💸 #ֆինանսաPAN (75)

Ֆինանսական շաբաթը՝ EasyPay-ի հետ

🇦🇲 Անկախ նրանից, թե Ամանորին քանի կգ քաշ եք հավաքել, 2025-ը ստիպելու է ձգել գոտիները, քանի որ մեզ ու մեր բյուջեին սպասվում են կարևոր ֆինանսական փոփոխություններ։ Այս կապակցությամբ տարեսկզբյան հիշեցում՝ այս տարի բոլոր վարձու աշխատողները Հարկային են ներկայացնելու հարկվող (աշխատավարձ, ավանդի տոկոս և այլն) և չհարկվող եկամուտների մասին (նվիրատվություն, արտերկրից ստացած գումար) եկամուտների հայտարարագիր, նաև բարձրանում է շրջանառության հարկը։ Երևանում այլևս չի գործելու նորակառույցներում եկամտահարկի վերադարձով հիփոթեք վերցնելու հնարավորությունը (բացառությամբ մինչև 2022-ի հունվարի 1-ը շինթույլտվություն ստացած շենքերի), նախորդ տարվա համեմատ Երևանում 50%-ով բարձրանալու է գույքահարկը, իսկ աղբահանության վճարը հաշվարկվելու է քմ-ով...

Իսկ հիմա՝ աշխարհում ուշագրավի մասին…

… ֆինանսներից

🤝 Մինչ դուք տրամադրվում եք 2025-ի աշխատանքային տարվան, 9 նոր երկիր (Բելառուս, Ղազախստան, Ուզբեկստան և ոչ միայն) հասցրել են BRICS (Brazil, Russia, India, China) դաշինքի գործընկերը դառնալ. դաշինքի երկրների ՀՆԱ-ն արդեն համաշխարհային ՀՆԱ-ի 40%-ն է կազմում՝ https://tinyurl.com/muzjjwew

🤖 Amazon-ն ու Microsoft-ն ուզում են նվազեցնել իրենց կախվածությունը Nvidia-ից՝ անցնելով սեփական AI չիպերի արտադրությանը, վերջինս էլ պլանավորում է 2025-ին սահուն անցնել AI ռոբոտների արտադրությանը՝ https://tinyurl.com/35hdmuxf

🥉 Ցուկերբերգն առաջ է անցել Oracle-ի հիմնադիր Լարի Էլիսոնից՝ դառնալով աշխարհի երրորդ ամենահարուստը $217 մլրդ կարողությամբ. աշխարհի ամենահարուստ մարդը շարունակում է մնալ Իլոն Մասկը ($425․2 մլրդ), հաջորդը Amazon-ի հիմնադիր Ջեֆ Բեզոսն է ($241 մլրդ)՝ https://tinyurl.com/yckb5kcx

… տնտեսությունից

🌬️ Չինաստանը հաջողությամբ փորձարկել է աշխարհի առաջին ջրածնով աշխատող էլեկրագեներատորը, որը մեկ ժամում 443 տոննա ջրածին է այրում. ըստ նախագծողների՝ այն լրացնելու է քամուց և արևից ստացվող վերականգնվող էներգիան՝ https://tinyurl.com/3ts65eh3

🚛 Չնայած 2024-ը Թուրքիայի համար տարածաշրջանային առումով անկայուն է եղել, երկրից արտահանումը հասել է ռեկորդային մակարդակի՝ մոտ $260 մլրդ-ի. 2025-ի վերաբերյալ ևս դրական տրամադրվածություն կա՝ մոտ 4% տնտեսական աճի կանխատեսմամբ՝ https://tinyurl.com/3fyuahmd

👯 Հունվարի 19-ից TikTok-ն արգելվելու է ԱՄՆ-ում. նոր օգտատերերը չեն կարողանա ներբեռնել, հները՝ թարմացնել հավելվածը, փոքր բիզնեսների տերերն էլ կանխատեսում են, որ դրա հետևանքով աճելու են գովազդի վրա արվող ծախսերը՝ https://tinyurl.com/mv8yf2f3

… ֆինտեխից

✖️ 2025-ից ժամեր առաջ Իլոն Մասկը հայտարարեց, որ այս տարի գործարկելու է X Money վճարային հարթակը և օգտատերերին միավորելու է այնպես, ինչպես ոչ ոք չի պատկերացնում՝ https://tinyurl.com/489nrsbm

📲 WhatsApp Pay-ը պաշտոնապես հասանելի է դարձել ամբողջ Հնդկաստանում, ինչի շնորհիվ հնարավոր է ընդամենը 1 click-ով փոխանցում կատարել հեռախոսի կոնտակտի միջոցով՝ https://tinyurl.com/4tukxf8f

☁️ Իմացեք նաև, թե ինչպես են արհեստական բանականությունն ու ամպային տեխնոլոգիաները ձևափոխել ֆինանսական ամբողջ շուկայի ճարտարապետությունն ու նպաստել ֆինանսական տեխնոլոգիաների զարգացմանը՝ https://tinyurl.com/y347wnt9

… կրիպտոյից

⛏️ Անցնող տարում ամենամեծ ծավալի Bitcoin-ի մայնինգն ԱՄՆ-ում է եղել՝ համաշխարհային ծավալի գրեթե 40%-ը. իսկ աշխարհի ամենամեծ մայնինգ ընկերությունը Foundry USA-ն է՝ https://tinyurl.com/4r5ddsvc

🇨🇦 Կանադայի վարչապետի հրաժարականը շատ բան կարող է փոխել երկրի կրիպտո-կյանքում. ի տարբերություն Թրյուդոյի վարած «զսպողական» քաղաքականության՝ ներկայիս վարչապետի հավակնորդը կրիպտոաջակից է՝ https://tinyurl.com/55mrw8nv

🕰️ Դե իսկ Bitcoin-ը մտել է տուրբուլենտ զոնա. մի օր $100,000+ է, մի օր՝ $94,000։ 2009-ին գործարկված ամենահայտնի կրիպտոակտիվը երկար ճանապարհ է անցել. առաջարկում ենք այսօր ծանոթանալ դրա գնի պատմությանն ու պատմական վայրիվերումներին՝ https://tinyurl.com/4p65jhmz

🤟 Լավ ուիքենդ ձեզ և հիշեք՝ ժամանակը ոչ թե պետք է ծախսել, այլ ներդնել~