Մարքեթինգից մինչև մատակարարման շղթաներ. Microsoft-ը AI-ացնում է բիզնեսը
2023-ը լինելու է արհեստական բանականության տարի։ Արդեն իսկ նորագույն լուծումները շատ արագ դուրս են պրծնում լաբորատորիաներից ու հասանելի դառնում հանրությանը։ Շատ ընկերություններ էլ ամեն ինչ դնում են նոր թրենդի վրա, ու գլխավորն այստեղ Microsoft-ն է։
Ընկերությունն արդեն ադապտացրել է OpenAI-ի չատբոտն իր բրաուզերին ու որոնողական համակարգին։ Հերթն ընկերության պրոդուկտների կիրառմամբ զբաղվող բիզնեսինն է։ PAN-ը պատմում է այս ոլորտում ընկերության նորարարությունների մասին։
Օրերս Microsoft-ը հայտարարել էր արհեստական բանականության վրա հիմնված Microsoft Dynamics 365 Copilot համակարգի գործարկման մասին, որը կոչված է ապահովելու ինտերակտիվ աջակցություն բիզնեսի վարման բոլոր ոլորտներում` սկսած վաճառքներից, ծառայությունների մատուցումից մինչև մարքեթինգ ու մատակարարման շղթաներ։ Ըստ էության, Dynamics 365 Copilot-ը AI բազայով առաջին թվային օգնականն է` ներդրված հաճախորդների հետ փոխազդեցության կառավարման համակարգերի (CRM) ու ձեռնարկության ռեսուրսների պլանավորման (ERP) հավելվածներում։
Ընկերության հրապարակած հաղորդագրության մեջ նշվում է, որ համակարգի շնորհիվ Dynamics 365-ը համալրվել է նոր սերնդի AI-ի ու բնական լեզվի մշակման վերջին լուծումների տված լայն հնարավորություններով` աշխատելով բիզնես ոլորտի պրոֆեսիոնալների հետ, օգնելով նրանց ավելի արագ ստեղծել նոր գաղափարներ ու կոնտենտ, լուծելով աշխատատար խնդիրները, ստանալով արժեքավոր ինֆորմացիա ու հաջորդ օպտիմալ լուծումներն` ընդամենը նկարագրելով, թե ինչ է անհրաժեշտ։
AI օգնականի ֆունկցիաները հասանելի են Dynamics 365 ու Microsoft Viva Sales հավելվածների նախնական տարբերակում։
AI ՕԳՆԱԿԱՆԸ MICROSOFT DYNAMICS 365 SALES-ՈՒՄ ԵՎ VIVA SALES-ՈՒՄ
Վաճառքներով զբաղվող ստորաբաժանումները ջանքեր են գործադրում վաճառողի փորձի մասշտաբավորման համար։ Ըստ Microsoft-ի, իրենց AI-ը կարող է օգնել ցանկացած առևտրային կազմակերպության դառնալ ավելի պրոդուկտիվ ու արդյունավետ` ավտոմատացնելով վաճառքների պրոցեսն ու ավելի լավ ճանաչելով հաճախորդներին։
Dynamics 365 Sales-ում ընդգրկված Microsoft Viva Sales-ը, որը կարելի է նաև առանձին ձեռք բերել այլ CRM համակարգերի (այդ թվում` Salesforce-ի) համար, ավելի արդյունավետ է դարձնում վաճառողների աշխատանքը Microsoft Outlook-ի ու Teams-ի հետ ինտեգրման հաշվին, որոնք թույլ են տալիս AI հիմքով մշակված վերլուծական տվյալներով ու գործողություններով համալրել վաճառողի գործողություններն ու որոշումները։ AI օգնականի նոր ֆունկցիաները թույլ են տալիս վաճառողին խնայել ժամանակը, բարձրացնել արտադրողականությունը` կրճատելով աշխատանքային ծանրաբեռնվածությունը ու կենտրոնանալով ամենակարևորի` հաճախորդների հետ շփման ու գործարքների կնքման վրա։
ԱՎԵԼԻ ԷՖԵԿՏԻՎ ՇՓՈՒՄՆԵՐ ՀԱՃԱԽՈՐԴՆԵՐԻ ՀԵՏ
