իվենթների մասին կարելի է իմանալ առանց ՖԲ մտնելու. պարզապես բաժանորդագրվեք ու ստացեք մեր #լավPANեր-ը հենց ձեր էլ․փոստին՝ https://pan.am/luvpan