💸 #ֆինանսաPAN Weekly (135)

Ֆինանսական շաբաթը՝ EasyPay-ի հետ

🇦🇲 Եթե կարծում եք, որ հունվարը միայն մեզ համար էր դժվար «գնում» տոներից հետո՝ սխալվում եք. ՀՀ արտաքին առևտուրը նույնպես ծանր է սկսել տարին: 2026-ի հունվարին ներմուծվել է նախորդ տարվա նույն ժամանակաշրջանից 11.16%-ով պակաս՝ $811.8 մլն-ի ապրանք. արտահանումը ևս մոտ 13.5%-ով նվազել է: Երկու դեպքում էլ հիմնական գործընկեր երկիրը Ռուսաստանն է, որին բաժին է ընկնում ներմուծման 45, արտահանման` 35%-ը: Արտահանման ծավալներով երկրորդ հորիզոնականում ԱՄԷ-ն է: Որպեսզի սա միստիկ չթվա, հիշեցնենք, որ սա ոչ թե «իրական» արտահանում է, այլ՝ վերարտահանում։ ԱՄԷ արտահանվում է հիմնականում Ռուսաստանից ներմուծված ոսկին, ու հենց այս պատճառով էլ 2025-ին ՀՀ-ից արտահանման ծավալի մոտ 1/4-ը բաժին է ընկել ոսկուն…

Այժմ՝ աշխարհում ուշագրավի մասին…

...ֆինանսներից

📈  OECD-ի կանխատեսմամբ՝ Մերձավոր Արևելքի հակամարտությունը կարող է G20 երկրներում գնաճը հասցնել 4%-ի. ամենամեծ հարվածը սպասվում է ԱՄՆ-ին, որտեղ գնաճը կանխատեսվում է 4.2%, ինչը նախորդ տարվա ցուցանիշից 60%-ով բարձր է՝ https://tinyurl.com/4epms995

🔥  Firebird AI-ը $300 մլն-ի ֆինանսավորում կստանա ՀՀ ֆինանսական համակարգի միջոցով, այդ թվում՝ կենսաթոշակային ֆոնդերից. նախագծի նպատակը AI ժամանակակից տվյալների կենտրոնի ստեղծումն է՝ https://tinyurl.com/3vd589c7

♻️  Համաշխարհային բանկն ու OPEC-ն էլ մոտավորապես նույնքան կֆինանսավորեն Հայաստանին՝ ներդրումային միջավայրի արդիականացման ու տնտեսության «կանաչացմանն» ուղղված ծրագրերի համար (այս ֆոնին 2027-ից կարգելվի պոլիէթիլենային տոպրակների վաճառքը)՝ https://tinyurl.com/8bxx33d4

...տնտեսությունից

🟠  Սեպտեմբերից հայ արտադրողները հնարավորություն կունենան վաճառել Temu-ում. չնայած չինական ապրանքի հետ դժվար է մրցակցել, սա թույլ կտա տեղական բիզնեսին հասանելիություն ունենալ դեպի ԱՄՆ-ի և Եվրոպայի շուկաներ՝ https://tinyurl.com/bdfnuhj9

🛢️  Սաուդյան Արաբիան հաջողությամբ գործարկել է «Արևելք-Արևմուտք» նավթամուղն իր ամբողջ հզորությամբ՝ օրական մատակարարելով 7 մլն բարել նավթ. թեև սա ամբողջությամբ չի փոխարինում Հորմուզով անցնող 15 մլն բարելին, բայց զսպում է նավթի գների աճը https://tinyurl.com/mr36fr8e

🧑‍💼  Մինչ դուք դժգոհ եք աշխատավարձի տարեկան 5-10% աճից, «սպիտակ օձիքով» մասնագետների մի մեծ հատված կրճատումների հետևանքով անցնում է սպասարկման ոլորտ՝ ավելի ցածր աշխատավարձով, ու բարձրացնում է մրցակցությունը նախկինում ցածր որակավորում պահանջող աշխատանքների համար՝ https://tinyurl.com/wvfznzc8

...ֆինտեխից

🏃  Գերմանական Solaris ֆինտեխ հսկան, օրինակ, կրճատում է աշխատակիցների 20%-ին՝  նպատակ ունենալով դառնալ Եվրոպայի առաջին AI բանկը. նախատեսվում է ավտոմատացնել հաճախորդների նույնականացման ու համապատասխանության ստուգման գործընթացները՝ https://tinyurl.com/rfk33bda

💰  2026-ի առաջին եռամսյակում ֆինտեխ ոլորտում գրանցվել է $100 մլն+ ավելի քան 10 ներդրումային փուլ. չնայած AI-ը մնում է գլխավոր թրենդը, ֆինտեխի բումը պայմանավորված է արդեն հասուն ստարտափների՝ IPO-ի նախապատրաստմամբ՝ https://tinyurl.com/4zwektbe

💳  Mastercard-ն էլ դիրքավորվում է որպես գլխավոր օղակ ավանդական և թվային արժույթների միջև՝ սթեյբլքոին ստարտափ BVNK-ի ձեռքբերումից հետո. ըստ ընկերության՝ սթեյբլքոինները ոչ թե քարտային բիզնեսը վնասող, այլ միջսահմանային փոխանցումներն արագացնող գործիքներ են՝ https://tinyurl.com/492hs9h9

...կրիպտոյից

🎯  Սթեյբլքոինների համաշխարհային շուկան ցուցադրում է կենտրոնացվածության ծայրահեղ մակարդակ. առևտրի ծավալի մոտ 90%-ը բաժին է ընկնում ընդամենը երկու թողարկողի՝ Tether-ի USDT-ին և Circle-ի USDC-ին՝ https://tinyurl.com/bdfu8x25

🔌  Կրիպտոմայներները յուրաքանչյուր արտադրված Bitcoin-ից կորցնում են $20,000, քանի որ մայնինգի ծախսը միջինում հասել է $88,000-ի, իսկ ակտիվի գինը տատանվում է $68,000-ի շուրջ՝ https://tinyurl.com/mwybsbcv

💲  Ռուսաստանում էլ նոր սահմանափակում կա՝ ոչ որակավորված ներդրողները մեկ բորսայի միջոցով կարող են գնել առավելագույնը ~$3300 արժողությամբ և ԿԲ-ի կողմից սահմանված ցուցակին համապատասխան կրիպտոարժույթ՝ https://tinyurl.com/bdcyyuse

🤟 Եվ հիշեք՝ փողը երջանկություն չի բերում, բայց ավելի հաճելի է տխրել սեփական տանը, քան վարձով բնակարանում