💸 #ֆինանսաPAN Weekly (84)

Ֆինանսական շաբաթը՝ EasyPay-ի հետ

🇦🇲 Բոլորի շրջապատում կա մեկը, ով անկախ եկամուտների ցածր մակարդակից, միշտ բոլորից լավ է ապրում՝ ունի ամենամեծ դյույմանոց հեռուստացույցը, ամենաթարմ թվի մեքենան ու Մալաթիայի շուկայից գնված Valentino-ի չարոխները: Պարզվում է՝ ի տարբերություն եկամուտների մակարդակի, որոնք 2024-ին մոտ 6.4% աճել են, սպառողական վարկերն աճել են 33%-ով. սակայն, ի զարմանս բոլորի, սպառողական վարկերի կատարողականը բավականին լավ է, վարկերի ընդամենը 2%-ն է դասակարգվում որպես «չաշխատող»: Վարկերի նկատմամբ մեծ պահանջարկի պատճառով է (նաև), որ վերաֆինանսավորման տոկոսադրույքի նվազումները վարկերի տոկոսադրույքների նվազման վրա համարժեք չեն ազդում. այս և այլ կարևոր պարզաբանումների շուրջ առաջարկում ենք դիտել ԿԲ ներկայացուցչի ամբողջական հարցազրույցը՝ https://tinyurl.com/35vpdn59

Իսկ հիմա՝ աշխարհում ուշագրավի մասին…

… ֆինանսներից

💰 Վարկի թրենդից հետ չմնալով՝ ՀՀ-ն էլ $750 մլն պարտք է վերցրել եվրոպարտատոմսեր թողարկելու միջոցով, որի մի մասը ($500 մլն), հավանաբար, ուղղվելու է 10 տարի առաջ թողարկված ու այս ամիս մարվող եվրոպարտատոմսի մարմանը՝ https://tinyurl.com/4e3hu3xv

🪖 Պատերազմի հետևանքով օտարերկրյա ընկերություններն ավելի քան $170 մլրդ են կորցրել Ռուսաստանում՝ գումարի մի մասն առգրավվել է պետության կողմից, մի մասն էլ՝ վճարվել որպես «ելքի հարկ». ամենամեծ տուժողներն են British Petroleum-ն ու Rosneft-ը՝ https://tinyurl.com/ycxuzths

🚗 Tesla-ի բաժնետոմսերը մեկ օրում 15% նվազել են մեքենաների վաճառքի ծավալների անկման լուրի ֆոնին. «էշը ցեխից հանելու համար» Թրամփը հայտարարել է, որ պատրաստվում է նոր Tesla գնել` https://tinyurl.com/24cm96vv

… տնտեսությունից

🥷 Չնայած ԱՄՆ-Չինաստան լարված հարաբերություններին՝ մի խումբ հարուստ չինացի ներդրողներ շահույթ ստանալու նպատակով ավելի քան $30 մլն «թաքուն» ներդրել են Մասկի ընկերություններում՝ SpaceX, Neuralink, xAI՝ https://tinyurl.com/52a7cdbh

🏦 Եվրոպան խոստացել է Ուկրաինային ռազմական օգնություն ցուցաբերել, իսկ բանկերը պատրաստ չէին դրան. ելնելով գործընթացների ժամանակատարությունից՝ դեռ անհրաժեշտ է մի շարք փոփոխություններ կատարել ռազմարդյունաբերությամբ զբաղվող ընկերությունների ֆինանսավորման գործընթացներում՝ https://tinyurl.com/y9vfxabm

🛢️ OPEC-ը համաձայնել է ապրիլին աստիճանաբար մեծացնել նավթի մատակարարումները, որից հետո աշխարհի խոշորագույն նավթ արդյունահանող Սաուդյան Արաբիան երեք ամսվա մեջ առաջին անգամ իջեցրել է Ասիա մատակարարվող նավթի գները՝ 1 բարելի դիմաց 40 ցենտով՝ https://tinyurl.com/msw3e7va

… ֆինտեխից

🎰 Պարզվել է՝ Միացյալ Թագավորությունում ապօրինի գործող մի շարք օնլայն խաղատներում հնարավոր է Mastercard-ով ու Visa-ով վճարել, չնայած ընկերությունները դեռ 2014-ին համաձայնել էին արգելափակել չլիցենզավորված խաղատների հետ գործակցությունը՝ https://tinyurl.com/vnw2t9hv

🤕 Արագ աճող ֆինտեխ Stripe-ն իսկական գլխավացանք է դարձել PayPal-ի, Adyen-ի ու Fiserv-ի համար. մրցակիցների «հաշվին» ընկերության վճարումների ծավալը մոտ 40% աճել է 2024-ին, ներդրողների համար վատ նորությունն այն է, որ Stripe-ը դեռ IPO-ի պլաններ չունի՝ https://tinyurl.com/dhdmwxeu

🪙 Բանկերն ու ֆինտեխերն էլ մտել են սթեյբլքոինների մրցավազքի մեջ. Bank of America-ն ևս ուզում է թողարկել սեփական սթեյբլքոինը՝ ցանկանալով միանալ Revolut-ին, PayPal-ին ու Stripe-ին՝ https://tinyurl.com/yeyr5kud

… կրիպտոյից

🪫 ԱՄՆ-ում հնարավոր ճգնաժամի սպասման ֆոնին Bitcoin-ի գինը $80 հզ-ից ընկել է. 2024-ի նոյեմբերի համեմատ սա ակտիվի գնի ամենացածր ցուցանիշն է՝ https://tinyurl.com/3xpambps

🧀 Bitcoin Policy Institute-ն էլ ԱՄՆ-ի կրիպտոպահուստների համալրման նպատակով խորհուրդ է տվել վաճառել երկրի մոտ 650 հզ տոննա պանրի պաշարն ու փոխարենը գնել Bitcoin` https://tinyurl.com/bdcxzc7d

🇮🇳 Իսկ Հնդկաստանում երկու տարվա դադարից հետո իր գործունեությունն է վերսկսելու ամերիկյան խոշորագույն կրիպտոբորսաներից CoinBase-ը, որը, կարգավորման խնդիրների պատճառով, 2023-ին կասեցրել էր աշխատանքը՝ https://tinyurl.com/47nyasu8

🤟  Եվ հիշեք՝ եթե ինչ-որ բան զեղչված է, դեռ չի նշանակում, որ պետք է այն գնել~