💸 #ֆինանսաPAN (76)

Ֆինանսական շաբաթը՝ EasyPay-ի հետ

🇦🇲 Հոկտեմբերի 1-ից այլևս ստիպված չեք լինի վաճառակետերում բազմաթիվ QR-ներից գտնել ձեզ հարմարը՝ վճարում կատարելու համար: Ըստ ԿԲ նոր կարգավորման՝ բոլոր վաճառակետերում լինելու է մեկ միասնական QR կոդ, որով հնարավոր կլինի վճարել ցանկացած ֆինանսական հաստատության հավելվածով. այսպիսով, ավելի հարմարավետ կդառնա QR կոդերով վճարում կատարելը։ Հիշեք նաև, որ, ըստ հոգեբանների՝ որքան ավելի հարմար ու հեշտ է գումարը ծախսել, այնքան «քիչ ցավոտ» է ծախսելը, և դուք ակամայից սկսում եք ավելի շատ գնումներ կատարել. գումար ծախսելու «ամենացավոտ» ու գիտակցված տարբերակը կանխիկ ծախսելն է…

Իսկ հիմա՝ աշխարհում ուշագրավի մասին…

… ֆինանսներից

🏷️ Հոլանդական ABP կենսաթոշակային ֆոնդը վաճառել է Tesla-ում ունեցած իր $585 մլն-ի բաժնեմասը. պատճառն Իլոն Մասկի վարձատրության անհամաչափ (գրեթե կրկնակի) բարձրացումն էր՝ https://tinyurl.com/2afmhwte

🍏 Apple-ը ևս դիտարկում է գործադիր տնօրեն Թիմ Քուկի աշխատավարձը բարձրացնելու՝ տարեկան $63 մլն-ից $75 մլն դարձնելու հարցը. դա, սակայն, հակասում է ընկերության ներառականության ու հավասարության քաղաքականությանը և կարող է անգամ դատական գործերի պատճառ դառնալ՝ https://tinyurl.com/2vrcx72b

🧓 Այս տարի վերջապես կարող եք ձեր տատիկ-պապիկին համոզել օգնել փակել iPhone-ի ապառիկը. ԽՍՀՄ Խնայբանկում ներդրած ավանդների դիմաց հատուցում կստանան 83 տարեկան քաղաքացիները (ծնված մինչև 1942 թ․ դեկտեմբերի 31-ը)՝ https://pn.am/an318232

… տնտեսությունից

🏡 Իսպանայում ոչ ռեզիդենտների կողմից անշարժ գույքի ձեռքբերման դեպքում հարկային բեռը կբարձրանա մինչև անշարժ գույքի արժեքի 100%-ը. ոչ ռեզիդենտները դժգոհ են և արդեն դիտարկում են այլընտրանքներ, օրինակ՝ Կիպրոսը (քանի հայ բրոքերները չեն հասցրել Դուբայում տուն առաջարկել)` https://tinyurl.com/48rhptm8

🔥 Կալիֆոռնիայի հրդեհներից մեծ վնասներ են կրել (մոտ $30 մլրդ) ապահովագրական ընկերությունները, որտեղ ապահովագրված են եղել այրված անշարժ գույքերը. ամենամեծ ծավալով փոխհատուցում է տվել State Farm Insurance-ը ($2.7 մլրդ)` https://tinyurl.com/3ekmsaka

👑 Հաշվի առնելով թագավորության գերակայությունը տարածաշրջանում՝ Սաուդյան Արաբիայի ստարտափները տարին լավ են սկսել ֆինանսավորման տեսանկյունից. ծանոթացեք վենչուրային ֆինանսավորման մի քանի նախադեպի` https://tinyurl.com/2bdzcy9s

… ֆինտեխից

🩺 Ֆինտեխերի զարգացումը ոգեշնչել է նաև առողջապահական ոլորտը, որը նորագույն թվային տեխնոլոգիաների կիրառմամբ (healthtech) դառնում է ավելի ներառական, հասանելի և հարմարավետ՝ https://tinyurl.com/3za8ya3k

🧑‍🚒 Ֆինտեխն իր մեծ դերն ունի նաև Կալիֆոռնիայի հրդեհներից տուժածների ապահովագրական հատուցումների ստացման արագացման հարցում. հատկապես Visa Direct-ի և Mastercard Send-ի միջոցով մեծ ծավալների գումարներ են փոխանցվում` https://tinyurl.com/z9cdzrpd

🧑‍💻 Ռուսական Սբերբանկը, Ալֆա Բանկը և T բանկը ստեղծել են Fintech Platform դուստր ընկերությունը, որը պատասխանատու է լինելու թվային նոր տեխնոլոգիական լուծումների համար. առաջնային կարևորություն ունեն QR կոդերով վճարումները՝ https://tinyurl.com/3f7479zs

… կրիպտոյից

⛏️ Ռուսական իշխանությունները փակել են Մախաչկալայի կենտրոնում գտնվող բնակարաններից մեկում ապօրինի տեղադրված մայնինգ կենտրոնը. հիշեցնենք, որ մինչ այդ Ռուսաստանը մինչև 2031-ը Դաղստանում և Չեչնիայում արգելել էր մայնինգը՝ https://tinyurl.com/fnzaybna

🤑 2025-ի դրությամբ ԱՄՆ-ում չափահաս բնակչության 70%-ը կրիպտոակտիվ ունի. նրանց 26%-ն առաջին անգամ Bitcoin է գնել, երբ ակտիվի գինը հատել է $100,000-ը, կրիպտոսեփականատերերի մոտ կեսը Gen Z ներկայացուցիչներ են՝ https://tinyurl.com/j4d37y4h

🕺 TikTok-ի 1000 հոլովակ վերլուծելու արդյունքում պարզվել է, որ ինֆլուենսերների կողմից գովազդվող կրիպտոակտիվների մասին տեղեկատվության 68%-ը սխալներ է պարունակում. ինֆլուենսերը մտածում է միայն իր անձնական շահի, ոչ թե լսարանի մասին՝ https://tinyurl.com/4x5jk6ss

🤟 Լավ ուիքենդ ձեզ և հիշեք՝ ժամանակը ոչ թե պետք է ծախսել, այլ ներդնել~