🚀 #իվենթաPAN (131)
🎧 Այն հավես պահը, երբ տարիներ առաջ ձեր գյուղից կռվով-դավով տեղափոխվել ես քաղաք, համագյուղացիներդ էլ ասում էին, որ ձեռքիցդ բան չի գալիս, ու քաղաքում սովից զկռտալու ես, բայց այսօր առաջին անգամ հետ ես գնում ձեր գյուղ՝ հաղթական ժպիտը դեմքիդ, լավագույն շորերդ հագիդ, բոլոր ունեցած զարդերդ վրադ ու հարևան Վարդուշից երկու օրով վերցրած ոսկեպատ ապարանջանը ձեռքիդ, թագավորական կեցվածքով մտնում ես գյուղ, ու թո՛ղ նախանձից «տրաքվեն» համագյուղացիներդ։ Գրեթե այսպիսի տեսք ունեն այս նկարում Ջեքսոնը, Մըրֆին և Իմանը։ Սա Ջեքսոնի ամենաերկակի տեսահոլովակներից է՝ մոտ 10 րոպե տևողությամբ, որն արտիստն անվանում էր կարճամետրաժ ֆիլմ։ Հեռավոր 1992-ի համար նման մոտեցումը բացառիկ էր ու հետաքրքիր, այն յուրահատուկ է նաև այսօր, ուստի արժե դիտել՝ https://youtu.be/LeiFF0gvqcc
Ուր գնալ, ինչ անել՝ Իդրամի հետ
👨🏻🦰 Մինչ կինոյում՝ հատկապես Netflix-ի ֆիլմերում և սերիալներում կյանքը կանանց ձեռքերում է և սևամորթ կինը կարող է հաղթել բոլորին, իրական կյանքում ամեն ինչ մի փոքր այլ է։ Գուցե ամերիկացիները հոգնել են այդ տենդենցներից, գուցե փոխվել են նրանց արժեքները, գուցե պարզապես որոշել են ընտրել այն մարդուն, ով իրենց համար ավելի ականջահաճո խոստումներ է տալիս, կամ, գուցե, շատ են հոգնել «նախկիններից», փաստն այն է, որ այսօր այդտեղ հաղթել է ավելի «գոռվարդանյանական իրականությունը»՝ ի դեմս սեքսիստ, կոպիտ, մասկուլինային ու քֆուրչի Դոնալդ Թրամփի։ Ու չնայած այս օրերին հայկական սոցցանցային տիրույթում այդ թեմայով քննարկումների պակաս չկա, PAN-ը որոշել է մի լոնգրիդ էլ իր կողմից ավելացնել, ի վերջո, ինչո՞ւ ոչ՝
📖 lav.pan.am/donaldtrump
👨🏻🎤 Նոյեմբերի 10-ին Համալիրում մեծ համերգ է տալու Աբրահամ Ռուսոն՝ մարդ, ով, գտնվելով տարբեր երկրներում, ըստ իրավիճակի կարողանում է մոտն այդ ազգությունների արմատներ գտնել՝ https://tinyurl.com/3dwwv5uu
🎶 Բայց, իհարկե, այդ օրը կա ավելի լավ այլընտրանք՝ ToneLab-ում TIEZERK-ն ու Rozen Tal-ը համատեղ ելույթ կունենան՝ https://tinyurl.com/7mptcrct
🎸 Նույն վայրում ամսի 14-ին տեղի կունենա Curse of Death մետալ համերգը. կարճ ասած՝ բեմում լիքը satanistner են լինելու՝ https://tinyurl.com/mrx27tp4
🎵 Եթե ռոքը և մետալը ձեր թեման չեն, այդ օրը Hard Rock Cafe-ում կարող եք վայելել ֆանկ՝ Ամիրյան Միշի կատարմամբ՝ https://tinyurl.com/52xdx82s
🎛️ Իսկ ռեյվի սիրահարներն այս շաբաթ մեծ ընտրություն ունեն. կարող են գնալ TheOffice և վայելել երեք հարթակով հագեցած clubnight-ը՝ https://tinyurl.com/bdhpd6v2
🎚️ Կամ գնալ «Հայֆիլմ» և վայելել MOCT-ի իվենթը, որի հեդլայները Vlada-ն է՝ https://tinyurl.com/43ctta98
🤗 Կամ էլ շաբաթ օրը գնալ Rambalkoshe, շնորհավորել նրանց 8-ամյակը և ամբողջ օրն ինչ-որ խառը բաներ անել՝ երաժշտություն լսել, ընթրել, նստել կրակի մոտ, շփվել, խելացի դեմքով ցուցահանդեսներ նայել` https://tinyurl.com/yc349cys
🎷 Իր ծնունդն է նշելու նաև Ուլիխանյանը, ուստի ամսի 14-ին կարող եք գնալ և վայելել ջազ ակումբի լավագույն ռեզիդենտների ելույթները՝ https://tinyurl.com/mrrx85j9
🎙️ Իսկ այս կիրակի այնտեղ համերգ կտա Արցախի պետական ջազ նվագախումբը, որի համերգները բաց թողնել չարժե՝ https://tinyurl.com/338y8xtm
🫓 Ի դեպ, քանի խոսք գնաց Արցախից. այս կիրակի Common Ground-ում Արցախյան սննդի մարկետ է գործելու՝ ժենգյալով հացով, կուրկուտով և ավանդական այլ ուտեստներով՝ https://tinyurl.com/mry86tyw
🏦 Եվ վերջում` մի ցուցադրության մասին. այս շաբաթ Ջոտտոյի թանգարանում (որտեղ, վստահ ենք` շատերդ չեք եղել) ավարտվում է օֆորտի մեծ վարպետներ Էդգար Շահինի և Տիգրան Փոլադի լավագույն աշխատանքների ցուցադրությունը, հասցրեք դիտել` https://tinyurl.com/mwjadmpp
📢 Մենք էլ՝ Իդրամի հետ միասին, հիշեցնում ենք, որ ցանկացած միջոցառման տոմս՝ լինի դա համերգ, օպերա թե ստենդափ, այժմ կարող եք ձեռք բերել մի հպումով` այստեղից
#իվենթաPAN-ի նախորդ թողարկումը կարող եք կարդալ այստեղ՝
🚀 #իվենթաPAN (N130)
📭 Իսկ շաբաթվա լավագույն իվենթների մասին կարելի է իմանալ առանց ՖԲ մտնելու. պարզապես բաժանորդագրվեք ու ստացեք մեր #լավPANեր-ը հենց ձեր էլ․փոստին՝ https://pan.am/luvpan