🚀 #իվենթաPAN (143)
🎧 Պետք է լինել առնվազն ռեփի կենդանի լեգենդ՝ առանց վախենալու, ամաչելու և վարանելու Փերիս Հիլթոնի ու Բրիթնի Սփիրսի 2000-ականների ոճի հոլիդեյ ջինսով բեմ բարձրանալու համար, այն էլ ինչպիսի բեմ՝ Super Bowl-ի թանկարժեք, հսկայական ու միլիոնավոր մարդկանց աչքերի առջև գտնվողը։ Քենդրիկ Լամարն իրեն այդպիսի բան կարող է թույլ տալ, չէ որ նա այն եզակի ողջ ռեփերներից է, ով անգամ կյանքի օրոք լեգենդ է համարվում։ Օրերս Super Bowl-ի իր ելույթի ընթացքում Լամարը ոչ միայն հասցրեց կատարել իր բոլոր ամենասիրված երգերը, այլև հանդիսատեսին պարգևեց անմոռանալի շոու, որի ամեն հատվածն ինչ-որ թաքնված իմաստ ուներ (Լեդի Գագայի հայկական խմբերի դավադրապաշտ-ֆանատների ականջը կանչի)։ Շոուն իրենց ներկայությամբ զարդարեցին նաև երգչուհի SZA-ն, մեր ուժեղ հարս Սերենա Ուիլյամսը և Սեմյուել Լ. Ջոքսոնը. ի դեպ, քեռի Սեմն արդեն 76 տարեկան է, motherf***er՝ https://youtu.be/KDorKy-13ak
Ուր գնալ, ինչ անել՝ Իդրամի հետ
👥 Այս վալենտինա-գրքախառը թոհուբոհի մեջ դժվար է կողմնորոշվել, թե ինչ անել weekend-ին՝ երիկամի գնով սեղան ամրագրել որևէ թրենդային ժամանցի վայրում, գտնել առանց մուտքավճարի պակաս թրենդային վայրեր, գնալ գրքային փառատոների ու խելացի ձևանալ կամ, իսկապես խելացի լինելով, զեղչերով բազում լավ գրքեր գնել, թե, այնուամենայնիվ, փաթաթվել փափուկ պլեդով, հարմարվել բազմոցին և ինչ-որ հաճելի սերիալ դիտել՝ խելագարված ամբոխներից, խցանումներից և մեծ ու անճաշակ Թեդդի արջուկներից հեռու։ PAN-ն առաջարկում է կտրվել այս դարդերից և կարդալ մի սովորական ամերիկացու դարդի մասին, որը մի քանի տարի շարունակ փորձում էր ապացուցել, որ նա նա է, որ նրա ինքնությունը գողացել են, որ նա խելագար չէ, և որ ճշմարտությունը կարևոր է։ Կաֆկայական այս պատմությունը, գուցե, շուտով նեթֆլիքսյան որևէ ֆիլմի սցենարի հիմքում ընկնի, իսկ մինչ այդ դուք կարող եք ծանոթանալ Ուիլյամ Վուդսի կյանքի և դրանից գողացված 36 տարվա պատմությանը՝
📖 lav.pan.am/stolenidentity
📚 Գիրք նվիրելու օրվան ընդառաջ Newmag-ն ամսի 16-ին Գրքի և արվեստի փառատոն է կազմակերպում, որտեղ կարող եք ոչ միայն տարբեր գրքերի շնորհանդեսների մասնակցել, այլև նկարվել Ավետ Բարսեղյանի հետ (և գնել նրա գիրքը, ինչու ոչ)՝ https://tinyurl.com/btk647fk
📖 Շաբաթ և կիրակի օրերին է նաև մեկ այլ գրքառատ իրադարձություն՝ ԿարդաLove գրքի փառատոնը, որի շրջանակում ևս կլինեն շնորհանդեսներ, զեղչեր, քննարկումներ, հեքիաթներ, ներկայացում և ավելին՝ https://tinyurl.com/5n8c9vpm
