🚀 #իվենթաPAN (142)
🎧 Լուսանկարում ամերիկացի երիտասարդ փոփ երգչուհի Սաբրինա Քարփենթերն է այն բանից հետո, երբ մի քանի օր շարունակ հայ կանանց խմբերում կարդացել է անանունները, հիասթափվել աշխարհի բոլոր տղամարդկանցից (և նրանց մայրերից) ու վստահ որոշել, որ այս մոլորակի վրա զույգ գտնել անհնար է, ավելի լավ է այլմոլորակայինի հետ կյանքը կապել, ցանկալի է՝ որբ այլմոլորակայինի, որպեսզի սկեսրոջ խնդիրներ չլինեն։ Այս տարվա Գրեմմից Սաբրինան տուն տարավ միանգամից երկու մրցանակ՝ լավագույն փոփ ալբոմի և լավագույն սոլո փոփ կատարման համար։ Առաջարկում ենք ծանոթանալ նրա ստեղծագործությանը, եթե մինչ օրս չէիք լսել. անցած տարի երգչուհին մեծ շրջագայություն է ունեցել, և շատ ստացված՝ https://youtu.be/gH8B1nQ0rO8
Ուր գնալ, ինչ անել՝ Իդրամի հետ
👩🏻🎤 Մինչ աշխարհը պատրաստվում էր երաժշտական ոլորտի գլխավոր մրցանակաբաշխությանը՝ Գրեմմի 2025-ին, մեր արդեն նախկին փեսա Քանյե Ուեսթն իր նոր հարսի հետույքով փորձեց բոլորին լավություն անել՝ բառի բուն իմաստով, ի ցույց դնելով այն ամբողջ աշխարհին։ Ու թեև քննադատողները քիչ չէին և նույնիսկ ասում են, թե զույգն իր մերկ փերֆորմասից հետո ստիպված եղավ ներկայանալ ոստիկանության բաժին՝ բացատրություն տալու, այնուամենայնիվ, անվիճելի է, որ Բյանկա Ցենսորիի ցենզուրայից դուրս բարեմասնություններն այս տարվա Գրեմմիի ամենաքննարկվող և Բեյոնսեի հաղթանակից ոչ պակաս (անգամ՝ ավել-պակաս) կարևոր մասն էին։ Եվ քանի ֆեմինիստները տեղին բողոքում են կնոջ օբյեկտիվիզացիայից, իսկ տղամարդիկ շնորհակալություն հայտնում Քանյեին՝ այդպիսի «ծիծիկ» նվերի համար, PAN-ը, տեսնելով այդ մերկությունն ու չգայթակղվելով, որոշել է պատմել այս տարվա Գրեմմիի այլ կարևոր իրադարձությունների մասին ևս՝
📖 lav.pan.am/2025grammys
🎼 Այսքան ոչ հայեցի ինֆորմացիայից հետո մարդու սիրտը հայրեններ է ուզում՝ սիրո, պանդխտության և լուսնյակ գիշերների մասին, а не вот это вот все. փետրվարի 7-ին Կամերային երաժշտության տանը կարող եք լսել Մանսուրյանի ստեղծագործությունները՝ https://tinyurl.com/bunj99fj
🎹 Նույն վայրում հաջորդ օրը ևս կարող եք մաքրել ձեր հոգին և միտքը՝ ունկնդրելով երգեհոնային երաժշտություն՝ https://tinyurl.com/yc2adna3
🎵 Իսկ ամսի 13-ին Կամերայինում ելույթ կունենա «Տաղարան» համույթը՝ մեծ ծրագրով՝ https://tinyurl.com/8uexrccf
🎤 Փետրվարի 9-ին «Արամ Խաչատրյանում» համերգ կտան Արամոն և Էմմա Պետրոսյանը. դուետը վաղուց ելույթ չի ունեցել, իսկ այդ օրը նրանց կմիանան նաև հին լեգենդներ, անգամ` Մալխասը՝ https://tinyurl.com/3m89zkwj
🥹 Քանի խոսք գնաց հնի մասին, ToneLab-ում այս շաբաթ օրը որոշել են վերադառնալ 90-ականներ՝ MTV-ի, МузТВ-ի ու Դար21-ի շրջան, երբ բոլորս երիտասարդ էինք, հագուստն ահավոր էր, բայց երաժշտությունը՝ հրաշալի՝ https://tinyurl.com/38bc3zda
🎶 Նույն օրը Բիթլզի սիրահարները հաստատ կգնահատեն «Ուլիխանյանում» Դեյվ Գեոդակյանի բենդի ելույթը՝ հայտնի լիվերպուլյան քառյակի գործերը ջազային մատուցմամբ՝ https://tinyurl.com/bp7aw4zr
🎷 Իսկ ամսի 13-ին հայ ժամանակակից ամենահայտնի ջազ երաժիշտները կհավաքվեն նույն վայրում՝ հարգանքի տուրք մատուցելով ամերիկացի ջազմեն Ուեյն Շորթերին՝ https://tinyurl.com/8a4ay5bu
💃🏻 Պարել չսիրող, բայց այլոց պարը դիտել սիրողների համար էլ կա լավ նորություն՝ Հայաստանի պարի պետականն ամսի 11-ին գունավառ և շքեղ համերգով կմեկնարկի 67-րդ համերգաշրջանը՝ https://tinyurl.com/y8hrdrm8
🔥 Իսկ եթե, այնուամենայնիվ, ուզում եք սովորել պարել ազգագրական պարեր, Տյառնընդառաջը լավ առիթ է. կրակի վրայով թռնելու օրը Հրեշտակապետացի բակում վառելու են, պարելու են և տոնելու` https://tinyurl.com/2s4cyumr
🍷 Տյառընդառաջն այս տարի կնշեն նաև Ոսկեվազի գինու գործարանում. Այստեղ արդեն ավանդական խարույկներին ու պարերին կավելանա գինին ու գլինտվեյնի պատրաստությունը՝ https://tinyurl.com/yhnam6ay
😭 Իսկ վերջում լավ նորություն ունենք Զիտայի և Գիտայի պատմության վրա փոքր տարիքում լացածների համար՝ ամսի 7-9 Կինոմոսկվայում Հնդկական ֆիլմերի փառատոն է. բաց մի՛ թողեք, որպեսզի Ռաջը միշտ Կապուր լինի, Ջիմմին էլ միշտ «հաճա», և Ռամը ձեզ օգնական՝ https://tinyurl.com/u7wwvwd9
📢 Մենք էլ՝ Իդրամի հետ միասին, հիշեցնում ենք, որ ցանկացած միջոցառման տոմս՝ լինի դա համերգ, օպերա թե ստենդափ, այժմ կարող եք ձեռք բերել մի հպումով` այստեղից
#իվենթաPAN-ի նախորդ թողարկումը կարող եք կարդալ այստեղ՝
🚀 #իվենթաPAN (N141)
📭 Իսկ շաբաթվա լավագույն իվենթների մասին կարելի է իմանալ առանց ՖԲ մտնելու. պարզապես բաժանորդագրվեք ու ստացեք մեր #լավPANեր-ը հենց ձեր էլ․փոստին՝ https://pan.am/luvpan