🚀 #իվենթաPAN (144)
🎧 Ապագա ունենալու համար շատ կարևոր է հիշել սեփական անցյալը, պատմությունը. այս վեհ միտքը կիրառելի է տարբեր համատեքստերում, բայց այս դեպքում մենք նկատի ունենք Հայաստանի եվրատեսիլյան ճանապարհը։ Ապագան դեռ առջևում է, և ավելի քան երկու ամիս ժամանակ ունենք՝ Պարգի համար անհանգստանալու, նրա վրա մուննաթ գալու կամ պարզապես նրա մասին չհիշելու համար, իսկ մինչ այդ առաջարկում ենք վերադառնալ գրեթե 20 տարի առաջ, երբ տակավին երիտասարդ և ակտիվ Անդրեն իր «շուլալի-շուլալայ»-ով ներխուժեց եվրատեսիլյան բեմ՝ Հայաստանի ու հենց ինքն իր համար բավականին համարձակ կերպարով։ Այս լուսանկարից, ճիշտ է, այնպիսի տպավորություն է, որ Անդրեն շատ դժգոհ է թե՛ ձմեռվա վերջ եկած ձնից, թե՛ արդեն 40 րոպե չեկող ավտոբուսից, թե՛ մշտապես կախող վճարային համակարգից, բայց իրականում այստեղ նա ջահել ու անհոգ է, ինչպես բոլորս 2006-ին՝ https://youtu.be/FbsnjmFk-1s
Ուր գնալ, ինչ անել՝ Իդրամի հետ
👨🏻🎤 Հեռավոր 2006-ին, երբ երկինքն ավելի կապույտ էր, ջուրը՝ ավելի համեղ, օդը՝ մաքուր, իսկ Անդրեի ունքերը դեռ բաժանված չէին իրարից ու մի ամբողջություն էին կազմում, սկսվեց Հայաստանի եվրատեսիլյան ուղին։ Ու սկսվեց բավականին տպավորիչ՝ 8-րդ հորիզոնականից, որը հետագայում, կարծես, նորմա դարձած լիներ մեր երկրի համար, քանի որ մի քանի անգամ կրկնվեց։ Ու թեև ամեն տարի բոլորս ջանասիրաբար համոզում ենք մեր շրջապատին ու հենց ինքներս մեզ, որ այս տարի Եվրատեսիլ չենք նայելու, «ու թո՛ղ կորչի այդ ազգակործան մրցույթը», բայց այս օրերին անգամ ամենաանհավատները մեկ ու մեջ հետաքրքրվում են՝ «հը՞ն, ու՞մ ընտրեցին, ի՞նչ շանսեր կան, էս տարի կրու՞մ ենք»… Դեռ ոչ մի տարի չենք կրել, բայց մենք բարոյական հաղթանակների սովոր ազգ ենք ու չենք հանձնվում։ Այս panread-ով պատմում ենք Հայաստանի եվրատեսիլյան ուղու ամենահիշարժան իրադարձությունների, ամենատպավորիչ ելույթների, ամենաինտրիգային սկանդալների և, իհարկե, այս տարվա մեր պատվիրակ Պարգի մասին, ով, հուսով ենք, «պարգ ու պատվով» կներկայացնի երկիրը՝
📖 lav.pan.am/eurovision25
📚 Երբ դրսում բուք ու բորան է, մարդու սիրտը հարմար անկյուն, փափուկ պլեդիկ, մի բաժակ տաք շոկոլադ ու մի հետաքրքիր գիրք է ուզում. ամսի 22-23-ին այդ ամենը և անգամներ ավելին՝ սթենդափ, երաժշտություն, ֆիլմեր, կարող եք վայելել Վուդս կենտրոնում՝ խորհրդանշական «Բուքուբորան» գրատոնին՝ http://pn.am/an319561
🏂🏻 Եթե երևանյան ձյունը ձեզ քչություն է անում, Ծաղկաձորում դրա պակասը հաստատ չեք զգա. Après Ski իվենթի շրջանակում կարող եք դահուկ ու բորդ քշել, երաժշտություն լսել ու ընդհանրապես քամել լավագույնն այս ձմեռվանից՝ https://tinyurl.com/496d433v
🎛️ Իրենց կոմֆորտն էքստրիմից վեր դասող, բայց ռեյվերից հետ մնալ չուզողների համար փետրվարի 22-ին «Հայֆիլմում» կլինի Stardust-ի հերթական իվենթը՝ այս անգամ բացառապես տեղական լայնափով՝ https://tinyurl.com/4fe6vh9t
🎶 Երաժշտությունն անշտապ ավելի չիլ պայմաններում վայելել նախընտրողներն ամսի 21-ին կարող են գնալ ToneLab, որտեղ վինիլային երեկո է՝ ընտրված երգացանկով՝ https://tinyurl.com/5y62u99f
🤘🏻 Իսկ հաջորդ օրն այդ վայրը լիովին կկերպարանափոխվի՝ վերածվելով դժոխքի կաթսաներից մեկին. ինչպես հասկացաք՝ մետալ համերգ է սպասվում՝ https://tinyurl.com/mvv8d7r3
🎸 Ոչ մետալային, բայց ռոքային տրամադրություն կտիրի այդ օրը Stop-ում, որտեղ ելույթ կունենան այս տարվա Եվրատեսիլին Հայաստանը ներկայացնելուն հավակնող Altsight-ը՝ https://tinyurl.com/3shy9yrp
🎵 Անցնենք ավելի «հայեցի» և ընդունելի երաժշտության՝ ջազի. «Ուլիխանյանում» շաբաթ օրը միանգամից 8 երաժիշտ ելույթ կունենա ArmStrong Dixie-ի խմբի կազմում՝ https://tinyurl.com/mr4damjy
😎 Կիրակի օրը նույն վայրում հարգանքի տուրք կմատուցեն Սթիվի Ուանդերին՝ լավագույնս ներկայացնելով նրա երգերը՝ https://tinyurl.com/3vzwuapa
🐈⬛ Իսկ ամսի 25-ին «Ուլիխանյանում» իսկական նախագարնանային տրամադրություն է՝ «Կատուների» կանչ է լսվելու՝ https://tinyurl.com/2p932uz4
🎙️ Փետրվարի 27-ին «Արամ Խաչատրյան» համերգասրահում կհնչեն մեծն Ազնավուրի երգերը՝ Titiano-ի կատարմամբ, ում «Ազնավուրի ձայն» են անվանում, չգիտենք՝ որքանով է դա այդպես՝ https://tinyurl.com/2s453t2j
📢 Մենք էլ՝ Իդրամի հետ միասին, հիշեցնում ենք, որ ցանկացած միջոցառման տոմս՝ լինի դա համերգ, օպերա թե ստենդափ, այժմ կարող եք ձեռք բերել մի հպումով` այստեղից
#իվենթաPAN-ի նախորդ թողարկումը կարող եք կարդալ այստեղ՝
🚀 #իվենթաPAN (N143)
📭 Իսկ շաբաթվա լավագույն իվենթների մասին կարելի է իմանալ առանց ՖԲ մտնելու. պարզապես բաժանորդագրվեք ու ստացեք մեր #լավPANեր-ը հենց ձեր էլ․փոստին՝ https://pan.am/luvpan