💸 #ֆինանսաPAN Weekly (86)

Ֆինանսական շաբաթը՝ EasyPay-ի հետ

🇦🇲 Երբ դեսպանատուն մտնելուց առաջ հաշվիդ մի կլորիկ գումար ես մուտք անում, որ վիզա ստանաս, հետո գումարն էլի հետ ես տալիս ընկերոջդ… մոտավորապես նույն բանն է տեղի ունենում ՀՀ արդյունաբերության ոլորտում: Նախորդ տարվա փետրվարին ոլորտը գրեթե 40% աճ էր ապահովել (2023-ի փետրվարի համեմատ), իսկ այս փետրվարին՝ 26% անկում: Սակայն ոլորտի ոչ աճն է «օրգանիկ» եղել, ոչ անկումը: Հիշեցնենք, որ ինչպես ռուս միգրանտների հոսքից փորձեցին օգուտ քաղել վարձով անշարժ գույք ունեցողները, ավելի մեծերը մտան առավել լայնամասշտաբ խաղի մեջ ու սկսեցին ակտիվորեն ներմուծել արևմտյան պատժամիջոցների «ենթարկված» ռուսական ծագման ոսկի/ադամանդ, և վերաարտահանել դեպի ԱՄԷ: Փաստորեն՝ արդյունաբերության աճը պայմանավորված է եղել հենց այս գործառույթով. հետևություն՝ երբեք միանշանակ մի ընդունեք վիճակագրական թվերը, ավելի կարևոր է հասկանալ դրանց տաք թաքնված երևույթները…

Իսկ հիմա՝ աշխարհում ուշագրավի մասին…

… ֆինանսներից

📉 Թուրքական արժույթը 2023-ից հետո գրանցել է իր ամենամեծ արժեզրկումը՝ $1-ի դիմաց դառնալով մոտ 38 լիրա. երկրում տիրող քաղաքական անկայունության ֆոնին ավելի քան 8%-ով նվազել է նաև արժեթղթերի շուկան բնութագրող Borsa Istanbul 100 ինդեքսը՝ https://tinyurl.com/4tzyfcnx

🛞 Tesla-ն սպասում է Չինաստանում իր ավտոմեքենաների ինքնավար տեխնոլոգիայի (Full Self-Driving) ներդրմանը, ինչի ֆոնին 9 շաբաթ նվազումից հետո ընկերության բաժնետոմսերը վերջապես 10% աճել են՝ https://tinyurl.com/2kvfys4w

🚘 Xiaomi-ն, որը նախորդ տարվանից սկսել է նաև էլեկտրական մեքենաներ արտադրել, պատրաստվում է նոր բաժնետոմսերի թողարկումից ներգրավել $5.2 մլրդ, որն ուղղվելու է բիզնեսի ընդլայնմանն ու նոր տեխնոլոգիաների ներդրմանը՝ https://tinyurl.com/hu9pv7bv

… տնտեսությունից

♻️ Ու մինչ մենք սուպերմարկետում ամեն 2 միրգը գնում ենք փաթեթավորված, թափոնների տեսակավորման արկղերը վերածվել են աղբամանների, իսկ Սովետաշենում աղբը վառում են. Հայաստանը թափոնների կառավարման «արդյունավետության» ցուցանիշով 180 երկրի շարքում զբաղեցնում է 138-րդ տեղը՝ https://tinyurl.com/mr899aax

🏃 Թրամփի վարչակազմը ԵՄ-ի վրա մաքսատուրքերի կիրառման ամսաթիվ է սահմանել ապրիլի 2-ը, իսկ Իռլանդիան խիստ անհանգստացած է. առևտրային պատերազմի մեկնարկի դեպքում կանխատեսվում է մոտ 80,000 աշխատատեղի կորուստ՝ https://tinyurl.com/4t4shyfa

👎 Իսկ վերլուծաբանները կարծում են, որ առևտրային պատերազմն ու ծախսերի կրճատման քաղաքականությունը վտանգում են նաև ԱՄՆ տնտեսությունը, քանի որ պարունակում են տնտեսական աճի դանդաղեցման և ճգնաժամային ռիսկեր՝ https://tinyurl.com/3286sbfv

… ֆինտեխից

📜 Revolut ֆինտեխը կրկին նոր ծառայություններ ունի. Իսպանիայում այժմ հնարավոր է անմիջապես հավելվածով վճարել հարկերը՝ խուսափելով ավելորդ բյուրոկրատական քաշքշուկներից՝ https://tinyurl.com/yp9yce7s

👶 Google Wallet-ը մի շարք երկրներում ընդլայնել է իր ծառայությունը՝ երեխաներին հասանելի դարձնելով էլեկտրոնային վճարումները. նրանց վճարային քարտը կկցվի ծնողի account-ին, ով կստանա ծանուցումներ ամեն գործարքի մասին ու կկարողանա հետևել դրանց՝ https://tinyurl.com/25pdxnwc

📱 PayPal-ն իր դրամապանակում ընդլայնել է կրիպտո հասանելիությունը. այժմ օգտատերերը կարող են գնել, վաճառել, պահել, ուղարկել կամ ուղղակի գնումների ժամանակ վճարումներ կատարելիս օգտագործել կրիպտոարժույթներ՝ https://tinyurl.com/2p9k3rjy

… կրիպտոյից

⚖️ IMF-ն առաջին անգամ կրիպտոն ինտեգրել է իր գլոբալ հաշվապահական ստանդարտներին. Bitcoin-ը և «պարտավորության» կողմ չունեցող այլ կրիպտոարժույթները դասակարգվում են որպես ոչ ֆինանսական ակտիվներ, իսկ stablecoin-ները, որոնք կցված են արժույթի կամ ոսկու և կայուն փոխարժեք ունեն` որպես ֆինանսական ակտիվներ՝ https://tinyurl.com/5y6v8sac

⛏️ Բելառուսում, Լուկաշենկոյի համաձայնությամբ, արդեն պատրաստվում են կրիպտոյի մայնինգ կենտրոններ կառուցել. նախագիծն ուղղված է երկրի ավելցուկային էլեկտրաէներգիայի օգտագործմանը՝ https://tinyurl.com/yjz2zsuj

🇺🇲 Թրամփի կրիպտոբիզնեսը շարունակում է աճել. նրան պատկանող World Liberty Financial-ը թողարկել է USD1 stablecoin-ը, որը դոլարին կցված կրիպտոարժույթ է և արդեն հասանելի է Ethereum ու Binance բլոկչեյններում` https://tinyurl.com/2s3f9akf

🤟 Եվ հիշեք՝ վարկ վերցնելիս բանկն ավելի շատ է հավատում վարկը վերադարձնելու ձեր կարողությանը, քան դուք~