📓 Նույն օրերին է նաև «Գիրք ու հոգի» փառատոնը, որը կանցկացվի Վերնիսաժում, իսկ այնուհետև ամսի 17-18-ին կտեղափոխվի Նոր գրախանութ՝ https://tinyurl.com/mkyt4s
📗 Գրքային այս տոնական շքերթը փետրվարի 20-ին կհասնի Common Ground, որտեղ կկայանա «Արմկոն 2023» մրցույթի շրջանակում լույս տեսած «Դիցային» ժողովածուի շնորհանդեսը. հայկական առասպելներից ոգեշնչված պատմությունները կարող եք ձեռք բերել այդ օրը՝ https://tinyurl.com/5n663sxd
👨🏻🏫 Եթե այս միջոցառումները ձեզ համար բավականաչափ «գիկային» և «ներդային» չեն, փետրվարի 14-15-ին՝ հենց փափուկ արջուկների և overpriced կոկտեյլների օրերին, Գիտուժն անցկացնում է «Գիտություն և տեխնոլոգիա. Դիմակայելով Հայաստանի մարտահրավերներին» խորագրով համաժողով՝ https://tinyurl.com/469hze77
🎼 Անցնենք երաժշտական միջոցառումների. փետրվարի 14-ին «Արամ Խաչատրյանում», օրվա խորհրդին համապատասխան, տեղի կունենա «Առաջին սիրո երգ» համերգը, որին կհնչեն Բաբաջանյանի անմահ ստեղծագործությունները՝ https://tinyurl.com/3rrv32p5
🤘🏻 «Սիրո երգերի» մասին իրենց պատկերացումներն ունեն ToneLab-ում, որտեղ Վալենտինի օրը ծանր մետալ է հնչելու. աթարին կպնող սիրո համար heavy metal-ն ի՞նչ է, որ՝ https://tinyurl.com/yc72d422
🎤 Ի տարբերություն այդ «ոչ հայեցի» իվենթի՝ Սուրբ Սարգսի օրն «Ուլիխանյանում» կհնչի «հայեցի» ջազ, այն էլ՝ Արցախի պետական ջազ նվագախմբի կատարմամբ՝ https://tinyurl.com/y6kd4xaw
🎶 Նույն վայրում այս կիրակի կարող եք վայելել Ամիրյան Միշի և Նալբանդյան եղբայրների արդեն ավելի քան 15 տարվա գործակցության արդյունքում ծնված Funkabout-ի ելույթը՝ https://tinyurl.com/yj8w76p2
🎹 Իսկ ամսի 18-ին «Ուլիխանյանում» մաքուր ու զուլալ ջազ կհնչի՝ Վահագն Հայրապետյանի տրիոյի մատուցմամբ՝ https://tinyurl.com/nk7j6sz6
🧑🎤 Վերջում էլ հիշեցնենք, որ այս կիրակի Համալիրում «Դեպի Եվրատեսիլ»-ն է, կարող եք կենդանի լսել ու տեսնել տարօրինակ անուններով 12 մասնակցի կատարումները և նույնիսկ ձեր ներդրումն ունենալ Հայաստանի պատվիրակի ընտրությանը` https://tinyurl.com/ce3rm7z3
📢 Մենք էլ՝ Իդրամի հետ միասին, հիշեցնում ենք, որ ցանկացած միջոցառման տոմս՝ լինի դա համերգ, օպերա թե ստենդափ, այժմ կարող եք ձեռք բերել մի հպումով` այստեղից
#իվենթաPAN-ի նախորդ թողարկումը կարող եք կարդալ այստեղ՝
🚀 #իվենթաPAN (N142)
📭 Իսկ շաբաթվա լավագույն իվենթների մասին կարելի է իմանալ առանց ՖԲ մտնելու. պարզապես բաժանորդագրվեք ու ստացեք մեր #լավPANեր-ը հենց ձեր էլ․փոստին՝ https://pan.am/luvpan