🚀 #իվենթաPAN (140)
🎧 Լուսանկարում Արիանա Գրանդեն է. վերջին շրջանում երգչուհու արտաքինն ակտիվորեն քննարկվում է սոցցանցերում, նրան քննադատում են չափազանց նիհար լինելու համար և ասում, որ ակնհայտ անառողջ տեսք ունի։ Մենք չգիտենք՝ ինչն է երգչուհու արտաքինի փոփոխության պատճառը՝ թանկացումների տակ ճռռացող ու գոտիները ձգել ստիպված հայերի հետ սոլիդարությունը, որևէ առողջական խնդիր, թե պարզապես ավելի նիհար լինելու ցանկություն, բայց համարում ենք, որ Արիանան ամեն կերպ գեղեցիկ է։ Հեռավոր 2017-ին երգչուհին ուժեղ սթրես է ապրել, երբ Մանչեսթերի նրա համերգի ընթացքում ահաբեկչություն է կազմակերպվել, որի հետևանքով մահացել է 23 մարդ։ Ահաբեկչությունից մի քանի օր անց երգչուհին բարեգործական համերգ է տվել՝ One Love Manchester, որին մասնակցել են նաև այլ հայտնիներ՝ Բիբերը, Փերին, Սայրուսը և այլոք՝ https://youtu.be/YdfmRICroPw
Ուր գնալ, ինչ անել՝ Իդրամի հետ
🎥 «Ամեն ինչ նույնն ա, մենակ թղթաբանությունն ա շատացել». մի 18+ անեկդոտից հայտնի այս նախադասությամբ կարելի է կարճ ու շատ դիպուկ նկարագրել ՀՀ քաղաքացիներին սպասող բոլոր փոփոխությունները։ Միջին վիճակագրական հայը կարող է հիմա գլուխ գովալ, որ ապրում է Դեյվիդ Լինչի ֆիլմերի իրականությունում՝ սյուրռեալիզմ, աբսուրդ, միստիկա, նուար և սարսափ, մեր դեպքում՝ բյուրոկրատական։ Միջին վիճակագրական հայի գլխին այժմ այնքան նոր ինֆորմացիա է թափվել, որ չենք պատկերացնում՝ ինչպես պիտի տակից դուրս գան սոցցանցերում առաջին տողով նշված գնով ապրանքի տակ gine նորից հարցնող մարդիկ. տրանսպորտի համար մի տեղ գրանցվել, եկամուտ հայտարարագրելու համար մեկ այլ տեղ գրանցվել և լիքը փաստաթղթեր ուսումնասիրել ու լրացնել, պատմությունը լինի հայոց, թե՞ Հայաստանի, «ազգային-պետական» բաթլը՝ մի կողմից, ամեն ոլորտում թանկացումները՝ մյուս… Այս ամենի մեջ ուզում ես մի պահ կտրվել և պարզապես կարդալ օրերս կյանքից հեռացած Լինչի մասին՝ հասկանալով, որ նրա ստեղծած իրականությունն ավելի դրական էր՝
📖 lav.pan.am/lynch
🎛️ Սկսենք ամենաթռիվռի, բայցև ամենաարքայական միջոցառումից՝ Princess Diaries-ի 4-ամյակի իվենթից. իսկ դա նշանակում է, որ պետք է հանել պահարանի մի անկյունում պահված փայլուն և փետրավոր շորիկները, թափ տալ դրանց և ձեր վրայի փոշին ու հունվարի 25-ին գնալ «Հայֆիլմ»՝ https://tinyurl.com/26hhdhtt
🎹 Եթե էլեկտրոնայինը ձեր թեման չէ, և դուք ավելի շատ «ռոքեր» եք, այս ուրբաթ գնացեք «Առնո Բաբաջանյան» համերգասրահի ներքնահարկ՝ լսելու համաշխարհային ռոք խմբերի հայտնի գործերի դաշնամուրային մշակումները՝ https://tinyurl.com/326z2r69
🤘🏻 Իսկ եթե դա ձեզ համար չափազանց «փափուկ» տարբերակ է, և նախընտրում եք երաժշտության միջոցով վերակենդանացնել միջնադարյան մի որևէ դևի հոգին, շաբաթ օրը ToneLab-ում ձեզ սպասում են մետալ համերգի՝ https://tinyurl.com/3b9sc69p
🎶 Երաժշտության տակ էներգիա ծախսելու փոխարեն այն կուտակել նախընտրողների համար Կամերային երաժշտության տանն այս շաբաթ կլինի երգեհոնային համերգ՝ մուշ-մուշ կքնեք՝ https://tinyurl.com/bdfrshty
🎙️ Նույն վայրում ամսի 30-ին կհնչի հայ հոգևոր և աշխարհիկ երաժշտություն. ծրագրում՝ Կոմիտաս, Նարեկացի և այլն՝ https://tinyurl.com/mw7d4dmp
🎤 Հոգեօրոր երգեր և լիրիկա կարող եք վայելել նաև ամսի 29-ին՝ Hard Rock Cafe-ում, որտեղ համերգ կտա Գոռ Սուջյանի Project LA-ը՝ https://tinyurl.com/49hyhz6a
🎻 Նույն օրն ավելի աշխարհիկ՝ մանսուրյանական տրամադրություն է տիրելու «Արամ Խաչատրյանում». մեծ կոմպոզիտորի կինոերաժշտությունը կհնչի սիմֆոնիկ նվագախմբի մեկնաբանությամբ՝ https://tinyurl.com/mwwa737y
🎸 Իսկ կիթառի ակորդների տակ կյանքից անշտապ բողոքողների համար դեկտեմբերի 30-ին Տիկնիկայինում կլինի բարդերի համերգ, բարեգործական՝ https://tinyurl.com/uxjrysmp
🎷 Վերջում էլ անցնենք ջազի. քաղաքի ամենառոքային վայրում՝ Stop Club-ում, հունվարի 26-ին նվագելու են հայտնի ջազ երաժիշտներ՝ https://tinyurl.com/yxhfs684
🎵 Ջազի օրրան «Ուլիխանյանում» էլ ամսի 28-ին Չիկոյի հիշատակի օրն է, հարգանքի տուրքը նվագելով մատուցելու է նրա ընկեր Վահագն Հայրապետյանը՝ https://tinyurl.com/483zzenk
📢 Մենք էլ՝ Իդրամի հետ միասին, հիշեցնում ենք, որ ցանկացած միջոցառման տոմս՝ լինի դա համերգ, օպերա թե ստենդափ, այժմ կարող եք ձեռք բերել մի հպումով` այստեղից
#իվենթաPAN-ի նախորդ թողարկումը կարող եք կարդալ այստեղ՝
🚀 #իվենթաPAN (N139)
📭 Իսկ շաբաթվա լավագույն իվենթների մասին կարելի է իմանալ առանց ՖԲ մտնելու. պարզապես բաժանորդագրվեք ու ստացեք մեր #լավPANեր-ը հենց ձեր էլ․փոստին՝ https://pan.am/luvpan