💸 #ֆինանսաPAN (78)

Ֆինանսական շաբաթը՝ EasyPay-ի հետ

🇦🇲 Եկամուտների հայտարարագրման մասին միտքն արդեն ինքնին բարդացնում է առանց այդ էլ մեր բարդ կյանքը: Ովքե՞ր և ի՞նչ ժամկետում պետք է հայտարարագրեն իրենց եկամուտները: Ի՞նչ կլինի, եթե դա չարվի: Ո՞ր դեպքերում է առհասարակ անհրաժեշտ հայտարարագիր ներկայացնել, իսկ ո՞ր՝ ոչ: Արդյո՞ք ԱՁ-ի եկամուտները պետք է լրացվեն հայտարարագրում: Այս և այլ կարևոր հարցերի պատասխանները, միանշանակ, շատերիս են հետաքրքրում: Մեր գործընկեր EasyPay-ն օգնել է գտնել դրանք՝ պարզ բացատրելով բարդ ստորադասական նախադասությունները՝ https://tinyurl.com/23a6bxsc

հ.գ. Ի դեպ՝ ՊԵԿ-ն իր հերթին խոստացել է իրազեկման աշխատանքներ տանել պրոյեկտոր ու 50-ից ավելի աշխատակից ունեցող ընկերություններում…

Իսկ հիմա՝ աշխարհում ուշագրավի մասին…

… ֆինանսներից

🤯 Չինական DeepSeek-ը ցնցել է ԱՄՆ ֆոնդային շուկան. ընկերության առաջարկած նոր AI մոդելը կասկածի տակ է դրել ոլորտի բարձր ծախսերը՝ ցույց տալով, որ մի քանի միլիոնով ու առանց թանկարժեք չիպերի օգտագործման հնարավոր է գրավել շուկան: Այս լուրի ֆոնին Nvidia-ի (և ոչ միայն) բաժնետոմսերը կտրուկ ընկել են՝ https://tinyurl.com/2m5sk5sr

🤝 Ըստ որոշ լուրերի՝ ամերիկյան Perplexity AI-ը միաձուլման առաջարկ է արել TikTok-ին, ԱՄՆ կառավարությանն էլ առաջարկվել է դառնալ նոր ընկերության 50% սեփականատերը. Թրամփն էլ պնդում է՝ Microsoft-ն է մտադիր գնել TikTok-ը՝ https://tinyurl.com/26f73wa7

📈 Համաշխարհային պետական պարտքն արդեն $102 տրիլիոն է. հաշվի առնելով Իլոն Մասկի ԱՄՆ պետծախսերի օպտիմալացման նոր «պաշտոնը»՝ Binance-ի հիմնադիրն առաջարկում է պետություններին ծախսերին հետևելու համար բլոկչեյն օգտագործել՝ https://tinyurl.com/mr46as7j

… տնտեսությունից

🧠 Մուկեշ Ամբանիին պատկանող Reliance-ը պլանավորում է կառուցել աշխարհի ամենամեծ արհեստական բանականության տվյալների կենտրոնը Հնդկաստանում, որը կարժենա մոտ $20-30 մլրդ՝ https://tinyurl.com/2xs4usmn

👜 Իսկ երբևէ լյուքս դասի ապրանք գնելիս մտածե՞լ եք՝ գնի ո՞ր մասն է կազմում արտադրական ծախսերն ու որքանով ավելի եք վճարում ուղղակի «բրենդային» լինելու համար. կարդացեք՝ ինչու են լյուքս դասի բրենդները խուսափում զեղչերից՝ https://tinyurl.com/6xteu5km

🪦 Կրկին լեգենդար ներդրող Ուորեն Բաֆեթի խորհուրդներից. երեխաների հետ փողից ու ձեր թողած ժառանգությունից պետք է խոսել այն ժամանակ, երբ նրանք բավականաչափ հասուն կլինեն ձեր որոշումներն ընդունելու ու իրենց պատասխանատվությունը գիտակցելու համար՝ https://tinyurl.com/3saepkv7

… ֆինտեխից

💳 MasterCard-ը մինչև 2030-ը պատրաստվում է թողարկել քարտեր, որոնց վրա կբացակայեն 16-նիշանոց թվերը. ընկերությունը դրանք փոխարինելու է թոքեններով՝ https://tinyurl.com/mw7wc4ye

🤖 Ֆինտեխ Revolut-ն էլ, պահելով խոստումը, Սինգապուրում գործարկել է Robo խորհրդատուն, որին կարելի է վստահել ներդրումային որոշումները և այլևս ժամանակ չծախսել ֆինանսական շուկայի վերլուծությունների ու ներդրումային գործիքներ ընտրելու վրա՝ https://tinyurl.com/3j2vfyxr

💶 Եվրոպան շարունակում է անշտապ քայլեր անել թվային եվրոյի ստեղծման ուղղությամբ. իսպանական ֆինտեխ Monei-ը 2025-ին կթեստավորի Եվրոպական կենտրոնական բանկի ստեղծած ենթակառուցվածքները՝ https://tinyurl.com/37umx7my

… կրիպտոյից

🪙 Էթերիումի հիմնադիր Վիտալիկ Բուտերինը $TRUMP քոինի թողարկումից հետո քննադատել է քաղաքական մեմքոինները, որոնք, ըստ նրա, կարող են ծառայել որպես գործիք՝ կոռուպցիայի, քաղաքական մանիպուլյացիաների ու կաշառքների համար՝ https://tinyurl.com/yy8n8w7u

🧼 Միացյալ թագավորությունը քննարկում է 2024-ին փողերի լվացման լայնամասշտաբ գործի շրջանակում բռնագանձված $5 մլրդ Bitcoin-ն օգտագործել բյուջեի «ճեղքվածքը» փակելու համար՝ https://tinyurl.com/mwwwya3m

📉 DeepSeek-ն ազդել է նաև Bitcoin-ի գնի վրա, որը երկուշաբթի ընկել է մինչև $99,000. շատ ներդրողներ անգամ ձեռք են բերել ակտիվը $95,000-ով վաճառելու օպցիոններ՝ գնի հետագա նվազման ռիսկը զսպելու համար՝ https://tinyurl.com/yx4fz4eh

🤟 Լավ ուիքենդ ձեզ, և հիշեք՝ բիզնեսն առանց բռնության ուրիշի գրպանից գումար հանելու արվեստ է~