Դեռ նախորդ ամիս Microsoft-ը հայտարարել էր, որ Viva Sales-ը գեներացնում է հաճախորդներին ուղղված էլեկտրոնային նամակների հիման վրա կոնտենտի առաջարկներ, օրինակ` հարցերի պատասխաններ կամ նոր առաջարկներ, որոնք ներառում են կոնկրետ նամակի հասցեատիրոջը վերաբերող տվյալներ, ինչպիսիք են գները, գովազդային ակցիաներն ու ժամկետները։ Վաճառողն ուղղակի ընտրում է իր կարիքներին համապատասխանող տարբերակն ու գեներացնում պատասխանը, որը նա կարող է հետագայում խմբագրել իր ճաշակով ու ուղարկել։ Պատասխանը համալրված է Microsoft Graph-ում ներառված տվյալներով, որն ապահովում է հասանելիություն Microsoft Cloud-ում կամ CRM համակարգում ընդգրկված վերլուծական տվյալներին։
Այժմ արդեն Microsoft-ը թարմացրել է վերոնշյալ ֆունկցիաները. էլեկտրոնային նամակների պատասխանների ֆունկցիան հասանելի կլինի բոլորին, իսկ մարտի 15-ից կթարմացվի կարգավորվող էլեկտրոնային նամակների ստեղծման ֆունկցիոնալը։ Օրինակ, AI-ը կարող է էլեկտրոնային նամակ ստեղծել, որում նա առաջարկում է գնորդի հետ հանդիպման ժամկետները` ելնելով վաճառողի Outlook-ում օրացույցի ազատ օրերից կամ ժամերից։
Բացի այդ, հետադարձ կապի նոր մեխանիզմը թույլ է տալիս վաճառողին գնահատել AI-ի ստեղծած կոնտենտը դրական կամ բացասական գնահատականներով, ինչն օգնելու է ճշգրտել ու բարելավել ապագա պատասխանները։ Վաճառողը կարող է նաև ճշգրտել գեներացված արդյունքները` նոր հուշում առաջարկելով, որը կգեներացնի թարմացված պատասխան` հիմնված ավելի վաղ առաջարկված սևագրի ու նոր կոնտեքստի վրա։
Ըստ էության, ավտոմատացված, կարգավորվող կոնտենտը թույլ կտա վաճառողին ավելի քիչ ժամանակ ծախսել էլեկտրոնային նամակներ կազմելու, ինչպես նաև վաճառքների մասին տվյալները գործընկերներից կամ տվյալների բազայից գտնելու վրա։
ՕՊԵՐԱՏԻՎ ՀԱՆԴԻՊՈՒՄՆԵՐ ՀԱՃԱԽՈՐԴՆԵՐԻ ՀԵՏ
Վաճառողները օրական ժամեր են ծախսում պոտենցիալ հաճախորդներին ու ուղղակի հաճախորդներին զանգահարելու վրա, մոտ այդքան էլ ժամանակ ծախսվում է արդյունքների ամփոփման վրա։ Այս հարցում օգնելու համար AI-ը (conversation intelligence) տրամադրում է առանցքային թեմաների, խնդիրների ու անհանգստությունների անփոփագիր, որոնք պետք է քննարկվեն հանդիպման ժամանակ։
Microsoft-ի նոր AI օգնականը դրա համար օգտագործում է Azure OpenAI Service-ի բազայի հիման վրա բնական լեզվի գեներացման հնարավորությունները` զանգերի արդյունքների ինտելեկտուալ անփոփման ու հետագա գործողությունների առաջարկների տեսքով, որոնք հիմնված են CRM-ի ու հանդիպումների մասին տվյալների վրա։ Teams-ում կարելի է ստեղծել տարբեր տեսակի քննարկումների ամփոփագրեր` ներառյալ բազմամասնակից ու ներքին զանգերը` թույլ տալով վաճառողին կազմակերպված մնալ ու տեղյակ լինել վաճառքների թեմայով կարևոր, կոնտենտով հագեցած քննարկումներից։
AI ՕԳՆԱԿԱՆ MICROSOFT DYNAMICS 365 CUSTOMER SERVICE-ՈՒՄ
Հաճախորդների սպասարկման գործակալները որոշիչ դեր են խաղում հաճախորդի լոյալության պահպանման հարցում, սակայն նրանք հաճախ բախվում են հաճախորդների խնդիրներն արագ լուծելու անհրաժեշտության հետ, ինչը հանգեցնում է արդյունավետության նվազման ու հաճախորդի ցածր բավարարվածության։ Այս խնդիրների լուծման համար գործակալներին անհրաժեշտ են գործիքներ, որոնք թույլ կտան օպտիմալացնել խնդիրներն ինչպես պարզ, այնպես էլ բարդ իրավիճակներում` տրամադրելով անձնականացված ծառայություն, ցուցաբերելով յուրաքանչյուր խնդիրը մանրակրկիտ ու արդյունավետ լուծելու պատրաստակամություն։
