💸 #ֆինանսաPAN Weekly (106)

Ֆինանսական շաբաթը՝ EasyPay-ի հետ

🇦🇲  Դու $19.99-ով Կիպրոս ես թռնում, իսկ դրա դիմաց WizzAir-ը կառավարությունից ֆինանսավորում է ստանում: Գուցե արդար չէ, բայց հիշեք, որ արդար չէ, երբ ուիքենդին ավելի ձեռնտու է Կիպրոս մեկնել, քան Սևան։ Կառավարությունը թռիչքների սուբսիդավորման ծրագիր է ընդունել, ըստ որի՝ ֆինանսական աջակցություն կտրամադրվի դեպի Երևանի «Զվարթնոց» ու Գյումրու «Շիրակ» օդանավակայաններ նոր ուղղություններով թռիչքներ իրականացնող ավիաընկերություններին (ի թիվս այլ պահանջների` Հայաստանում գրասենյակ, օդանավեր և այլն): Սուբսիդավորման պահանջին բավարարող առաջին հավակնող ընկերությունը Wizz Air-ն է, որը շուտով կմեկնարկի Գյումրի-Լառնակա ուղղությունը: Այսպիսով, եթե ընկերությունը օգտվի սուբսիդավորման ծրագրից, ապա նոր գործարկվող ուղղություններից Հայաստան ժամանող ուղևորների դիմաց ընկերությունը կստանա 15,000 կամ 20,000 դրամ ֆինանսական օժանդակություն՝ համապատասխանաբար Գյումրու ու Երևանի դեպքում` https://tinyurl.com/bdz35j7u

Այժմ՝ աշխարհում ուշագրավի մասին…

…ֆինանսներից

🆙️  Հնդկաստանը պատժվել է ռուսական նավթի ներմուծման համար ու «արժանացել» ԱՄՆ կողմից մաքսատուրքերի մակարդակի կրկնապատկման՝ 50%, ինչի պատճառով հնդկական ռուփին էժանացել է՝ հասնելով պատմական նվազագույն մակարդակի՝ https://tinyurl.com/mryncudr

🎩  Այս եռամսյակում Nvidia-ի եկամուտների 40%-ը եղել է ընդամենը 2 խոշոր սպառողներից, որոնց ընկերությունը չի բացահայտել. Կա վարկած, որ սրանք խոշոր ամպային ծառայություններ մատուցող ընկերություններ են՝ Microsoft, Oracle, Amazon` https://tinyurl.com/4ja3nf8c

📈  Alibaba-ի եկամուտների աճի ֆոնին ընկերության բաժնետոմսերը 13%-ով աճել են. եկամտի աճը հիմնականում պայմանավորված է AI-ի վրա հիմնված ծառայություններով, որն արդեն ութերորդ եռամսյակն անընդմեջ աճում է՝ https://tinyurl.com/32yvcjwx

…տնտեսությունից

🛒  Իսկ Հայաստանում մոտ 5.7%-ով աճել է միջին ամսական աշխատավարձն ու այժմ այն հասնում է 300,000-ի. ընդ որում՝ պետական ու մասնավոր հատվածներում միջին աշխատավարձերը մոտ 100,000-ով տարբեր են (հօգուտ մասնավորի)` https://tinyurl.com/fvdw2hvh

💰  OpenAI-ը նախատեսում է Հնդկաստանում AI տվյալների խոշոր կենտրոն կառուցել. ի դեպ, Հնդկաստանը դարձել է OpenAI-ի երկրորդ խոշորագույն շուկան, որտեղ ընկերությունը վերջերս բացել է գրասենյակ և առաջարկել $5-ով ChatGPT-ի բաժանորդագրություն՝ https://tinyurl.com/3xkr83vr

🏗  Ու մինչ Երևանում ամեն թեթև քամուց շինարարական փոշի ենք շնչում, Համաշխարհային բանկը զգուշացնում է, որ բնապահպանական խնդիրները ուղիղ սպառնալիք են համաշխարհային տնտեսությանը. գլոբալ գյուղատնտեսությունը սրա պատճառով տարեկան $380 մլրդ է կորցնում՝ https://tinyurl.com/27frf7a6

… ֆինտեխից

🧤  Խափանվել է PayPal-ի խարդախությունների բացահայտման համակարգն ու ընկերությունն առանց պատշաճ ստուգումների փոխանցումներ է ուղարկել բանկերին. արդյունքում մի շարք եվրոպական բանկեր սառեցրել են PayPal-ով ուղարկված մոտ €10 մլրդ-ի գործարքներ՝ https://tinyurl.com/yrmbpbsn

🧠  Մալազիացիների կողմից ստեղծվել է աշխարհի առաջին արհեստական բանականությամբ աշխատող բանկը, որի վիրտուալ օգնականին հրահանգներ տալով հնարավոր է կատարել բանկային փոխանցումներ, ծախսերի պլանավորում կամ ուղղակի ստանալ ֆինանսական խորհրդատվություն՝ https://tinyurl.com/4rz8k7pw

💳  Mastercard-ի և Circle-ի (USDC stablecoin-ի թողարկող) գործակցության արդյունքում էլ Արևելյան Եվրոպայի, Մերձավոր Արևելքի և Աֆրիկայի բանկերը կկարողանան stablecoin-ներով գործարքներ իրականացնել՝ https://tinyurl.com/mrxcuwxd

…կրիպտոյից

🧑‍💻  Հաքերների կողմից Bitcoin-ի առևանգման ծավալն օգոստոսին կազմել է $163 մլն, որի մեծ մասը բաժին է ընկնում 2 խոշոր հարձակման. իրականում հարձակումների քանակը նվազում է, ուղղակի հաքերների թիրախներն են մեծանում՝ https://tinyurl.com/nt4wvs2u

➗️  Տեխնոլոգիաներից ու նման հարձակումներից բխող ռիսկերը նվազեցնելու համար Էլ Սալվադորը (Bitcoin-ը որպես օրինական վճարամիջոց ընդունած առաջին երկիրը), Bitcoin-ով իր պետական պահուստը բաշխել է 14 հասցեի միջև. յուրաքանչյուրում այժմ պահվում է մոտ 500 Bitcoin՝ https://tinyurl.com/346cnh39

📤  Խոշոր ներդրողը վաճառել է $4 մլրդ Bitcoin ու փոխարենը գնել Etherium, վերջինում $4 մլրդ ներհոսք է եղել նաև ինստիտուցիոնալ ներդրողներից. արդյունքում ակտիվի գինը կայունանում է $4300-ի սահմաններում` https://tinyurl.com/28d32mhs

🤟  Եվ հիշեք՝ եթե ձեր գումարը չի աշխատում ձեզ համար, ապա համոզվեք, որ այն չի աշխատում ձեր դեմ~