💸 #ֆինանսաPAN Weekly (87)

Ֆինանսական շաբաթը՝ EasyPay-ի հետ

🇦🇲 Ինչպե՞ս է պատահում, որ երկար ժամանակ աշխատում եք «մեղվի ռեժիմով», իսկ ձեր եկամուտները չեն աճում… իրականում` երբ տեսնեք հարկային մարմնի հավաքագրած հարկերն ու պետտուրքերը, գուցե, հենց այդտեղ էլ գտնեք հարցի պատասխանը. 2025-ի առաջին եռամսյակում այն կազմել է 566.5 մլրդ դրամ, որը 13.2%-ով բարձր է նախորդ տարվա նույն ժամանակահատվածի թվից: Թե ինչով է պայմանավորված ավելի շատ հավաքագրված հարկերի մակարդակը՝ ՊԵԿ-ը դեռ չի մեկնաբանել, գուցե՝ բիզնես միջավայրն է ակտիվացել, կամ պատճառը տարեսկզբից մոտ կրկնակի բարձրացած շրջանառության հարկն է…

Իսկ հիմա՝ աշխարհում ուշագրավի մասին…

… ֆինանսներից

👑 Ոսկին կրկին նոր ռեկորդ է սահմանել. աշխարհաքաղաքական անկայունության ու առևտրային պատերազմի վտանգի ֆոնին ակտիվի գինն ուրբաթ օրը հասել էր $3074-ի՝ մեկ ունցիայի համար՝ https://tinyurl.com/mvbsacss

🤝 Իլոն Մասկը երկրորդ անգամ է ձեռք բերել X-ը, այս անգամ իր մեկ այլ ընկերության՝ արհեստական բանականությամբ զբաղվող xAI-ի միջոցով. գործարքը շատ շահավետ է լինելու X-ի ներկա ներդրողների համար, քանի որ նրանք xAI-ում մասնակցություն կստանան՝ https://tinyurl.com/4f2htthe

✂️ Իսկ ահա OpenAI-ի ֆինանսավորումը կարող է $10 մլրդ-ով կրճատվել, եթե ընկերության քաղաքականությունը մինչև տարեվերջ չդառնա շահույթի վրա հիմնված. սա կարող է ազդել ընկերության երկարաժամկետ զարգացման ծրագրերի վրա՝ https://tinyurl.com/mr27xmme

… տնտեսությունից

🤼 Ոչինչ այնքան չի միավորում մարդկանց, որքան ընդհանուր «թշնամին». ԱՄՆ մաքսատուրքերի դեմ պայքարելու համար Չինաստանը, Ճապոնիան և Հարավային Կորեան 5 տարում առաջին անգամ քննարկել են տարածաշրջանային առևտրի ընդլայնման հարցը՝ https://tinyurl.com/4y9h6urx

🏗️ Իսպանիան էլ խոստացել է €415 մլն հատկացրել Ուկրաինայի վերականգնմանը և լրացուցիչ €1 մլրդ՝ պաշտպանությանը, և այս ամենը՝ 2025-ին՝ https://tinyurl.com/7t7j2yre

🏆 TikTok-ը ոչ միայն հազարավոր միլիոնատերերի է ծնել, այլև հենց իր հիմնադրին դարձրել է Չինաստանի ամենահարուստ մարդը. Ցհանգ Յիմինգը $57.5 մլրդ ունեցվածքով համարվում է նաև Ասիայում 3-րդ ամենահարուստը՝ խոշոր արդյունաբերական խմբերի սեփականատերեր Մուկեշ Ամբանիից և Գաուտամ Ադանիից հետո՝ https://tinyurl.com/2xfj6r8n

… ֆինտեխից

📵 1 մլրդ հեռախոսի վրա նախատեսվող Google Play-ի վերջին թարմացման հետևանքով մի շարք օգտատերեր կմնան առանց Google Wallet-ի և բանկային հավելվածների. խորհուրդ է տրվում թարմացնել Android 13-ից հին օպերացիոն համակարգերը, եթե չեք ուզում մնալ միայն կանխիկի հույսին՝ https://tinyurl.com/22asb7t4

💳 Visa-ն $100 մլն-ի առաջարկ է արել Apple-ին, որպեսզի վերջինս Apple Card-ի վարկային քարտի գործակցությունը Mastercard-ի փոխարեն իր հետ անի. Visa-ն դեռ հրաժարվում է մեկնաբանել լուրը՝ https://tinyurl.com/43xkvfds

📜 Սեպտեմբերի 30-ից ֆինտեխն ամբողջությամբ կմտնի նաև ԱՄՆ պետվճարումների ոլորտ. ըստ Թրամփի նոր հրամանի՝ պետվճարումների ոլորտում պետք է բացառել թղթային չեկերի օգտագործումն ու ամբողջությամբ անցնել թվային ֆինանսների՝ https://tinyurl.com/3u3v762f

… կրիպտոյից

🗑️ Տան հերթական մաքրության ժամանակ կինը պատահական դեն է նետել ամուսնու ֆլեշ-քարտը, որի վրա պահվում էր $3.8 մլն-ի բիթքոին. ամուսնու հոգեկան վիճակը և ընտանիքի ճակատագիրը խիստ վտանգված են՝ https://tinyurl.com/bdes46ee

🥷 ԱՄՆ-ն էլ $200,000-ի կրիպտոարժույթ է առգրավել ՀԱՄԱՍ-ին պատկանող մի քանի դրամապանակից՝ կատարվածը բնութագրելով որպես ահաբեկչական խմբավորման ֆինանսավորման գործընթացի կանխում՝ https://tinyurl.com/424bn6w6

🏦 Ղազախստանի կառավարությունն առաջարկում է ստեղծել կրիպտո բանկ, ինչի արդյունքում հնարավոր կլինի ունենալ կրիպտոարժույթների օրինական և վերահսկվող շուկա, խարդախության կրճատում ու կանխել երկրից անօրինական փողի արտահոսքը՝ https://tinyurl.com/424bn6w6

🤟 Եվ հիշեք՝ պարտքը «վատ նախկինի» պես բան է, ով շարունակում է քեզ գրել, դու արհամարհում ես, ու գնալով ամեն ինչ ավելի է վատանում~