💸 #ֆինանսաPAN Weekly (131)

Ֆինանսական շաբաթը՝ EasyPay-ի հետ

🇦🇲 Մինչ ոմանք երկրպագում են տարածաշրջանային պատերազմի այս ու այն կողմին, մյուսները՝ խաղադրույքներ կատարում, երրորդներն էլ մեմեր սարքում, այն ազդում է բոլորի, այդ թվում՝ Հայաստանի վրա։ Ազդեցության առաջին ուղղությունը կարող է լինել լոգիստիկան, քանի որ Իրանը ՀՀ արտաքին առևտրում ունի մոտ 5-8% կշիռ, հիմնականում՝ ներմուծումների հաշվին, իսկ սահմանային կամ լոգիստիկ խափանումները կարող են թանկացնել ներմուծումը և բարդացնել արտահանումը։ Բացի այդ, Հայաստանն Իրանից գազ է ստանում «գազ՝ էլեկտրաէներգիայի դիմաց» սխեմայով, ու ցանկացած խաթարում կավելացնի Հայաստանի էներգետիկ ռիսկերը: Ամենամեծ անուղղակի ազդեցությունը, հավանաբար, կլինի նավթի համաշխարհային գնի աճն ամբողջ աշխարհում, որը կբերի վառելիքի թանկացման և նոր գնաճային ճնշումների։ Միակ «լավ» բանն իրանցիների մեծ ներհոսքի դեպքում վարձով տան գների բարձրացումն է լինելու, որից օգուտ են ստանալու շատ սահմանափակ թվով մարդիկ, բայց այս պահին Սյունիքում դեռ նման հոսքեր չեն նկատում…

Այժմ՝ աշխարհում ուշագրավի մասին…

…ֆինանսներից

💰 OpenAI-ը հաստատել է $110 մլրդ ֆինանսավորման ծրագիրը, որտեղ ներգրավված են SoftBank-ը, Nvidia-ն, Amazon-ը, իսկ Microsoft-ը մնում է հիմնական ռազմավարական ներդրողը. ընկերության գնահատականը կարող է հասնել $730 մլրդ-ի, որը նրան կդարձնի ԱՄՆ պատմության ամենամեծ տեխնոլոգիական IPO-ն` https://tinyurl.com/2ve2un8x

🛢️ Տարածաշրջանային հակամարտության սրման պատճառով նավթի գներն արդեն իսկ աճել են մոտ 13%-ով. հիմնական պատճառը Իրանի կողմից Հորմուզի նեղուցի փակելն է, որով օրական անցնում է մոտ 15 մլն բարել նավթ՝ https://tinyurl.com/2b4efht6

🛳️ Նավթի գների աճի պատճառով անկում են ապրել ծովային կրուիզների ոլորտի բաժնետոմսերը. կանխատեսվում է, որ նավթի թանկացումը կարող է ավելացնել ծախսային ճնշումները և նվազեցնել ընկերությունների շահութաբերությունը՝ https://tinyurl.com/yc8fv89u

…տնտեսությունից

🤝 Իսկ նավթ արդյունահանող ութ երկրից կազմված OPEC+-ը հայտարարել է, որ ապրիլից արդյունահանումը կավելացնի օրական 206,000 բարելով՝ փորձելով մեղմել մատակարարման խափանումների պատճառով գների կտրուկ աճը՝ https://tinyurl.com/3fn9drxs

🚺 Մինչև 2048-ը սպասվում է $105 տրլն-ի հարստության փոխանցում, որի մեծ մասը կհասնի կանանց․ Չնայած վերջիններս ավելի հաճախ իրենց ներդրումային մոտեցումը նկարագրում են «պահպանողական», տվյալները ցույց են տալիս, որ կանայք ավելի շատ են հակված ռիսկային ներդրումների՝ https://tinyurl.com/ynbv9td3

☁️ Հայաստանն էլ ստացել է բարձր արտադրողականությամբ AI սարքավորումների առաջին խմբաքանակը, որոնք կարող են թույլ տալ իրականացնել AI հետազոտություններ, ներդնել ձեռնարկատիրական լուծումներ և զարգացնել ամպային ծառայությունները՝ https://tinyurl.com/u5msuurk

… ֆինտեխից

🪙 Revolut-ը պատրաստվում է ֆունտով ապահովված stablecoin-ներ թողարկել Մեծ Բրիտանիայում, որը կարող է օգտագործվել ինչպես հավելվածում, այնպես էլ փոխանցվել՝ որպես կրիպտո էկոհամակարգի գործիք. ի տարբերություն հաշվին առկա գումարի, stablecoin-ը չի երաշխավորվելու հիմնադրամի կողմից՝ https://tinyurl.com/54p5arec

🤖 Mastercard-ը և Santander-ն իրականացրել են առաջին վճարումը՝ ամբողջությամբ կատարված AI գործակալի կողմից. hամակարգը թույլ է տալիս AI գործակալներին կատարել վճարումներ նախապես սահմանված թույլտվությունների շրջանակում, որոնք կառավարում է հաշվի սեփականատերը` https://tinyurl.com/2zw3taak

🍏 Apple-ը նախատեսում է Apple Pay-ը գործարկել Հնդկաստանում. ծառայությունն արդեն ունի 800+ մլն օգտատեր և մշակել է $9.5 տրլն-ի գործարք, իսկ Հնդկաստանի արագ աճող շուկայում մուտքը կարող է նաև iPhone-ի պահանջարկը մեծացնել՝ https://tinyurl.com/36452b93

…կրիպտոյից
💸 ԱՄՆ-Իսրայել օդային հարվածներից անմիջապես հետո Իրանում կրիպտոարտահոսքերն աճել են 700%-ով, հավանաբար, պատժամիջոցներն ու ֆինանսական սահմանափակումները շրջանցելու նպատակով. ի դեպ՝ Իրանում կրիպտոն լայնորեն օգտագործվում է արժեզրկվող ռիալից պաշտպանվելու համար՝ https://tinyurl.com/3b5w2h54

🥶 Tether-ը սառեցրել է մոտ $4.2 մլրդ-ի USDT stablecoin, որոնք կապված են եղել հանցավոր գործունեության հետ. ընկերությունը գործակցում է իրավապահների հետ և ունի տեխնիկական հնարավորություն՝ հեռակա կարգով սառեցնելու օգտատերերի դրամապանակներում պահվող թոքենները՝ https://tinyurl.com/dy73ka6c

✂️ Իսկ Թուրքիան առաջարկում է 10% հարկ սահմանել կրիպտոյից ստացվող եկամտի վրա, որը կգանձվի անմիջապես կրիպտոառևտրի հարթակների կողմից՝ եռամսյակային. նախագահին իրավասություն է տրվում նաև հարկի դրույքաչափը բարձրացնել մինչև 20%՝ https://tinyurl.com/2ey6y2r4

🤟 Եվ հիշեք՝ եթե ձեր օնլայն զամբյուղները լիքն են, բայց բանկային հաշիվները՝ դատարկ, դուք ապրում եք երևակայական կյանքով~