🚀 #իվենթաPAN (128)
🎧 Այս անգամ ականջահաճո համերգի փոխարեն ավելի ակնահաճո տեսանյութ ենք բերել՝ Victoria’s Secret-ի այս տարվա ցուցադրությունը։ 6 տարվա դադարից հետո բոլորի շատ սիրելի շոուն՝ իր հին ու նոր «հրեշտակներով», կրկին վերադարձել է՝ ազդարարելով էսթետիկայի հաղթանակը տոլերանտության նկատմամբ։ Չնայած այս անգամ հանդուրժողականության տարրեր ևս գումարվել են. «հրեշտակների» շարքերում ստանդարտ 90-60-90-ների կողքին կային նաև ավելի փարթամ ֆորմաների՝ plus size մոդելներ, ավելի տարիքով` ևս, օրինակ՝ 50-ամյա Թայրա Բենքսը, ով այդ բեմում մոտ 20 տարի առաջ էր, և 50-ամյա Քեյթ Մոսը, ում համար սա առաջին հրեշտակային ցուցադրությունն էր, ինչպես նաև մեկ տրանսգենդեր մոդել։ Բայց բոլորի սիրելիները, իհարկե, Հադիդ քույրերն էին, Ադրիանան, Ալեսսանդրան և Իրինան։ Ի դեպ, 78-ամյա Շերն էլ էր մասնակցում՝ երգում էր՝ https://youtu.be/A8n9wf0R1xo
Ուր գնալ, ինչ անել՝ Իդրամի հետ
🐾 «Ախպեր, կարո՞ղ ա էս տավարը մեզ կծի-մծի» հարցը գուցե շուտով կրկին ակտուալ դառնա Հայաստանում, ու ոչ թե «Կարգին մուլտերի» շրջանակում, այլ ռեալ կյանքում, եթե մեր փողոցներում էլ հայտնվեն կվադրոբերները։ Այս թեմայով քննարկումները վերջերս այնքան ակտիվ են, որ նույնիսկ հասել են ԱԳՆ մակարդակի. կարծես, Լավրովն ու Միրզոյանն այլ քննարկելու հարց չունեն, բոլոր «պարերը պարել էին», մնացել էր միայն կվադրոբիկայի հարցը քննարկել Մոսկվայում։ Մեր երկրում այս երևույթը դեռևս քննարկվում է սոցցանցերում մեմերի ու հումորների մակարդակով, բայց, իմանալով ՌԴ-ից ամեն հիմարություն տուն քարշ տալու հանդեպ մեր սերը, не за горами այն պահը, երբ մեր բակերում էլ «զակլադկա» փնտրող պատանիներին կփոխարինեն փիսիկի և շունիկի ձևեր անող պատանիները։ Ուստի PAN-ը որոշել է մի պահ շեղվել #PANDiddy շարքից և պատմել այս ամենի մասին՝
📖 lav.pan.am/quadrobics
🎶 Ամեն դեպքում, ձեր երեխաներին հեռու պահեք ցանկացած կասկածելի երևույթից. փոխարենն ավելի լավ է հոկտեմբերի 21-ին գնացեք` վայելելու «Սիմֆոնիկ մուլտֆիլմեր» համերգը՝ https://tinyurl.com/4mapyw6m
🎙️ Իրենց եթե ոչ մանկությունը, ապա պատանեկությունը հիշելու հնարավորություն ունեն նաև մեծերը. ամսի 18-ին Թոնլաբում 90/2000-ականների ռեփ ու ռոք է հնչելու՝ տեղափոխելով ներկաներին ցածր գոտկատեղով տաբատների ու փայլուն բանդանաների անճաշակ ժամանակաշրջան՝ https://tinyurl.com/5ea33t6p
🎵 Իսկ «Ուլիխանյանում» շաբաթ օրը կարելի է գնալ էլ ավելի հետ՝ սովետական անցյալ, և լսել սովետական կոմպոզիտորների երգերն ու երաժշտությունը՝ ArmStrong Dixie-ի կատարմամբ՝ https://tinyurl.com/3zc6jajz
🎤 Նույն վայրում ամսի 22-ին ելույթ կունենա սիրված Վահագն Հայրապետյան տրիոն՝ https://tinyurl.com/bd5k9ycf
🎹 Հայրապետյանը՝ արդեն առանց տրիոյի մյուս անդամների, բայց դաշնակահար Կարեն Գրիգորյանի հետ ելույթ կունենա «Առնո Բաբաջանյանում»` ամսի 23-ին՝ https://tinyurl.com/mr4xu8k6
🎻 Նույն վայրում երկուշաբթի օրը կկայանա նաև աշխարհահռչակ թավջութակահար, կոմպոզիտոր և վոկալիստ, 37 լեզվով երգող Յան Մաքսինի համերգը՝ https://tinyurl.com/59wj7v28
🎸 Իսկ այդտեղից ոչ հեռու՝ Hard Rock-ում, հոկտեմբերի 23-ին համերգ ունի Project LA-ը, որի ֆրոնտմենը Գոռ Սուջյանն է՝ https://tinyurl.com/nhbrjvuk
🛒 Անցնենք այլ միջացառումների. ի՞նչ շաբաթ առանց փառատոների, այս անգամ խոսքը ArmProd EXPO 2024-ի մասին է, որի շրջանակում կանցկացվի էլ գարեջրի, էլ չրերի, էլ պանրի փառատոն՝ https://tinyurl.com/b4uwazbh
📽️ Հոկտեմբերի 21-24-ը կարող եք մասնակցել ՄարԱնիի` ՌեԱնիմանիա անիմացիոն կինոփառատոնի արտադրական հարթակի ֆորումի աշխատանքներին՝ միջազգային անիմատորների և պրոդյուսերների հետ՝ https://tinyurl.com/muw7ew9v
🥋 Եվ վերջում` մի հետաքրքիր միջոցառում՝ ՀԿԿՖ-ի ամենամյա «Սամուրայ» առաջնությունը. սա, իհարկե, կարատեի առաջնություն է, բայց հույսներս չենք կորցնում, որ այն անանունի՝ թրով և ճապոնական քֆուրների սիրահար «սամուրայ» ամուսինը ևս կմասնակցի՝ https://tinyurl.com/4hcddxbz
📢 Մենք էլ՝ Իդրամի հետ միասին, հիշեցնում ենք, որ ցանկացած միջոցառման տոմս՝ լինի դա համերգ, օպերա թե ստենդափ, այժմ կարող եք ձեռք բերել մի հպումով` այստեղից
#իվենթաPAN-ի նախորդ թողարկումը կարող եք կարդալ այստեղ՝
🚀 #իվենթաPAN (N127)
📭 Իսկ շաբաթվա լավագույն իվենթների մասին կարելի է իմանալ առանց ՖԲ մտնելու. պարզապես բաժանորդագրվեք ու ստացեք մեր #լավPANեր-ը հենց ձեր էլ․փոստին՝ https://pan.am/luvpan