Microsoft Dynamics 365 Customer Service AI օգնականը իրենից ներկայացնում է նոր սերնդի արհեստական բանականության գործիքներ, որոնք կարող են արագացնել հաճախորդների խնդիրների լուծումն ու բարձրացնել բավարարվածության ցուցանիշը։ AI օգնականը գործակալին է տրամադրում 24-ժամյա աջակցություն` օգնելով գտնել խնդիրը հնարավորինս արագ լուծելու ռեսուրսներ, ավելի էֆեկտիվ մշակել հաճախորդների դիմումներն ու ավտոմատացնել աշխատատար խնդիրները, ինչը թույլ է տալիս գործակալին կենտրոնանալ իր հաճախորդներին բարձրորակ ծառայություններ մատուցելու վրա։
AI օգնականի օգնությամբ գործակալները կարող են մկնիկի կոճակի մեկ սեղմումով արագ ստեղծել էլեկտրոնային նամակի կամ հաճախորդների չաթում պատասխանի սևագիրը։ AI օգնականը հասկանում է կոնտեքստը ընթացիկ կենդանի զրույցի հիման վրա, ինդենտիֆիկացնում է համապատասխան ինֆորմացիան հուսալի կայքերից ու ներքին փաստաթղթերից` ներառյալ ավելի վաղ լուծված խնդիրների մասին տվյալները ու ստեղծում է պատասխան, որը գործակալը կարող է նայել ու ուղարկել հաճախորդին։
Էլեկտրոնային փոստով աշխատող գործակալների համար AI օգնականը մի քանի վայրկյանում կարող է ստեղծել ռելեվանտ ու անձնականացված նամակներ ի պատասխան հաճախորդների հարցումների։ Անմիջապես այն բանից հետո, երբ AI օգնականը վերլուծում է տվյալներն ու առաջարկում էլեկտրոնային նամակի սևագիրը, գործակալը կարող է այն նայել ու փոփոխել մինչև հաճախորդին ուղարկելը։ Օգտագործելով չաթ բոտը, գործակալը կարող է խնդրել AI օգնականին օգնել ախտորոշել հաճախորդների ավելի բարդ խնդիրները, գտնել լուծումներ ու ընդհանրացնել հաճախորդի համար ճիշտ տոնայնությամբ պատասխանների սևագրերը։
AI օգնականի համակողմանի ու արդյունավետ աջակցության շնորհիվ գործակալները կարող են զգալիորեն կրճատել կոնտենտի որոնման ու պատասխանը կազմելու վրա ծախսվող ժամանակը, ինչը կբերի գործակալների արտադրողականության ավելացմանն ու հաճախորդների սպասարկման որակի բարելավմանը։
POWER VIRTUAL AGENTS
Կազմակերպությունները կարող են ապահովել էլ ավելի արդյունավետ շփում` օգտագործելով Power Virtual Agents-ը, որն այժմ համալրված է գեներատիվ արհեստական բանականության հնարավորություններով։ Հաճախորդները կարող են ինքնուրույն սպասարկել իրենց ու լուծել խնդիրները բարձր ինտելեկտուալ չաթ բոտերի օգնությամբ, որոնք օգտագործում են հուսալի ինտերնետ կայքեր ու ընկերության ներքին տվյալները` հաճախորդների խնդիրները լուծելու համար։ Բացի այդ, շարունակելով ներդրումներ կատարել Microsoft Digital Contact Center Platform բաց ու ճկուն համակարգում, Nuance ընկերությունը հայտարարում է Nuance Mix արհեստական բանականության նոր հնարավորությունների մասին։
Dynamics 365-ի հաճախորդների աջակցության ծառայությունը Teams-ի, Microsoft Power Platform-ի, Nuance-ի ու Azure-ի հետ միասին ապահովում են լայն հնարավորություններ ինչպես գործակալների, այնպես էլ հաճախորդների համար։
AI ՕԳՆԱԿԱՆԸ MICROSOFT DYNAMICS 365 CUSTOMER INSIGHTS AND MARKETING-ՈՒՄ
