🚀 #իվենթաPAN (106)

Ուր գնալ, ինչ անել՝ Իդրամի հետ

Անցնենք մեր իվենթներին․

🥃 Այս weekend-ը փառատոնաշատ է. օրինակ՝ Անգլիական այգում մայիսի 3-5-ը Spirits of Armenia ալկոհոլային խմիչքների փառատոնն է՝ կոնյակից մինչև թթի օղի՝ https://tinyurl.com/y438445j

⚽ Նույն օրերին է նաև ՈՒԵՖԱ Ֆուտզալի Չեմպիոնների լիգայի 2024 թվականի եզրափակիչը՝ Երևանում. այստեղ շատ կարևոր է ճիշտ ընտրել նշված երկու միջոցառման այցելության հերթականությունը՝ https://tinyurl.com/mrpez8y7

🛍️ Բրիտանացի գիտնականները խորհուրդ չեն տալիս խմած վիճակում գնումներ կատարել, բայց մենք բրիտանացի գիտնականներ չենք, ուստի խորհուրդ ենք տալիս բաց չթողնել շաբաթ ու կիրակի Սիզնս այգում անցկացվող մեծ «Կետ մարկետը»՝ https://tinyurl.com/3vn8anb9

🧐 Ասում են՝ Կաֆկա հասկանալ ավելի հեշտ է թթօղու որոշակի չափաբաժնից հետո, երբ ներսիդ փիլիսոփան զարթնում է. մայիսի 4-ին մեկնարկում է ԱՐԷ փառատոնը՝ նվիրված Կաֆկայի մահվան 100-րդ տարելիցին՝ https://tinyurl.com/mrxybkuh

🥻 Նույն օրը կանցկացվի մեկ այլ փառատոն ևս՝ գունեղ և ուրախ Հոլին՝ Սպարտակ ստադիոնում. սա հնդկական մշակույթը «բժշկականի ուսանող-առաքիչ» կարծրատիպային տանդեմից անդին ճանաչելու լավ շանս է՝ https://tinyurl.com/bdfzx5du

🎸 Ի դեպ, մշակույթը բացահայտելու մասին. մայիսի 4-ին Երևան է գալիս համշենական «Մելուսես» խումբը, իսկ դա նշանակում է, որ «Գարմի աղջիկ»-ը կարող եք լսել օրիգինալ կատարմամբ՝ https://tinyurl.com/edfa6uf6

🎤 Ոմանք չեն հասկանում համշենահայերենը, ոմանք էլ՝ Արտո Թունչբոյաջյանի հետաքրքիր հայերենը. մայիսի 4-ին Ձիթողցյանի Արտ Ստուդիայում կարող եք լսել նրա կատարումները՝ https://tinyurl.com/mteuyzdj

🎹 Տեղափոխվենք Գյումրի, որտեղ ամսի 3-ին լեգենդար Մալխասը համերգ ունի. մաեստրոն գրեթե 80 տարեկան է՝ https://tinyurl.com/2bybc9at

🎮 Իսկ մայիսի 4-5-ին հայրաքաղաքում Game Conference-ն է անցկացվելու՝ 20-ից ավելի խոսնակով և խաղային ոլորտի սիրահարներին ու մասնագետներին միավորելու առաքելությամբ՝ https://tinyurl.com/37wjntx8

🎶 Եվ վերադառնանք մայրաքաղաք, որտեղ ամսի 8-ին Ազնավուրի ծննդյան 100-ամյակին նվիրված ջազային մեծ երեկո է՝ լիքը տաղանդավոր երաժիշտների մասնակցությամբ՝ https://tinyurl.com/2n4w269r

🎙️ Նույն օրն «Արամ Խաչատրյան»-ում ֆրանսիացի հայտնի երգչուհի Նատալի Լեռմիտի կատարմամբ կհնչեն Էդիտ Պիաֆի երգերը՝ մեր Ֆիլհարմոնիկի ուղեկցությամբ՝ https://tinyurl.com/3wwn6fnv

🖼️ Մեկ այլ տաղանդավոր ֆրանսիացի՝ համադրող, փորագրանկարչության վարպետ Ժան-Պիեր Տանգին էլ է Երևանում. weekend-ին կներկայացնի իր արվեստը՝ https://tinyurl.com/93tjfb3u

🤌🏻 Վերջում էլ, եթե դուք էլ եք ուզում միշտ պատրաստ լինել «դու լա՞վ տղա ես», «մա՞խ ես, թե՞ գաղափար», «գտե՞լ ես ճիշտդ» և այլ նման դարակազմիկ հարցերին, մայիսի 7-ին գնացեք «Քրեական («գողական») խոսվածքի բացատրական բառարան» գրքի հեղինակ Աղասի Թադևոսյանի բանախոսությանը՝ https://tinyurl.com/4ej4up8j