💸 #ֆինանսաPAN Weekly (126)

Ֆինանսական շաբաթը՝ EasyPay-ի հետ

🇦🇲  Անշարժ գույքի առուվաճառքի և վարձակալության ոլորտում փոփոխություններ են սպասվում։ Մասնավորապես, գործակալները պիտի մասնագիտական ատեստացիա անցնեն, իսկ գույքի չափանիշները վաճառելուց կամ վարձով տալուց առաջ պետք է պարտադիր ստուգվեն։ Սա, սակայն, չի ազդի Հայաստանում տների գների վրա, ուստի չի ազատի ձեզ հավերժ մտքերից՝ Մոնտենեգրոյում վիլլա՞ գնել, թե՝ Մոնումենտում՝ մեկսենյականոց…

Այժմ՝ աշխարհում ուշագրավի մասին…

…ֆինանսներից

🥇  Թուլացող դոլարն ու գլոբալ անորոշությունը նոր պատմական ռեկորդի են հասցրել ոսկու և արծաթի գները․ ոսկին առաջին անգամ հատել է $5100-ը, արծաթը՝ թանկացել ավելի քան 8%՝ հասնելով $110 դոլարից բարձր մակարդակի` https://tinyurl.com/5fzn768j

🎧  Google-ին մեղադրում են ձայնային օգնականի միջոցով օգտատերերից ստացված տեղեկատվությունը երրորդ անձանց ապօրինի փոխանցելու մեջ, այդ թվում՝ գովազդի ցուցադրման նպատակով. ընկերությունը չի ընդունում մեղքադրանքը, սակայն համաձայնել է $68 մլն փոխհատուցում վճարել՝ https://tinyurl.com/3vj3eta6

💰  Ու մինչ դուք փորձում եք եկամտային հարկի մինչև վերջին լուման «քերել» բյուջեից  հիփոթեքի տոկոսներով, Հայաստանի 1000 խոշոր հարկատուները 2025-ին մոտ 2 տրլն դրամ հարկ են վճարել` https://tinyurl.com/2jfdmt83

…տնտեսությունից

🎵  Չինական ByteDance-ը պաշտոնապես բաժանել է TikTok-ն առանձին կառույցների՝ ԱՄՆ-ի և աշխարհի մյուս մասի համար. ԱՄՆ շուկայում մնալը չինական ընկերությունների համար դարձել է քաղաքական ռիսկ, ու շատերը փորձում են «թաքցնել» չինական ծագումը կամ դուրս գալ ԱՄՆ-ից՝ https://tinyurl.com/bdf559vd

📦 Amazon-ը կկրճատի մոտ 14,000 աշխատատեղ՝ սթաֆի մոտ 10%-ը. կրճատումները ոչ թե ֆինանսական ճնշումների, այլ կառավարման «ավելորդ շերտերը» նվազեցնելու նպատակով են՝ https://tinyurl.com/mr34c4fz

🎗  Բիլ Գեյթսի բարեգործական հիմնադրամը ևս առաջիկա տարիներին մոտ 500 աշխատատեղ կկրճատի, փոխարենն այս տարի կնվիրաբերի ռեկորդային՝ $9 մլրդ` աստիճանաբար պատրաստվելով 2045-ի փակմանը՝ https://tinyurl.com/2x7r2njr

… ֆինտեխից

📵  Փետրվարի 1-ից հայկական բջջային օպերատորներից երկուսի՝ Viva-ի և Team-ի վճարումներն այլևս հնարավոր չի լինի իրականացնել մի շարք վճարային տերմինալներով ու թվային դրամապանակներով, այդ թվում՝ EasyPay, Telcell, Idram՝ https://pn.am/an330117

🇮🇷  Պարզվում է՝ Իրանի ԿԲ-ն մոտ $507 մլն USDT stablecoin է գնել, որի դիմաց վճարել է ԱՄԷ դիրհամով. ԿԲ-ն այն օգտագործում է ռիալի արժեզրկման դեմ պայքարելու ու պատժամիջոցների պատճառով միջազգային առևտրի վճարումների անհնարինությունը շրջանցելու համար՝ https://tinyurl.com/598amf23

💳  Վարկառուների պարտքի բեռը մեղմելու նպատակով Թրամփն առաջարկում է ընդունել օրենք, որը կրեդիտային քարտերի տոկոսադրույքների առավելագույն մակարդակ կսահմանի 10%-ը. ըստ փորձագետների՝ սա կարող է վնասել բանկերի շահույթին ու տնտեսությանը՝ https://tinyurl.com/mvk95wmd

…կրիպտոյից

📉  Ոսկու և արծաթի թանկացման ֆոնին Bitcoin-ի հանդեպ հետաքրքրությունը նվազել է, դրա գինը շարունակում է գտնվել $88,000-ի շրջակայքում. ամենամեծ զսպող գործոնը շարունակում է մնալ Bitcoin ETF-ների վաճառքները՝ միայն նախորդ շաբաթ ավելի քան $1.3 մլրդ՝ https://tinyurl.com/3m8pdpye

🕵️  Հարավային Կորեայում էլ դատախազության կողմից բռնագանձված մոտ $48 մլն Bitcoin է գողացվել հաքերների կողմից. աուդիտը պարզել է, որ գողությունը տեղի է ունեցել գաղտնաբառի արտահոսքի պատճառով՝ https://tinyurl.com/eyaxa3r6

🪙  Իսկ Tether-ը՝ աշխարհի ամենամեծ stablecoin-ի՝ USDT-ի ստեղծողը, 2025-ի վերջին եռամսյակում մոտ 27 տոննա ոսկի է գնել. նա ոսկու պահուստ ունեցող թոփ 30-յակի ցանկում է՝ գերազանցելով շատ երկրների (Հունաստան, Կատար, Ավստրալիա)՝ https://tinyurl.com/5jncd624

🤟 Եվ հիշեք՝ «ակնթարթային հաստատումով» ամեն ինչի համար դուք, հավանաբար, երկարատև զղջալու եք~