Հաճախորդների սպասումները արդարացնելու համար մարքեթոլոգներին անհրաժեշտ է անձնականացված մարքեթինգային փորձ ֆիզիկական ու թվային խողովակներով։ Հաջորդ սերնդի AI-ը թույլ է տալիս մարքեթոլոգներին ակտիվորեն կողմնորոշվել հաճախորդների ցանկացած սեգմենտում` շուկայի տենդենցներին ու սպառողական պահանջարկին համապատասխան։
Մարքեթոլոգներն ավանդաբար հույս են դնում տվյալներ վերլուծողների (data analyst) վրա` օգտագործելով հայցերը SQL-ով (ստրուկտուրացված հայցերի լեզու) գրելու իրենց ունակությունները` հաճախորդների տվյալներից տեղեկատվություն ստանալու նպատակով, ինչը կարող է շաբաթներ տևել։ Dynamics 365 Customer Insights-ում AI օգնականի շնորհիվ մարքեթինգային թիմերը կարող են ուղղակիորեն փոխազդել հաճախորդների տվյալների հետ ու գտնել անհրաժեշտ տեղեկատվությունը, որի մասին նրանք, հնարավոր է, անգամ չգիտեին։
Պարզ հուշումների միջոցով մարքեթոլոգները կարող են հարցեր ուղղել բնական լեզվով` հաճախորդների տվյալ սեգմենտի չափերի ու նախասիրությունների ուսումնասիրության, վերլուծության ու չափերը հասկանալու համար։ Պետք չէ SQL մասնագետ լինել ու սպասել, թե երբ են մյուս թիմերը վերլուծելու հարցումը։ Օրինակ, մարքեթոլոգը կարող է ցանկանալ գտնել հաճախորդներին, ովքեր ապրում են Սան Ֆրանցիսկոյում, ովքեր շատ են օգտվում տվյալ բրենդից (high customer lifetime value), ու ովքեր գնում են կատարել վերջին 90 օրվա ընթացքում։ Մկնիկի կոճակի մի քանի սեղմումով AI օգնականը կտրամադրի արդյունքներն այնպիսի տեղեկատվության հետ միասին, ինչպիսիք են հաճախորդների միջին տարիքը, պրոդուկտների հարցում նախասիրությունները կամ կատարած գնումների միջին արժեքը։ Այս տվյալները հետագայում կարելի է օգտագործել տվյալ սեգմենտում ընկերությանն աջակցելու համար։ AI օգնականի միջոցով մարքեթոլոգները կկարողանան գրեթե իրական ժամանակում ավելի խորը պատկերացում ստանալ իրենց հաճախորդների մասին։
ՇՈՒԿԱՅԻ ՍԵԳՄԵՆՏԱՎՈՐՈՒՄ
Շուկայի սեգմենտավորումը կարևոր քայլ է շահերի ու կարիքների վրա հիմնված անձնականացված գովազդային արշավների կազմակերպման համար։ Դա նաև կարող է խիստ աշխատատար լինել, ինչը հաճախ պահանջում է տվյալների բարդ ստրուկտուրաների իմացություն` պայմանավորված տվյալների մարքեթինգային բազայով։ Dynamics 365 Marketing-ի հարցումների օգնականն օգտագործում է Azure OpenAI, ինչը թույլ է տալիս խնայել սեգմենտների ստեղծման ու ընդլայնման վրա ծախսվող ժամանակը։
Մարքեթոլոգները կարող են նկարագրել թիրախային լսարանի բնութագրիչները` մուտքագրելով սեգմենտի նկարագրությունը, օրինակ` «մինչև 30 տարեկան ու Նյու Յորքում բնակվող բոլոր կոնտակտները»։ Տվյալների սյունակները ձեռքով ընտրելու փոխարեն մարքեթոլոգը կարող է ուղղակի մուտքագրել կոնտակտների նկարագրությունը, որոնց հետ նա ցանկանում է փոխազդել, ապա` ավելացնել արդյունքները սեգմենտների կոնստրուկտորում։ Օգտագործելով այս պարզ մեթոդները, մարքեթոլոգները կարող են իրական ժամանակում սեգմենտներ ստեղծել առանց սերվերային տվյալների իմացության անհրաժեշտության` խնայելով իրենց ժամանակը։
ԷԼԵԿՏՐՈՆԱՅԻՆ ՄԱՐՔԵԹԻՆԳ
Էլեկտրոնային մարքեթինգը լսարանին գրավելու հզոր գործիք է, եթե կոնտենտը համոզիչ է ու ակտուալ։ Շատ հաճախ ժամանակի հետ կոնտենտը հնանում է կամ սկսում կրկնվել։ Dynamics 365 Marketing-ի AI օգնականը ունի կոնտենտ գաղափարների ֆունկցիա, որը կարող է ոգեշնչել մարքեթոլոգներին` վերածելով թեմաներն առաջարկվող տեքստերի, օգնելով ավելի արագ անցնել կոնցեպտից ավարտին։
