💸 #ֆինանսաPAN (79)

Ֆինանսական շաբաթը՝ EasyPay-ի հետ

🇦🇲 Մինչ դուք ճանապարհներ էիք փնտրում Մեքսիկայով Ամերիկա գնալու համար, պարզվեց՝ Թրամփը մի շարք անակնալներ է պատրաստել։ Ոչ միայն անորոշ է դարձել անօրինական ԱՄՆ մեկնածների ճակատագիրը, այլև ՀՀ կողմից ստացվող միլիոնավոր դոլարները մնացել են օդում կախված: 2024-ին ԱՄՆ ՄԶԳ-ն (USAID) որոշել էր կրկնապատկել Հայաստանի ֆինանսավորման ծավալը՝ մինչև $250 մլն` 5 տարվա համար, որն ուղղվելու էր տնտեսության տարբեր ոլորտների զարգացմանը, բայց Իլոն Մասկի թեթև ձեռքով USAID-ի գործունեությունը կասեցվել է։ Արդյունքում կառույցից դրամաշնորհներ ստացող մի շարք ընկերություններ ու ոլորտներ այլևս չեն կարող հույս դնել գործակալությունից ստացվող գումարների վրա: Հաշվի առնելով, որ Մասկը նշանակվել է պետական ծախսերի արդյունավետացման «պատասխանատու» ու հենց սկզբից կոշտ քայլերի է դիմում, ապագայից մեծ հույսեր կարելի է չունենալ, փոխարենը՝ ենթադրել՝ որտեղից է պետությունը հայթայթելու պակասած գումարը…

Իսկ հիմա՝ աշխարհում ուշագրավի մասին…

… ֆինանսներից

🏃 Կանադայից ու Մեքսիկայից ԱՄՆ ներմուծվող ապրանքների վրա փետրվարի 4-ից կիրառվելու էր 25% մաքսատուրք, սակայն Կանադային հաջողվել է գոնե 30 օրով հետաձգել դա՝ խոստանալով դադարեցնել անօրինական ներգաղթը և ֆենտանիլի ու այլ թմրանյութերի հոսքը դեպի ԱՄՆ՝ https://tinyurl.com/bdf3ez3s

⛽ Եվ քանի որ դեպի ԱՄՆ նավթի ու գազի ներմուծման ամենամեծ գործընկերը Կանադան է, կանխատեսվում է, որ մաքսատուրքերի կիրառումից անմիջապես հետո կթանկանան նավթի ու գազի գները՝ https://tinyurl.com/56hxpcda

🍫 Վալենտինի օրվան ընդառաջ արտադրողները կանխատեսում են շոկոլադի գնի բարձրացում կամ տուփում ավելի քիչ քանակի շոկոլադի առկայություն. վերջին 2 տարում կակաոյի գինը 300%-ով աճել է՝ 1 տոննայի դիմաց $3000-ից դառնալով $12,000՝ https://tinyurl.com/59urz6h7

… տնտեսությունից

🧠 Չինական DeepSeek-ն անցյալ շաբաթ ցնցել է Wall Street-ն ու Սիլիկոնյան հովիտը, ինչն ԱՄՆ նախագահի կողմից որակվել է որպես զգոնության կոչ առաջատար տեխնոլոգիական ընկերություններին. չի բացառվում, որ այն ևս TikTok-ի ճակատագրին կարժանանա և, ԱՄՆ շահերը վտանգելու դեպքում, արգելքի տակ ընկնի՝ https://tinyurl.com/357wx83a

📈 Ըստ վիճակագրական կոմիտեի՝ Հայաստանում 2024-ին տնտեսական ակտիվության ցուցանիշը 8%-ով աճել է, ամենամեծ ներդրումն ունեցել են առևտրի ու շինարարության ոլորտները՝ https://pn.am/an318935

💰 Իսկ ԿԲ-ն հերթական անգամ «էժանացնում է փողը»՝ 0.25%-ով իջեցնելով վերաֆինանսավորման տոկոսադրույքն ու նպատակ ունենալով տարեկան 3% գնաճի հասնել. ըստ սպառողական զամբյուղի՝ 2024-ին գնաճն ընդամենը 1% է եղել՝ https://tinyurl.com/yx4crprm

… ֆինտեխից

🤔 Երբևէ մտածե՞լ եք բանկերի թվայնացման հետևանքների մասին. ինչ տեղի կունենա, երբ ձեր վարկի սահմանաչափը որոշի արհեստական բանականությունը, և արդյո՞ք ֆինանսական համակարգի AI-ացումն օգնելու է մարդկանց, թե ստեղծելու է նոր խոչընդոտներ՝ https://tinyurl.com/2p9ktwsa

💳 X-ը (նախկին Twitter) 2025-ին գործարկելու է X Money ծառայությունը, որով օգտատերերը կկարողանան ակնթարթային փոխանցումներ կատարել միմյանց. Visa-ն կդառնա նախագծի առաջին գործընկերը՝ https://tinyurl.com/yj7n3akc

🏠 Revolut-ը կրկին շարունակում է ընդլայնել ծառայությունները. թվային բանկն այս անգամ սկսում է վարկեր տրամադրել կոմերցիոն անշարժ գույքի ձեռքբերման համար՝ https://tinyurl.com/2j87xyz8

… կրիպտոյից

🐶 $TRUMP մեմքոինն ընկել է 15%-ով Մեքսիկայի, Կանադայի և Չինաստանի նկատմամբ մաքսատուրքերի որոշման ստորագրումից հետո, ինչին հաջորդել է հայտնի այլ մեմքոինների վայրէջքը (Dogecoin, Shiba Inu՝ 14%)՝ https://tinyurl.com/4wf6ykpe

💪 Իսկ Bitcoin-ը շարունակում է առաջատարի դիրքերը. ակտիվի գերակայությունը հասել է 62%-ի, ինչը ցույց է տալիս ամբողջ կրիպտոշուկայում Bitcoin-ի կշիռը՝ ըստ ներկա գնի, սա 2021-ից հետո ամենաբարձր ցուցանիշն է՝ https://tinyurl.com/yxftxxa6

🇨🇿 Չեխիայի կենտրոնական բանկի նախագահն առաջարկել է պահուստների 5%-ը պահել Bitcoin-ով. առաջարկը քննարկվում է, և Չեխիան, կարծես, չի վախենում, որ այս առիթով Եվրոպական կենտրոնական բանկի կողմից «գովեստի խոսքեր» չի լսելու՝ https://tinyurl.com/4kw2nnru

🤟 Լավ ուիքենդ ձեզ, և հիշեք՝ խնայելու ամենալավ տարբերակը երեկոյան հեռախոսն անջատելն է՝ դուք այլևս չեք կարողանա գիշերվա 2-ին օնլայն առևտուր անել~