💸 #ֆինանսաPAN (48)

Ֆինանսական շաբաթը՝ EasyPay-ի հետ

🇦🇲 Երբ օրեցօր մեծացող անկանխիկ վճարումների ֆոնին քիչ-քիչ փոքրանում է շաուրմայի չափսերը մեծից՝ ստանդարտ, ստանդարտից՝ փոքր, պատճառը POS տերմինալով վճարելու դեպքում բիզնեսի կողմից բանկին վճարվող միջնորդավճարն է: Եթե շատերն անցնեն անկանխիկի, բիզնեսն իր շահութաբերությունը պահելու համար բանկային միջնորդավճարի չափով բարձրացնելու է ապրանքների ու ծառայությունների գները: Որոշ տնտեսվարողներ (օրինակ՝ տեխնիկայի խանութները) «ձևը գտել են», ու հաճախ տարբեր գներ են առաջարկում ապրանքը կանխիկ և անկանխիկ գնելու դեպքում՝ վերջին դեպքում ավելի թանկ: Բայց հիշեք, որ, ըստ օրենսդրության, չի թույլատրվում անկանխիկ վճարման դեպքում ավելի բարձր գին առաջարկել։

Իսկ հիմա՝ աշխարհում ուշագրավի մասին…

…ֆինանսներից

🪙 Nvidia-ի արժեքը հատել է $3.34 տրիլիոնի շեմն ու առաջ անցել Microsoft-ից՝ դառնալով աշխարհի ամենամեծ ընկերությունը՝ https://tinyurl.com/955zz8ny

🎾 Փարիզի Օլիմպիադային ընդառաջ Օլիմպիական կոմիտեի եկամուտների 91%-ը ստացվում է հեռարձակման իրավունքի վաճառքից ու հովանավորներից, իսկ խաղերում հաճախ տեղ են գտնում քաղաքականությունն ու կոռուպցիոն սխեմաները՝ https://tinyurl.com/3xry3x2u

🚗 Եվրոպայի կողմից BYD էլմեքենաների ներմուծման մաքսատուրքերի բարձրացման լուրերի ֆոնին Ուորեն Բաֆֆեթը վաճառել է ընկերությունում ունեցած իր պորտֆելից $40 մլն՝ https://tinyurl.com/2ve55c4d

…տնտեսությունից

🌾 ՀՀ-ում էլ սահմանափակումներ են կիրառվում արտահանման նկատմամբ՝ 6 ամիս հնարավոր չի լինի երկրից արտահանել գյուղատնտեսական որոշ արտադրատեսակներ, բացառությամբ ԵԱՏՄ երկրների՝ https://tinyurl.com/zpswy98m

🏃‍➡️ Եվս 1000 միլիոնատեր կլքի Ռուսաստանն այս տարի՝ 2023-ի՝ 2800-ի, ու 2022-ի՝ 8500-ի համեմատ. միլիոնատերերի տեղակայման ամենահրապուրիչ վայրերն են ԱՄԷ-ն, ԱՄՆ-ն ու Սինգապուրը՝ https://tinyurl.com/224j52nw

💡 Իսկ միլիարդատեր Բիլ Գեյթսը $1 մլրդ է ներդրել ատոմակայանի կառուցման բիզնեսում, բայց, ինչպես այսօր մոդայիկ է, արհեստական բանականության «խաթր»` https://tinyurl.com/854bpxpk

…ֆինտեխից

📱 Մեզ նոր միացողներին առաջարկում ենք կարդալ, թե ինչ է ֆինտեխն ու ֆինտեխ ընկերությունը, ինչպես են դրանց ծառայությունները տարբերվում ավանդական ֆինանսական ծառայություններից՝ https://tinyurl.com/3r9zbfxj

🛍 Ամերիկայի հայերի համար լավ նորություն ունենք՝ Apple Pay-ը սկսել է գործակցել Affirm ֆինտեխի հետ. արդեն կարող եք Apple Pay-ով վճարում կատարել վարկով՝ օգտվելով Affirm-ի «գնիր հիմա, վճարիր հետո» ծառայությունից՝ https://tinyurl.com/2ey3hwtj

🚩 Հայտնի նեոբանկ Revolut-ը պատրաստվում է գլխամասը տեղափոխել Լոնդոն՝ ՄԹ-ում բանկային լիցենզիա ստանալուց հետո. ընկերությունն արդեն 10 տարով 10,000 մ2 տարածք է վարձակալել քաղաքի ամենահայտնի ֆինանսական թաղամասում, HSBC-ի կողքին՝ https://tinyurl.com/2tx7z4sc

…կրիպտոյից

👑 Etherium-ի հիմնադիր Վիտալիկ Բուտերինը մեծ պոտենցիալ է տեսնում TikTok AI-ում, որը 410 անգամ արագ նկարները կթոքենիզացնի՝ գրեթե նույնքան արագ բթացնելով օգտատերերի ուղեղները՝ https://tinyurl.com/e9jbrw3u

☎️ Հեռահաղորդակցության գիգանտ, գերմանական Telecom-ը պատրաստվում է զբաղվել Bitcoin-ի մայնինգով՝ https://tinyurl.com/muzfrewt

💰 Սալվադորի նոր բանկային օրենսդրությամբ, բանկերին թույլատրվում է կրիպտոակտինվերով ներդրումային ծառայություններ մատուցել. ծառայությունը հասանելի է միայն $250,000 և ավելի ակտիվ ունեցող պրոֆեսիոնալ ներդրողների համար՝ https://tinyurl.com/5bhuy9rv

🤟 Լավ ուիքենդ ձեզ, և հիշեք՝ ձեզ թալանողի ու հարկային մարմնի տարբերությունն այն է, որ առաջին դեպքում դուք զայրանում եք, երկրորդում՝ ձեզ զգում եք «պատասխանատու քաղաքացի»~