Էլեկտրոնային նամակի խմբագրման ընթացքում մարքեթոլոգը կարող է AI օգնականին մատնանշել մինչև հինգ առանցքային միտք, որոնք անհրաժեշտ է փոխանցել էլեկտրոնային նամակով։
Կոնտենտի գաղափարների գեներացման ֆունկցիան օգտագործում է Azure OpenAI ծառայությունը տեքստային առաջարկների խումբ գեներացնելու համար, իսկ ունիկալ կոնտենտը կարելի է օգտագործել որպես սկզբնակետ մարքեթինգային էլեկտրոնային նամակներ կազմելու ընթացքում։ Ծրագիրը կարող է վերլուծել կազմակերպության գոյություն ունեցող էլեկտրոնային նամակները, ինչպես նաև ինտերնետ աղբյուրներ` գեներացվող գաղափարների ակտուալությունը բարձրացնելու համար։ Դրա շնորհիվ մարքեթոլոգները կարող են բրեյն սթորմի ժամերը խնայել` միաժամանակ ունենալով թարմ ու հրապուրիչ կոնտենտ։
MICROSOFT DYNAMICS 365 BUSINESS CENTRAL AI ՕԳՆԱԿԱՆԸ
Ինտերնետ խանութներում պրոդուկտների համոզիչ նկարագրությունն ավելացնում է վաճառքները` ամբոխի միջից առանձնացնելով տվյալ ապրանքը։ Այդուհանդերձ, հետևողականորեն գրավիչ նկարագրությունների ստեղծումը կարող է բարդ խնդիր լինել, մանավանդ, երբ խոսքը տասնյակ ու անգամ հարյուրավոր նույնատիպ պրոդուկտների նկարագրության մասին է։
Microsoft Dynamics 365 Business Central-ի AI օգնականն օգնում է փոքր ու միջին բիզնեսին ավելի արագ շուկա հանել նոր պրոդուկտները` AI-ի միջոցով ստեղծելով դրանց նկարագրությունը։ Ֆունկցիան առաջարկում է պատճենել պրոդուկտների հրապուրիչ նկարագրությունները` ադապտացված տվյալ բրենդի համար` օգտագործելով պրոդուկտի անվանումն ու առանցքային ատրիբուտները, ինչպիսիք են գույնը, նյութն ու չափերը։ Նամակի տեքստը կարելի է հեշտությամբ կարգավորել` համապատասխանեցնելով գրելու սեփական ոճին, ընտրելով երկարությունն ու տոնայնությունը, ինչպես նաև կատարելով անհրաժեշտ փոփոխություններն ուղարկելուց առաջ։ Business Central-ի հաճախորդները կարող են կոճակի մի քանի սեղմումով հրապարակել նոր պրոդուկտների նկարագրությունները իրենց Shopify խանութում։
ՄԱՏԱԿԱՐԱՐՄԱՆ ՇՂԹԱՆԵՐ
Վերջին տարիներին շատ ձեռնարկություններ հայտնաբերել են, որ մատակարարման շղթաների իրենց ներկայիս տեխնոլոգիաները վատ են հարմարեցված մշտական խափանումներով, սահմանափակումներով ու դեֆիցիտով բնորոշվող միջավայրի համար։ AI-ի միջոցով մատակարարման շղթաների կառավարում կարող է ապահովել աննախադեպ թափանցիկություն ու ընկալում` թույլ տալով չեզոքացնել խաթարումները մինչև դրանց տեղի ունենալը։
Microsoft Supply Chain Center գործիքի AI օգնականը, որը հասանելի է Dynamics 365 Supply Chain Management հաճախորդների համար, թույլ է տալիս ավելի լավ կանխատեսել ու արձագանքել մատակարարողների մոտ առաջացող խաթարումներին` պայմանավորված եղանակային պայմանների ու աշխարհագրության հետ։ AI-ն օգտագործում է նորությունները` վերլուծելով դրանք ու նախօրոք հայտնելով արտաքին խնդիրների մասին, ինչպիսիք են եղանակային, ֆինանսական ու աշխարհաքաղաքական իրավիճակը, որոնք կարող են ազդել մատակարարման շղթաների առանցքային պրոցեսների վրա։