💸 #ֆինանսաPAN (77)

Ֆինանսական շաբաթը՝ EasyPay-ի հետ

🇦🇲 Տարին հատկապես սթրեսով էր սկսվել կողմնակի եկամուտ ունեցողների համար, ովքեր մինչ այժմ մտածում էին՝ ինչպես են հայտարարագրելու դրանք: Ոմանք մտածում էին գումարը կանխիկ պահել կամ փոխանցել կրիպտո դրամապանակի, կամ, ինչու ոչ՝ հաշիվ բացել վրացական բանկերում, մինչև ՊԵԿ-ի վերջին հայտարարությունը, ըստ որի՝ մինչև 300,000 դրամ եկամուտները կարող են չհայտարարագրվել: Այնուամենայնիվ, դեռ պարզ չէ՝ այս սահմանաչափն ամսական է, թե, օրինակ՝ ամեն գործարքի համար: Շատերն այս լուրից հետո հանգիստ խղճով իրենց «ստվերային» գումարը կսկսեն մուտք անել հաշիվներին, բայց պետք է հաշվի առնել, որ հարկային մարմինը բոլորի բանկային հաշիվներին կարող է հասանելիություն ունենալ… մնացած դատողությունները թողնում ենք ձեզ…

Իսկ հիմա՝ աշխարհում ուշագրավի մասին…

… ֆինանսներից

🍏 Apple-ի բաժնետոմսերի գինը նվազել է Չինաստանի սմարթֆոնների շուկայում առաջատար դիրքը կորցնելու պատճառով. iPhone-ների մատակարարումը 17%-ով նվազել է՝ դիրքերը զիջելով Vivo-ին և Huawei-ին` https://tinyurl.com/2xj48bmw

📈 Իսկ Իլոն Մասկի կողմից TikTok-ը գնելու լուրերի ֆոնին Tesla-ի բաժնետոմսերի գինը 3%-ով աճել է. հիշեցնենք՝ ԱՄՆ նախագահի «թեթև ձեռքով» ժամանակավորապես բացվել է հավելվածի հասանելիությունը, բայց այն ամբողջությամբ չի վերականգնվի, մինչև ամերիկյան սեփականության ներքո չլինի` https://tinyurl.com/3f4y9vs4

📚 Եթե մինչև այս բլոգ չեք վարել ու չեք հասցրել միլիոնատեր դառնալ, առաջարկում ենք գոնե ծանոթանալ փողի ու դրա արդյունավետ կառավարման մասին թոփ 10 գրքերին. առաջին հորիզոնականում է Ռոբերտ Կիյոսակիի Rich Dad Poor Dad-ը` https://tinyurl.com/f8sn9cjf

… տնտեսությունից

🇷🇺 2024-ի նոյեմբերի դրությամբ ՀՀ ներմուծման ամենամեծ գործընկերը Ռուսաստանն է, ընդ որում՝ ծավալները նախորդ տարվա համեմատ 144% աճել են. առաջատարների շարքում են Չինաստանը, Վրաստանն ու Իրանը` https://tinyurl.com/3ut6e4eb

🪫 Առաջին անգամ 2024-ին BYD-ն Tesla-ից ավելի շատ էլեկտրական մեքենաներ է արտադրել՝ փորձելով ապացուցել, որ աշխարհին ավելի մատչելի մեքենաներ են անհրաժեշտ. կանխատեսվում է, որ Չինաստանում էլեկտրամոբիլների վաճառքի ծավալներն այս տարի կգերազանցեն ավանդական շարժիչներով մեքենաներին` https://tinyurl.com/37zr8s49

📩 $5000-ական կտուգանվեն Apple-ն ու Google-ը TikTok ներբեռնած ամեն օգտատիրոջ համար, եթե շրջանցեն հավելվածն արգելափակելու որոշումը. ԱՄՆ 150 մլն օգտատիրոջ հաշվով այս թիվը կարող է հասնել մինչև $850 մլրդ-ի` https://tinyurl.com/53ch9k49

… ֆինտեխից

🦸 Չինաստանն առաջինն ու միակն է, որ կարողացել է ստեղծել super app WeChat-ը, որը, բացի սոցկայքից, կարելի է օգտագործել վճարումներ կատարելու, բժշկական այց ամրագրելու և էլի շատ բաների համար. ԱՄՆ-ն իր կարգավորումներով դեռ հեռու է նման «միասնական» հավելված ունենալու հնարավորությունից` https://tinyurl.com/y2nrjn3a

🤙 Revolut-ը նոր գործիք է մշակել՝ սեփական հավելվածով հաճախորդներին զանգահարելու հնարավորություն. այն կզրկի զեղծարարներին զանգելու և որպես աշխատակից ներկայանալու հնարավորությունից` https://tinyurl.com/4e5jut8p

⛔ Եթե հանկարծ առաջարկեն մասնակցել առցանց հարցման ու ստանալ 20,000 դրամ, ապա իմացեք՝ զեղծարարի ձեռքերում եք. EasyPay-ը հորդորում է չանցնել կասկածելի հղումներով և չտրամադրել անձնական տվյալներ` https://tinyurl.com/5cn4e4nw

… կրիպտոյից

🪙 Թրամփերի ընտանիքը նոր մեմքոիններ է թողարկել՝ $TRUMP և $MELANIA, որոնց կապիտալիզացիան թողարկումից ժամեր անց արդեն հասել է $9 մլրդ և $1 մլրդ համապատասխանաբար` https://tinyurl.com/4mw6fs6k

👛 Այս շաբաթ ևս Bitcoin-ի գինը $100,000-ի շուրջ է պտտվում. երբ ակտիվի գինը նվազեց $100,000-ից, մոտ 400,000 թրեյդեր $1 մլրդ ծավալով Bitcoin-ներ վաճառեցին` https://tinyurl.com/bdzauyac

🤑 Իսկ եթե թրեյդինգից հեռու եք, ծանոթացեք կրիպտոյով պասիվ եկամուտ վաստակելու մյուս տարբերակներին՝ կրիպտո հաշիվների վրա տոկոսի ստացում, մայնինգ, կրիպտոն «պարտքով» այլ անձի փոխանցում, և շատ ավելին` https://tinyurl.com/48n2zpav

🤟 Լավ ուիքենդ ձեզ, և հիշեք՝ հարուստ մարդիկ պլանավորում են իրենց ֆինանսները երկու սերունդի համար, աղքատները՝ միայն ուրբաթ երեկոյի~