💸 #ֆինանսաPAN Weekly (101)

Ֆինանսական շաբաթը՝ EasyPay-ի հետ

🇦🇲  Երբ շենքի տակի խանութում 1999 դրամով շոկոլադ ես գնել ու դրամարկղի մոտ պարզվում է, որ դա 100 գրամի արժեքն է, բայց դու ամոթից վերցնում ես… օգոստոսի 1-ից ուժի մեջ է մտնելու նոր կարգավորում, ըստ որի՝ ապրանքը վաճառքի ցուցադրելիս պետք է պարտադիր ներկայացնել յուրաքանչյուր ապրանքի անվանումը, վաճառքի գինը և միավոր գինը. օրինակ, 450 գրամանոց տուփով թթվասերի համար պետք է նշել ոչ միայն դրա վաճառքի գինը, այլև 1 կգ թթվասերի գինը, որպեսզի սպառողները հնարավորություն ունենան միավոր գնի համեմատության արդյունքում արդյունավետ ընտրություն կատարել: Առաջին հայացքից, սպառողի համար հարմարավետ թվացող լուծումն իրականում նոր «գլխացավանք» կարող է ստեղծել տնտեսվարողների համար, քանի որ սա իրականում լրացուցիչ ծախս է ավելացնում ապրանքի գնանշման գործընթացին, որը կարող է անուղղակիորեն ազդել ապրանքների արժեքի վրա…

Այժմ՝ աշխարհում ուշագրավի մասին…

…ֆինանսներից

🇺🇲  Մինչ 10 տարի առաջ ԱՄՆ տեղափոխված քո բարեկամին դեռ չի հաջողվում քաղաքացիության հարցը լուծել, 125 միգրանտ արդեն միլիարդատեր է, որոնցից ամենահարուստներն են Իլոն Մասկը՝ Կանադայից, Google-ի համահիմնադիր Սերգեյ Բրինը՝ Ռուսաստանից ու Nvidia-ի համահիմնադիր Ջենսեն Յանգը՝ Թայվանից՝ https://tinyurl.com/2hpk2vrd

🫂  Coldplay-ի համերգից հետո Astronomer ընկերության գլխավոր տնօրեն Էնդի Բայրոնի հրաժարականի վրա $7 մլն-ի խաղադրույք է կատարվել. սա համարվում է վերջին տարիների խոշորագույն խաղադրույքներ ունեցող «մշակութային միջոցառումը»՝ https://tinyurl.com/zer4k7ew

🏆  Fitch վարկանշային գործակալությունը «BB-» մակարդակում՝ «կայուն» կանխատեսմամբ վերահաստատել է Հայաստանի վարկանիշը. սա նշանակում է, որ մակրոտնտեսական քաղաքականությունն ու տնտեսության աճի վերաբերյալ կանխատեսումները շարունակում են մնալ դրական՝ https://tinyurl.com/yc6a4s8p

…տնտեսությունից

🧠  OpenAI-ի ու Մեծ Բրիտանիայի կառավարության միջև համաձայնագիր է ստորագրվել՝ ըստ որի՝ ԱԲ-ն կսկսի օգտագործվել պետական ծառայություններում. փաստորեն մի քանի անգամ կավելանա պետական համակարգում օրը 8 ժամ ռիլ նայողների թիվը՝ https://tinyurl.com/kvf39re2

🧟  Labubu-ների շնորհիվ չինական Pop Mart ընկերության բաժնետոմսերն աճել են մոտ 600%-ով. ընկերությունն ակնկալում է, որ շահույթը քառապատկվելու է, իսկ խաղալիքների վաճառքն անցած տարի արդեն հասցրել է 1200%-ով աճել՝ https://tinyurl.com/vas9vpte

🏙️  Zara-ի հիմնադիրն էլ ընկերության շահույթից միլիարդավոր ներդրումներ է կատարում անշարժ գույքում՝ խուսափելու հարկերից. նրա ներդրումային գրասենյակը վերջին ամիսներին $500 մլն-ի գույք է գնել՝ Փարիզում՝ 5-աստղանի հյուրանոց, Ֆլորիդայում՝ բնակարանային համալիր, և շենք՝ Բարսելոնայում՝ https://tinyurl.com/4araumun

… ֆինտեխից

🛍️  OpenAI-ը հենց չատում checkout-ի ֆունկցիա է ներդրել (Shopify-ի հետ գործակցելով), գնումները կդառնան նաև ավելի անհատականացված՝ շնորհիվ ChatGPT-ի հիշողության, իսկ OpenAI-ն անգամ չբաժանորդագրված օգտատերերի գնումներից միջնորդավճար կաշխատի՝ https://tinyurl.com/2e4cbkrp

💳  Հնդկական Unified Payment Interface վճարային համակարգն առաջ է անցել Visa-ից՝ դառնալով աշխարհի առաջատարն օրական կատարված գործարքների թվով. 2025-ին ընկերությունն օրական միջինում 640 մլն-ից ավելի գործարք է իրականացրել՝ https://tinyurl.com/83nsksn9

🤑  TikTok-ն էլ գործակցում է Visa-ի հետ՝ ԱՄԷ-ում ՓՄՁ-ներին թվային աջակցման նպատակով. առաջին անգամ TikTok Ads Manager-ից օգտվող բիզնեսները գովազդային կրեդիտներ կստանան Visa-ից՝ https://tinyurl.com/4fn3pp3a

…կրիպտոյից

🔝  Կրիպտոշուկայի կապիտալիզացիան հասավ ռեկորդային՝ $4 տրլն-ի, որի 60%-ը բաժին է ընկնում Bitcoin-ին. վերջինիս գինն արդեն մոտենում է $120,000-ի՝ https://tinyurl.com/4dmtex4z

🪙  Trump Media & Technology Group-ը, որը պատկանում է Դոնալդ Թրամփին և ղեկավարում է Truth Social հարթակը, հայտարարել է, որ գնելու է $2 մլրդ-ի Bitcoin ու վերակազմավորվելու է ներդրումային ընկերության՝ https://tinyurl.com/4dmtex4z

❤️‍🩹  Իսկ Ռուսաստանում 2026-ից կտուգանվեն կրիպտոյով ապրանքների կամ ծառայությունների համար վճարելու դեպքում. ֆիզիկական անձինք՝ մինչև 200,000 ռուբլի, իրավաբանական՝ մինչև 1 մլն ռուբլի՝ https://tinyurl.com/ym9w9ubn

🤟 Եվ հիշեք «ես դրան արժանի եմ»-ը ֆինանսներում ամենավտանգավոր արտահայտությունն է~