🚀 #իվենթաPAN (141)
🎧 Լուսանկարում բելգիացի երգիչ Stromae-ն է, երբ երևանյան ավտոբուսում փորձել է վճարել քարտով, վճարումը չի անցել, իսկ հետո եկել է տուն ու պարզել, որ քարտից միանգամից 5 ուղեվարձի գումար է քաշել։ Իր երգերում հաճախ սոցիալական խնդիրների, կյանքի դժվարությունների և անարդարությունների մասին բարձրաձայնող Stromae-ն բացառիկ արտիստ է. նրա երգերը շատ բան են փոխել մարդկանց գիտակցության մեջ՝ ստիպելով այլ կերպ նայել որոշ հարցերի կամ վերանայել վերաբերմունքն իրենց և այլոց հոգեկան առողջությանը։ Մի այդպիսի Stromae մեզ էլ չէր խանգարի՝ մեր հասարակության խորքային խնդիրները բարձրաձայնելու համար։ Արտիստը նաև յուրահատուկ շոու ծրագրերով է հանդես գալիս՝ հասցնելով բեմում մարմնավորել տարբեր կերպարների։ Նրա վերջին տարիների համերգներն իսկական մշակութային իրադարձություններ են։ Վայելեք դրանցից մեկը՝ https://youtu.be/l5WgAr4B8Vo
Ուր գնալ, ինչ անել՝ Իդրամի հետ
🦫 Բազում տարիներ առաջ մի հաջողակ տղամարդ արել է այն, ինչի մասին այսօր աշխարհում տասնյակ հազարավոր մարդիկ են երազում՝ «հաճույքով» թքել է Մարգարիտա Սիմոնյանի դեմքին։ Այդ ոչ հաճելի գործողությանը «հաճույքով» որակումը հենց ինքը՝ Սիմոնյանն է տվել, երբ մի քանի տարի առաջ որոշել է տելեգրամյան իր ալիքում պատմել իր կյանքի այս ուշագրավ դրվագի մասին։ Տեքստի կառուցվածքից անգամ մի քիչ տպավորություն էր ստեղծվում, որ Կրեմլի խոսափողը հպարտանում է այդ փաստով, վստահ ենք, որ թքող տղամարդը ևս ինչ-որ տեղ հպարատանում է դրանով, բայց լուռ։ Սիմոնյան-Քեոսայան հայկական արմատներով զույգը վաղուց իր տեղն է զբաղեցրել ռուսական քարոզչամեքենայի ղեկի մոտ. կինը լուրերն է կարում-ձևում, ամուսինը՝ ֆիլմերը։ Երկուսով կպած են պետական բյուջեի ծծակից և գոհ են կյանքից, առնվազն մինչև վերջերս գոհ էին, բայց այսօր Տիգրան Քեոսայանը կոմայի մեջ է, և Սիմոնյանը խնդրում է աղոթել նրա կյանքի համար։ PAN-ը պատմում է Պուտինի սիրելի և ՀՀ-ում persona non grata ճանաչված զույգի անցած ուղու մասին՝
📖 lav.pan.am/bobyorbobrixa
🎛️ Բրեյքբիթ ժանրի սիրահարների շարքերում իրարանցում է՝ վերջապես Հայաստան է գալիս Cyan85-ը. գերմանացի արտիստին կարող եք լսել ամսի 1-ին «Հայֆիլմում»՝ https://tinyurl.com/49v6epn3
🎚️ Նույն օրն իվենթ ունի նաև Rambalkoshe-ն. Woods Center-ի անտառային միջավայրում ամբողջ գիշեր կնվագի «բոլորի լավ ընկեր» Daao-ն՝ https://tinyurl.com/y3ebywwn
🔊 Իսկ եթե հավես չունեք տարբեր խճուղիներով հասնել քաղաքի տարբեր ծայրեր, հենց Երևանի կենտրոնում՝ ՊԷՈՒ-ում այդ օրը կարող եք վայելել տարբեր արտիստների նվագը և Kap-ի ցուցահանդեսը՝ https://tinyurl.com/y67xbuse
👨🏿🎤 Եթե էլեկտրոնային երաժշտության հանդեպ անտարբեր եք, բայց կորցնում եք տիրապետումը հիփ-հոփի թիփերի տակ, շաբաթ օրը ձեզ սպասում են ToneLab-ում, որտեղ օլդ-սքուլ հիփ հոփի ընտրված թրեքեր են հնչելու վինիլներով՝ https://tinyurl.com/yc5fymwh
🤘🏻 Էլեկտրոնայինն ու ռեփը «թույլերի երաժշտություն» համարողների ու «հոգին Լյուցիֆերին վաճառածների» համար Zhesht-ենք հատուկ բերում են Marduk բլեք մետալ խումբը. բոլոր սիրահարներն ու նրանց վառել ցանկացողները փետրվարի 4-ին կհավաքվեն Տիկնիկայինի մոտ՝ https://tinyurl.com/4sxavvd8
🎸 Իսկ ամսի 6-ին պրոգրեսիվ ռոք կհնչի Hard Rock-ում, որտեղ այդ օրը կնվագի միանգամից երեք հայկական խումբ՝ https://tinyurl.com/mjtjemre
🎼 Ուրբաթ երեկոն հանգիստ միջավայրում անցկացնել սիրողներն իրենց տեղը կգտնեն Կամերային երաժշտության տանը, որտեղ կհնչեն հայ և շվեյցարացի մեր օրերի կոմպոզիտորների ստեղծագործությունները՝ https://tinyurl.com/4s3dkw27
🎶 Կիրակին էլ կարելի է անցկացնել «Ուլիխանյանում», որտեղ իրենց նախագարնանային երգը կկապեն Վահագն Հայրապետյանի «Կատուները»՝ https://tinyurl.com/bdh4uzb9
💃🏻 Պարել չսիրող, բայց այլոց պարը դիտել սիրող «պարային վուայերիստների» համար ևս կան լավ լուրեր՝ «Բարեկամություն» պետական անսամբլն ամսի 1-ին կմեկնարկի իր համերգաշրջանը՝ https://tinyurl.com/ewce5dfe
🎭 Իսկ եթե հոգնել եք իրական կյանքում տրանսպորտի գների շուրջ ծավալվող կատակերգությունից, փետրվարի 1-ին կարող եք գնալ Պարոնյանի անվան թատրոն՝ «Իմ կինը, Ձեր ամուսինը և քաղաքապետի օգնականը» մեկ գործողությամբ կատակերգությունը դիտելու՝ https://tinyurl.com/3fxan4e8
📢 Մենք էլ՝ Իդրամի հետ միասին, հիշեցնում ենք, որ ցանկացած միջոցառման տոմս՝ լինի դա համերգ, օպերա թե ստենդափ, այժմ կարող եք ձեռք բերել մի հպումով` այստեղից
#իվենթաPAN-ի նախորդ թողարկումը կարող եք կարդալ այստեղ՝
🚀 #իվենթաPAN (N140)
📭 Իսկ շաբաթվա լավագույն իվենթների մասին կարելի է իմանալ առանց ՖԲ մտնելու. պարզապես բաժանորդագրվեք ու ստացեք մեր #լավPANեր-ը հենց ձեր էլ․փոստին՝ https://pan.am/luvpan