💸 #ֆինանսաPAN (83)

Ֆինանսական շաբաթը՝ EasyPay-ի հետ

🇦🇲 Վերջին 5 տարում աշխատավարձդ գրեթե չի փոխվել, իսկ հեռատես կոլեգադ մի քանի օնլայն կուրս անցնելուց հետո մտել է ՏՏ ոլորտ ու հիմա կարող է իրեն թույլ տալ ամռանը հանգստանալ Սևանում և Աղվերանում: Ամեն անգամ Հայաստանում միջին ամսական աշխատավարձի (այժմ մոտ 290,000 դրամ) մասին կարդալուց` հիշեք, որ այն այնքան էլ լավ չի արտացոլում իրականությունը. օրինակ, ՏՏ ոլորտում այն մոտ 1 մլն դրամ է, ֆինանսականում՝ 700,000, կրթության ոլորտում ՝ մոտ 150,000 է, ու նույն կերպ տնտեսության 19 ոլորտում աշխատավարձի մակարդակն ավելի ցածր է, քան վիճակագրական կոմիտեի հրապարակած միջին ցուցանիշը: Աշխատավարձերը նաև էականորեն տարբերվում են մարզից մարզ՝ ամենաբարձը Սյունիքում ու Երևանում են: Մայրաքաղաքում, ի դեպ, կենտրոնացված է ամբողջ աշխատաշուկայի 70%-ը՝ խցանումները և տաքսիի գները վկա… ամբողջական նյութը՝ https://tinyurl.com/3wf85wdt

Իսկ հիմա՝ աշխարհում ուշագրավի մասին…

… ֆինանսներից

💰 Եթե ցանկանում եք ներդրում կատարել, եկամուտ ստանալ և եկամտի դիմաց հարկ չվճարել, ավանդի փոխարեն դիտարկեք պարտատոմսերում ներդրումները․ Կառավարությունը որոշել է ևս 3 տարով պարտատոմսերից ստացված եկամուտներն ազատել հարկից՝ https://tinyurl.com/4zt9nvdc

👜 Prada-ն մոտ €1.5 մլրդ-ով կգնի Versace-ն, և, առաջ անցնելով ֆրանսիական LVMH-ից, ում պատկանում են Louis Vuitton-ը, Hennessy-ն ու շատ այլ հայտնի բրենդեր, կդառնա աշխարհի ամենոխոշոր fashion խումբը՝ https://tinyurl.com/y2y7674x

🪖 Ձախողված Թրամփ-Զելենսկի բանակցություները նաև Ուկրաինայի ընդերքի հարստության մասին էին․ Ուկրաինան Եվրոպայում ընդերքով ամենահարուստ երկիրն է՝ մոտ $14 տրլն հանքային ռեսուրսներով․ մանրամասն՝ https://tinyurl.com/mvzw66rz

… տնտեսությունից

⚜️ Իսկ ամենամեծ ոսկու հանքը գտնվում է Գրասբերգում (Ինդոնեզիա), որն ունի անգամ սեփական օդանավակայանը՝ աշխատակիցների տեղափոխման համար․ սա ևս ԱՄՆ աչքից չի վրիպել՝ հանքը Ինդոնեզիայի և ամերիկյան հանքարդյունաբերական հսկա Freeport-McMoRan-ի համատեղ սեփականությունն է՝ https://tinyurl.com/39hka25n

🍫 Եթե կակաոյի համաշխարհային գները շարունակեն նույն տեմպով աճել, 2031-ին 250 գրամանոց սալիկի արժեքը կդառնա $10․ հիշեցնենք, որ 2020-ից ի վեր կակաոն արդեն 4 անգամ թանկացել է՝ https://tinyurl.com/sf82nuzx

🚫 USAID-ն էլ արդեն կրճատել է ֆինանսավորման 90%-ը՝ մոտ $60 մլրդ. ԱՄՆ մարդասիրական օգնությունից զրկվել են Կոնգոն, Սենեգալը, Բանգլադեշը, Թաիլանդը, Նիգերիան և ոչ միայն՝ https://tinyurl.com/m9ajt4z3

… ֆինտեխից

🤝 Stripe-ն իր նախկին և ներկա աշխատակիցներին հնարավորություն կտա ընկերությանը հետ վաճառել բաժնետոմսերը․ գործընթացի արդյունքում ընկերության գնահատված արժեքը կհասնի մոտ $91 մլրդ՝ մոտենալով 2021-ի պիկին՝ https://tinyurl.com/mszksvpr

🎓 Binance կրիպտոբորսան ևս ցանկանում է իր ներդրումն ունենալ ֆինտեխի զարգացման գործում․ այս առիթով 500 կրթաթոշակով կֆինանսավորի Global Fintech Institute-ի կրթական ծրագրերը՝ https://tinyurl.com/3kens4j6

🏳️‍🌈 Թրամփի գալուց հետո ամերիկյան մի շարք ֆինտեխ ընկերություններ դադարեցրել են «բազմազանության» DEI (diversity, equity and inclusion) ծրագրերը, իսկ Եվրոպայի ֆինտեխ համայնքը հայտնել է, որ ի հակադրություն ԱՄՆ-ի, գնալու է հակառակ ուղղությամբ՝ https://tinyurl.com/y3bp3drw

… կրիպտոյից

🏦 Թրամփն էլ հայտարարել է, որ ԱՄՆ միջազգային պահուստները կներառեն նաև Bitcoin, Ether, XRP, Solana և Cardano․ լուրի ֆոնին Bitcoin-ի գինը 11%-ով աճել է՝ նախորդ օրվա 17% նվազումից հետո, որը, ի դեպ, 2022-ից ի վեր ամենամեծ անկումն էր՝ https://tinyurl.com/575anu3a

🪙 Մարտի 31-ից Binance-ը կարգելի Եվրոպայում USDT-ով ու մի շարք այլ սթեյբլքոիններով առևտուրը ու խորհուրդ է տալիս դրանք փոխարկել այլ կրիպտոակտիվների՝ հետագայում իրացվելիության ռիսկից խուսափելու համար՝ https://tinyurl.com/mryc8zzv

⚽ Ռոնալդինյոն սեփական կրիպտոն է թողարկել՝ STAR10-ը, և արդեն տեղեկություններ կան, որ ինսայդերները (ներքին տեղեկատվության տիրապետողները) սկսել են միլիոններ վաստակել թոքենի առուվաճառքից՝ https://tinyurl.com/4um6x4bc

🤟  Եվ հիշեք՝ ձեր կյանքի ամենա ոչ էֆեկտիվ ծախսը Մարտի 8-ին գնված մեծ, փափուկ արջուկն է~