💸 #ֆինանսաPAN (62)

Ֆինանսական շաբաթը՝ EasyPay-ի հետ

🇦🇲 Քանի Temu-ն մեզ իր թակարդն է գցել «անվճար նվերներով» ու հաճախ կարող ենք պատվիրել առաջին հայացքից գրավիչ, բայց ոչ պետքական իրեր, առաջարկում ենք վերհիշել, թե ինչպես անցնել մինիմալիստական կենսակերպի. այն ձեզ կօգնի ունենալ ավելի շատ ազատ ժամանակ, խնայել գումար ու չծանրաբեռնվել ոչ կարևոր անելիքներով՝ https://tinyurl.com/5n734286

Իմպուլսիվ գնումներից խուսափելու համար կարդացեք նաև մեր գործընկերոջ բլոգն այն մասին, թե ինչպես է ստացվում, որ նախատեսվածից ավելի շատ ենք ծախսում ու որոնք են խնայելու 9 կարևոր կանոնները՝ https://tinyurl.com/ys6bhr4a

Իսկ հիմա՝ աշխարհում ուշագրավի մասին…

…ֆինանսներից

🧠 Առաջատար ֆինանսական հաստատությունների 72%-ն արդեն օգտագործում են արհեստական բանականությունը, հատկապես հաճախորդների նույնականացման ու խարդախությունների կանխարգելման գործընթացներում՝ հաշվի առնելով, որ բանկերի հաճախորդների 50%-ը գոհ չէ մատուցվող ծառայություններից՝ https://tinyurl.com/329m8fsu

🚙 Ճապոնիայում վարչապետի ընտրության լուրը բարենպաստ չէր ֆինանսական շուկայի համար. վարչապետի կողմից տոկոսադրույքների բարձրացման սպասումով մի շարք բաժնետոմսեր են անկում ապրել՝ Toyota Motor` 7.6%, Honda Motor` 7%, Ford` 2%, General Motors` 3.5%` https://tinyurl.com/mtwmjyed

💹 Իսկ Չինաստանում բաժնետոմսերի գները մոտ 8%-ով աճել են. ներդրողները ոգեշնչվել են կառավարության կողմից տրված դրական ազդակներով՝ հիփոթեքի տոկոսադրույքների իջեցում, տնտեսությունը խթանող ֆիսկալ ու դրամավարկային քաղաքականություն՝ https://tinyurl.com/82tvve2r

…տնտեսությունից

💰 Աշխարհի ամենահարուստ կինը՝ Ալիս Ուոլթոնը (Walmart-ի հիմնադիր Սամ Ուոլթոնի դուստրը) հայտնվել է «$100 միլիարդ»-անոց ակումբում. միայն այս տարվա մեջ նրա հարստությունն աճել է $30.8 մլրդ-ով՝ https://tinyurl.com/bdcm8993

🏃 Բայց ԱՄՆ-ում ոչ բոլորին է հաջողվում միլիարդատեր դառնալ. Սիլիկոնյան հովտի տեխնոլոգիական ընկերություններում մեծ հաջողություն գրանցած որոշ հնդիկ մասնագետներ որոշել են վերադառնալ Հնդկաստան և հիմնել սեփական ստարտափները՝ https://tinyurl.com/2saakfhv

🇦🇲 ԵԱՏՄ-ն էլ արդեն 10 տարեկան է, ու այս անգամ Երևանն էր հյուրընկալել Եվրասիական տնտեսական համաժողովը «ԵԱՏՄ 10 տարին. հեռանկարներն ու գերակայությունները» թեմայով՝ https://tinyurl.com/y9wchxnr

…ֆինտեխից

🛒 Մարդկանց 70%-ի «որտեղից գնումներ կատարելու» որոշման վրա ազդում են առաջարկվող վճարային մեթոդները. այս կապակցությամբ Walmart-ն ու Amazon-ը ընդլայնում են իրենց գործակցությունները ֆինտեխ ընկերությունների՝ Fisrev-ի և Google Pay-ի հետ՝ https://tinyurl.com/4u7z2jcb

🇪🇺 Wero-ն, որն արդեն հասանելի է Գերմանիայում, Բելգիայում ու Ֆրանսիայում, ամերիկյան Visa-ի և Mastercard-ի գլխավոր մրցակիցն է լինելու՝ նպատակ ունենալով դառնալ եվրոպական առաջին սուվերեն վճարային համակարգը՝ https://tinyurl.com/3w6v7df2

💳 Իսկ Visa-ն շարունակում է ամրացնել իր դիրքերը. պլաններում Featurespace AI ընկերության ձեռքբերումն է, ինչի շնորհիվ հնարավոր կլինի կանխել անգամ ամենաբարդ մեխանիզմներով կիրառվող խարդախությունները՝ https://tinyurl.com/ypvxnmt4

…կրիպտոյից

👀 Ռուսաստանի կենտրոնական բանկն սկսելու է ուսումնասիրել ռեզիդենտների կողմից միջսահմանային կրիպտո գործարքները՝ այդ թվում գործարքի տեսակը, փոխանցման ուղղությունը, գործարքը միջնորդող բանկերը և ոչ միայն….նշենք, որ ՌԴ բնակչության 20%-ն արդեն կրիպտոակտիվներ ունի՝ https://tinyurl.com/pyxn9tk9

🔐 Gemini կրիպտոբորսան փակում է բոլոր օգտատերերի հաշիվները Կանադայում մինչև տարեվերջ, ու 90 օր ժամանակ է տվել հաճախորդներին հաշիվներից կրիպտոակտիվները «մաքրելու» համար՝ https://tinyurl.com/4dd9nf74

👛 Ֆեյք կրիպտոդրամապանակի հավելված է հայտնվել Google Play-ում. այն 10,000 անգամ ներբեռնվել է օգտատերերի կողմից, հաշիվներից $70,000 է գողացվել... այս ամենից հետո ընդամենը 20 օգտատեր է բացասական review թողել՝ https://tinyurl.com/4y99nytf

🤟 Լավ ուիքենդ ձեզ, ու հիշեք՝ երբեք ֆինանսական խորհուրդ մի հարցրեք նրանից, ում հեռախոսն ավելի լավն է, քան ձերը~