💸 #ֆինանսաPAN (82)

Ֆինանսական շաբաթը՝ EasyPay-ի հետ

🇦🇲 Դուք է՞լ եք արդեն նորակառույց փնտրում Զովունիում, Ձորաղբյուրում, Պռոշյանում, ու ձեզ հույս տալիս, որ «Երևանին կպած է՝ 10 րոպեում քաղաք կմտնենք»՝ փորձելով օգտագործել եկամտային հարկի վերադարձի վերջին հնարավորությունները: 2 տարի շարունակ տաքացած անշարժ գույքի շուկան, կարծես, հանդարտվում է. ոլորտի ներկայացուցիչներն այս տարի ակնկալում են ավելի քիչ ծավալով գործարքներ ու վարձակալության գների վերադարձ շուկայական մակարդակի: ԿԲ-ից էլ ազդակ կա, որ խստացվելու է վարկավորման նկատմամբ վերահսկողությունը և հնարավոր է, որ բանկերը որոշեն զսպել սպառողական վարկերի տրամադրումը: Բանկերի միության նախագահի մեկնաբանմամբ՝ սա պայմանավորված է վարկային պորտֆելի կենտրոնացվածությամբ, քանի որ 2024 թվականին տրամադրված վարկերի 45%-ը կազմել են հենց հիփոթեքային և սպառողական վարկերը։ Ամեն դեպքում, հոգեպես պատրաստ եղեք նոր iPhone 17-ի ապառիկի հայտի մերժմանը:

Իսկ հիմա՝ աշխարհում ուշագրավի մասին…

… ֆինանսներից

🔑 Իլոն Մասկը որոշել է անձամբ ստուգել Ֆորտ Նոքսում պահվող ԱՄՆ ոսկու պաշարները՝ գուցե ինչ-որ մեկն այն գողացել է. ամեն դեպքում, ֆինանսների նախարարը փաստել է, որ, ըստ աուդիտի, ոսկու պաշարները տեղում են՝ https://tinyurl.com/47eaffcd

🏅 Եվ չի բացառվում, որ ԱՄՆ-ն ոսկու վերագնահատում անի. ակտիվն այժմ հաշվառվում է 1970-ականների «կուրսով»՝ 1 ունցիան` $42. այսօրվա՝ $2950-ով վերագնահատումը կարող է համաշխարհային շուկայում ոսկու գնի բարձրացման առիթ դառնալ՝ https://tinyurl.com/ym4ffzc9

🍏 Քանի որ ԱՄՆ-ն Չինաստանից ներմուծվող ապրանքների նկատմամբ սահմանափակումներ է կիրառում, Apple-ը որոշել է ստեղծել սեփական AI սերվերների գործարանն ու մոտ 20,000 աշխատատեղ՝ պլանավորելով մոտ $500 մլրդ-ի ներդրում՝ https://tinyurl.com/mr3cdrvn

… տնտեսությունից

☃️ Պարզվում է՝ ձմռանը ձյան տեղումներն արդեն սովորական երևույթ չեն ու ֆորս մաժոր են առաջացնում. ԱՊՊԱ պայմանագրերը սպասարկող 6 ապահովագրական ընկերություն մեկ օրում ավելի քան 1000 վթար են գրանցել՝ https://tinyurl.com/366r7jv8

🛍️ Amazon-ն առաջին անգամ գահընկեց է արել աշխարհի ամենախոշոր մանրածախ առևտրային ցանցին՝ Walmart-ին՝ $7 մլրդ-ով առաջ անցնելով նրանից եռամսյակային առևտրի ծավալով՝ https://tinyurl.com/3ruxbfhr

🤕 ԵՄ-ն էլ նոր պատժամիջոցների փաթեթ է սահմանել Ռուսաստանի դեմ. այս անգամ հարվածի տակ են ընկել 48 ֆիզիկական և 35 իրավաբանական անձինք, այդ թվում՝ կասեցվել է 13 բանկի հասանելիությունը SWIFT միջազգային փոխանցումների համակարգին՝ https://tinyurl.com/3smy7cbp

… ֆինտեխից

💳 Mastercard-ը ներկայացրել է Z սերնդին ուղղված One Credential թվային լուծումը, որը միավորում է բազմաթիվ բանկային քարտեր, հաշիվներ ու թվային դրամապանակներ մեկ հաշվում՝ նվազեցնելով հաշիվների միջև փոխանցումներ կատարելու անհրաժեշտությունը՝ https://tinyurl.com/mryztfes

📢 Ապրիլին սպասվող Klarna-ի IPO-ն կարող է ֆինտեխ շուկայում ընկերությունների հրապարակային գնալու նոր ալիք բարձրացնել. ավելի քան 80 մլն օգտատեր ունեցող ընկերությունը գնահատվում է մոտ $15 մլրդ՝ https://tinyurl.com/59kvyk4r

🛒 Իսկ PayPal-ը, Block-ը և Affirm-ը՝ խոշորագույն ֆինտեխները, թեժ պայքարի մեջ են «բոլորը մեկում առցանց բանկ» դառնալու համար. վերջին երկուսի հիմնական ճակատամարտի դաշտը «գնիր հիմա, վճարիր հետո» ոլորտն է՝ https://tinyurl.com/78tb6etf

… կրիպտոյից

🥷 Կրիպտոբորսա Bybit-ը ենթարկվել է պատմության մեջ խոշորագույն հաքերային հարձակման՝ գողացվել է $1.5 մլրդ-ի Ethereum offline դրամապանակից, որը համարվում է անվտանգության ամենաբարձր մակարդակ ունեցող պահպանման մեթոդներից մեկը՝ https://tinyurl.com/55j3fusa

😨 Կրիպտոյի վախի և ագահության ինդեքսը հասել է 25-ի՝ կապված Bitcoin-ի գնի անկման հետ. սա սեպտեմբերից ի վեր ամենացածր ցուցանիշն է: Ինդեքսը չափում է շուկայի ընդհանուր տրամադրությունը 0-ից՝ ծայրահեղ վախ, մինչև 100՝ ծայրահեղ ագահություն՝ https://tinyurl.com/4a574jtj

🪙 Դուբայն էլ նոր կարգավորման շրջանակում USDC-ն և EURC-ն ճանաչել է առաջին ստեյբլքոիններ, որոնք երկրում կընդունվեն որպես օրինական վճարման միջոց՝ https://tinyurl.com/mpeduavh

🤟  Եվ հիշեք՝ եթե ուզում եք մեկի հետ հավերժ կապել ձեր կյանքը՝ միասին հիփոթեքային վարկ վերցրեք~