💸 #ֆինանսաPAN (81)

Ֆինանսական շաբաթը՝ EasyPay-ի հետ

🇦🇲 Սա կարող է լինել ձեր կյանքի վատագույն օրերից մեկի սցենարը՝ երեկոյան ժամը 18:15, Մյասնիկյանով Մասիվ բարձրացող, ժամում հազիվ 1 կմ առաջ գնացող խցանում… ու այն հայտնի մեկը, ով փորձում է նույնիսկ այդ իրավիճակում առաջ անցնել և ձեզ ակամայից վթարի մեջ է գցում: Բայց ամենավատը դեռ առջևում է. պարզվում է՝ ձեր մեքենան «ԱՊՊԱ արած չէ», որովհետև ձեզ զանգով ԱՊՊԱ պայմանագիր առաջարկող գործակալ Արշակն ամենևին էլ գործակալ չէ, ու ձեզ ուղարկված ԱՊՊԱ պայմանագիրն էլ ֆեյք է: Լայն տարածում է գտել խարդախության նոր մեթոդ՝ անհայտ անձինք զանգով ներկայանում են ԱՊՊԱ գործակալներ ու առաջարկում հեռավար պայմանագրեր կնքել, և եթե հավատաք, կունենաք կեղծ ԱՊՊԱ պայմանագիր, իսկ ԱՊՊԱ չեք ունենա: ԿԲ-ն հորդորում է զգոն լինել ու վստահել միայն լիցենզավորված ապահովագրական ընկերություններին ու գործակալներիn, կամ էլ պայմանագիրը կնքել ինքնուրույն՝ https://aswa.am կայքում, կամ անմիջապես ձեր easywallet-ից:

Իսկ հիմա՝ աշխարհում ուշագրավի մասին…

… ֆինանսներից

💰 Որքա՞ն է ի վերջո ՀՀ պետական պարտքը. 2024-ի վերջի դրությամբ այն $12.8 մլրդ է, իսկ էկոնոմիկայի նախարարի կողմից հայտարարված $5.9 մլրդ-ը վերաբերում է միայն արտաքին պարտքին, մնացած մասը՝ ներքին պարտքն է, վերցված նեքրին շուկայից, հիմնականում՝ պարտատոմսերի թողարկման միջոցով՝ https://tinyurl.com/ypbusrmv

👀 Ու մինչ մենք բողոքում ենք կառավարությանը եկամուտները հասանելի դարձնելուց, Իլոն Մասկը որոշել է ԱՄՆ հարկային մարմնից պահանջել բոլոր հարկատուների վերաբերյալ տեղեկատվությունը, և այս հարցում արդեն ստացել է Թրամփի համաձայնությունը՝ https://tinyurl.com/3d45bnff

🆙 DeepSeek-ն ինտեգրվել է չինական խոշոր տեխնոլոգիական ընկերություն Tencent-ի WeChat սոցհարթակի հետ. այս լուրի ֆոնին զարգացած շուկաների բաժնետոմսերի ինդեքսը՝ MSCI-ն աճել է՝ հասնելով վերջին 3 ամսվա առավելագույնին՝ https://tinyurl.com/2xdasn6e

… տնտեսությունից

🚘 Եթե որոշել եք 2025-ին առանց մաքսատուրքի էլեկտրամոբիլ ներմուծել՝ շտապեք. փետրվարի 14-ի դրությամբ ֆիզանձանց համար նախատեսված 5000 քվոտայից մնացել է ընդամենը 933 հատ (խոսքը չի վերաբերում ավտոարտադրողի հետ կնքված դիլերական-դիստրիբյուտորական պայմանագրի շրջանակում ներմուծումներին)` https://tinyurl.com/24vsj96r

🪫 Ու մինչ կմտածեք, թե որտեղ լիցքավորել ձեր էլեկտրամոբիլը, Չինաստանը ոլորտում հեղափոխություն է անում՝ ստեղծելով էլեկտրամոբիլների մարտկոցների փոխարինման կայաններ, որտեղ հնարավոր կլինի մի քանի րոպեում «նստած» մարտկոցը փոխարինել նորով ու շարունակել ճանապարհը՝ https://tinyurl.com/su9uh3a5

⛽ Եվրոպան էլ սկսել է փոշմանել Ռուսաստանից ներմուծվող գազի վրա պատժամիջոցների կիրառումից. ռուսական գազի մատակարարման կրճատումը բացասաբար է անդրադառնում արդյունաբերության ու տնային տնտեսությունների բարեկեցության վրա, որտեղ ծախսի մեծ մասը բաժին է ընկնում էներգիային՝ https://tinyurl.com/mwmjddnf

… ֆինտեխից

🛒 Ֆինտեխի ընձեռած հնարավորություններից «գնիր հիմա, վճարիր հետո»-ն կախվածություն է առաջացնում. հոգեբաններն այն անվանում են «ներկայի կողմնակալություն», երբ գնորդը կարճաժամկետ հաճույքը գերադասում է երկարաժամկետ ֆինանսական բարեկեցությանն ու վճարելու «անցավ» տարբերակ ընտրում՝ https://tinyurl.com/4e6hsdej

💳 Ռուսաստանի համոզմամբ՝ Visa-ն ու Mastercard-ը շուտով վերադառնալու են. վճարային համակարգերը մեծ շուկա են կորցրել, բայց վերադարձն այդքան հեշտ չի լինի՝ այս ընթացքում ՌԴ-ն արդեն ակտիվ գործարկել է իր սեփական վճարային համակարգերը՝ https://shorturl.at/Sjdb0

🪙 Fold-ն էլ Visa-ի հետ համատեղ քարտ է թողարկում, որի միջոցով օգտատերերը կստանան կրիպտո-պարգևատրումներ, բոնուսներ ու առանց միջնորդավճարի կրիպտոգործարքներ կատարելու հնարավորություն՝ https://tinyurl.com/4kf6jcej

… կրիպտոյից

⛏️ 2024-ին Bitcoin-ի մայնինգը 31,000 նոր աշխատատեղ ու $4.1 մլրդ-ի համախառն ներքին արդյունք է ստեղծել ԱՄՆ-ում, այն նաև հնարավորություն է տվել հավասարակշռել արտադրված ու ծախսվող էլեկտրաէներգիան՝ https://tinyurl.com/3af6bnsk

🇦🇪 Պարզվել է՝ Աբու Դաբիի սուվերեն հարստության հիմնադրամը $455 մլն-ի BlackRock-ի Bitcoin ETF ունի. հիմնադրամը ստեղծվել է 1976-ին՝ ԱՄԷ-ի տնտեսական աճի ու հարստության խթանման համար, ու իր ծավալներով աշխարհի առաջատարներից է՝ https://tinyurl.com/mv9n9dkk

🤑 2022-ին փլուզված հայտնի FTX կրիպտոբորսան սկսում է վճարել մասնակիցների պարտքերը՝ ընդհանուր $16 մլրդ. սակայն կրիպտոակտիվները չեն վճարվելու ներկայիս կուրսով, այլ 2022-ի՝ https://tinyurl.com/4xy93prv

🤟 Եվ հիշեք՝ գումար խնայելը մարզասրահ գնալու պես է՝ սկզբում ցավոտ է, բայց ձեր ապագա «ես»-ը ձեզ շնորհակալություն կասի~