💸 #ֆինանսաPAN (74)

Ֆինանսական շաբաթը՝ EasyPay-ի հետ

🇦🇲 Երբ ամեն անգամ մարզասրահ գնալը հետաձգում ես մինչև հաջորդ երկուշաբթի կամ հաջորդ ամսի մեկ ու պատճառաբանում, որ ազատ ժամանակ չունես, շուտով, գուցե, ստիպված ես լինելու այլ պատճառ գտնել ալարկոտությունդ արդարացնելու համար: Ըստ աշխատանքային օրենսգրքում փոփոխությունների նոր նախագծի՝ աշխատանքային օրը կարող է մեկ ժամով կրճատվել՝ 8-ից դառնալով 7 ժամ. փոփոխության ամենալավ մասը՝ աշխատավարձը կպահպանվի: Իհարկե, հարց է առաջանում՝ արդյոք հաջորդ աշխատավարձի բարձրացման ժամանակ գործատուն չի պատճառաբանի, թե արդեն քիչ ես աշխատում ու աշխատավարձը բարձրացնելու կարիք չկա…

Իսկ հիմա՝ աշխարհում ուշագրավի մասին…

… ֆինանսներից

🧠 Այս տարի Եվրոպայում վենչուրային ֆոնդերի կողմից ստարտափներին տրված ֆինանսավորման 25%-ը ($14 մլրդ) ուղղվել է արհեստական բանականության ոլորտի ընկերություններին. նախորդ տարի այս թիվը կազմում էր 15%՝ https://tinyurl.com/326dth76

🛢 ԱՄՆ նորընտիր նախագահն էլ այժմ ԵՄ-ին է «սպառնում» մաքսատուրքերով, եթե երկրները չսկսեն իրենցից ավելի մեծ ծավալով նավթ ու գազ գնել, մինչդեռ ԵՄ-ն արդեն գնում է ԱՄՆ-ից արտահանման «առյուծի բաժինը»՝ https://tinyurl.com/2s45u68e

🏆 Walmart-ի, General Motors-ի, Nvidia-ի ու Robinhood-ի բաժնետոմսերը ճանաչվել են լավագույնը Yahoo Finance-ի կողմից. GM-ն արժանացել է «տարվա անակնկալ» անվանակարգին, Nvidia-ն՝ «տարվա պրոդուկտ»՝ https://tinyurl.com/5yffuah8

… տնտեսությունից

🎄 Ամանորյա առաքումներին ընդառաջ Amazon-ի մոտ 10,000 աշխատակից գործադուլ է հայտարարել՝ բողոքելով աշխատանքային վատ պայմաններից ու ցածր վարձատրությունից, ինչի պատճառով նրանք անգամ կոմունալները չեն հասցնում մուծել՝ https://tinyurl.com/4mvvrw46

🚗 Tesla-ն ոլորտի բացարձակ առաջատարն է՝ ընկերությունը $1.4 տրլն շուկայական արժեքով համաշխարհային ավտոարդյունաբերության կեսն է կազմում. սա ավելի է, քան խոշոր 29 ավտոարտադրող ընկերության արժեքը միասին՝ https://tinyurl.com/2zuaszx5

🔌 ԵՄ-ն նախատեսում է սուբսիդավորման ծրագրեր մշակել էլեկտրաէներգիա արտադրողների համար. էլէներգիան Եվրոպայում 2-3 անգամ թանկ է ԱՄՆ-ից, և մի շարք արդյունաբերական ոլորտներ չեն կարող մրցակցային գներով արտադրություն ունենալ՝ https://tinyurl.com/mr4ah7cm

… ֆինտեխից

📈 PayPal-ի բաժնետոմսերը վերջին 6 ամսում 42%-ով թանկացել են. չնայած վերջին 4 տարվա մեջ բաժնետոմսի արժեքը $300-ից նվազել է մինչև $88, բաժնետերերը կարող են շատ չտխրել՝ հաջորդ տարվա համար կանխատեսումները դրական են՝ https://tinyurl.com/bd557kdx

🤲 Շուտով վճարում կատարելու համար ձեզ ոչ դրամապանակ, ոչ էլ հեռախոս անհրաժեշտ չի լինի՝ Visa-ն հնարավորություն է տալու վճարել՝ օգտագործելով միայն ձեռքի ափը. հետաքրքիր է՝ հնարավոր կլինի՞ աջ ու ձախ ափերին տարբեր քարտեր կցել՝ https://tinyurl.com/y3ebe25z

📢 2025-ին Klarna-ն պատրաստվում է բաժնետոմսերի հրապարակային առաջարկի, որը կազմակերպելու են ամերիկյան խոշոր ներդրումային բանկերը. ընկերության արժեքը $15-20 մլրդ է գնահատվում՝ https://tinyurl.com/5n7jpjx7

… կրիպտոյից

💰 Երբ Bitcoin-ը հատեց $100,000-ի շեմը, միլիարդատերերի քանակն ավելացավ 4-ով, միլիոնատերերինը՝ 14,211-ով. այս կրիպտոակտիվում ներդրում կատարողները 22 անգամ ավելի արագ են հարստանում, քան բաժնետոմսերում ներդրողները՝ https://tinyurl.com/ha9n3v4n

🛰 Իսկ Մասկի SpaceX-ը սկսել է stablecoin-ներ գնել՝ արտարժութային ռիսկը զսպելու համար՝ https://tinyurl.com/2aytupfd

🥷 2024-ին տեղի ունեցած բոլոր կրիպտո գողությունների 60%-ի հետևում կանգնած են Հյուսիսային Կորեայի հաքերները. նախորդ տարվա համեմատ կրիպտոգողությունների ցուցանիշը 21%-ով աճել է՝ հասնելով $2.2 մլրդ-ի՝ https://tinyurl.com/kn7m3pj

🤟 Լավ ուիքենդ ձեզ, և հիշեք՝ գալիք տոները շատ արագ են ավարտվելու, իսկ օվերդրաֆտն ու ապառիկը ձեզ ամբողջ տարի կհիշեն, եթե որոշեք սեղանին էկզոտիկ մրգեր, կոկորդիլոս ու պարմեզան դնել~