🚀 #իվենթաPAN (145)
🎧 Լուսանկարում Ալլա Պուգաչովայի մասին ֆիլմից կադր է, եթե այդ ֆիլմը նկարահաներ Netflix-ը։ Մենք որևէ խնդիր չենք տեսնում. եթե Աննա Կարենինան կամ միջնադարի բրիտանացի թագուհին կարող է լինել սևամորթ, ի՞նչն է խանգարում Պուգաչովային։ Լավ, հանգիստ թողնենք ռուսական էստրադայի գահընկեց արված և «ինոագենտ» հռչակված պրիմադոննային ու անցնենք ամերիկյան սոուլ և ջազ թագուհիներից մեկին՝ օրերս կյանքից հեռացած Ռոբերտա Ֆլեքին, որին, գուցե, դեմքով ոչ բոլորը ճանաչեն, բայց այ նրա կատարմամբ Killing me softly երգն իր կյանքում գոնե մեկ անգամ լսել է յուրաքանչյուրը։ Երգչուհին ևս մի քանի շատ հայտնի հիթ է ունեցել, կյանքի ընթացքում մի քանի «Գրեմմի» է ստացել, նրա երգերը կատարել են շատ հայտնիներ՝ Էլվիս Փրեսլիից մինչև Սելին Դիոն, իսկ նրա ամենաառաջին հիթն իր ամենաառաջին ֆիլմում է օգտագործել Քլինթ Իսթվուդը։ Վայելեք Ռոբերտա Ֆլեքի կատարումները հեռավոր 1973-ից՝ երգչուհու փայլուն կարիերայի սկզբից՝ https://youtu.be/CrjQ6BAFpn0
Ուր գնալ, ինչ անել՝ Իդրամի հետ
😖 Մի խումբ թայլանդցի կանանց համար իրենց ճամփորդությունը, որը սկսվեց Գառնի-Գեղարդի մոտ ուրախ սելֆիներից, հետո վերածվեց մղձավանջի՝ շարունակվելով Վրաստանի ինչ-որ չոլերում, առանց անձնագրերի, ձվաբջջիջների «ֆերմայում» ու չինական մաֆիայի վերահսկողության տակ։ Սա կարող էր լինել Netflix-ի կամ այլ սթրիմինգային ծառայության ինչ-որ նոր վախենալու սերիալի լարված սյուժե, բայց դա իրականություն է, որը տեղի է ունեցել մեր քթի տակ՝ հարևան Վրաստանում, ու նույնիսկ մի քիչ անցել է մեզ մոտով։ Այս պատմության ինչ-որ առանձին կտորներ գուցե լսած լինեք, թե ինչպես են Վրաստանում հայտնաբերել մի քանի թայլանդցի կնոջ, որոնց հաջողվել է փախչել ձվաբջջիջների դոնորների ֆերմայում գերությունից ու հասնել իրավապահներին։ Ցավոք, 100 թայլանդացի կին դեռ շարունակում է մնալ գերության մեջ Վրաստանի տարածքում, նրանց են փնտրում վրացի ոստիկանները, Ինտերպոլն և թայլանդցի ու չինացի իրավապահները։ Մենք էլ մեր այս panread-ով պատմում ենք այն ամենը, ինչ հայտնի է այս անհավատալի ու սարսափելի պատմության մասին՝
📖 lav.pan.am/trafficking
📚 Արդեն երրորդ շաբաթն է՝ չեն դադարում գրական փառատոները Հայաստանում. մեր ինտելեկտուալ լինելն ընդգծող այս իվենթների շարքին ավելանում է ևս մեկը՝ «Երևանը կարդում է» գրական-երաժշտական միջոցառումը, որը տեղի կունենա մարտի 1-2-ին՝ Ազնավուրի հրապարակում՝ https://tinyurl.com/2hxhetuc
🧑🏻🏫 Մարտի 4-ին էլ Պատմության թանգարանում կարող եք լսել Լոնդոնից ժամանած պատմաբանի դասախոսությունն Անահիտի մասին, նաև տեսնել դիցուհու արձանի մասունքները. ի դեպ, սա վերջին ամիսն է, հետո Անահիտին նորից տանելու են հետ «հորանց տուն»՝ https://tinyurl.com/5junv2mm
🖼️ Քանի թանգարաններից խոսք գնաց, շտապենք հայտնել, որ Սարյանի տուն-թանգարանում մեծ վարպետի ծննդյան 145-ամյակի կապակցությամբ նրա ջրաներկ գործերի ցուցադրությունն է բացվում հենց գարնան առաջին օրը՝ https://tinyurl.com/4jhscs5y
🎿 Նույն օրն Ամասիայում՝ 3 ամիս ուշացմամբ, ձմեռային փառատոն է լինելու. դահուկավազք, սնոուբորդ, սահնակներ, մրցույթներ, երաժշտություն և ձմռանը հրաժեշտ տալու համար ամեն ինչ՝ https://tinyurl.com/3uh6zp2n
🎶 Նախորդ շաբաթվանից մնացած մի իվենթ էլ՝ ToneLab-ի վինիլային երեկոն եղանակային պայմանների պատճառով տեղափոխվել է այս ուրբաթ՝ ձմռան վերջին օրը՝ https://tinyurl.com/5y62u99f
🤘🏻 Ամսի 2-ին այդ վայրում կարող եք լսել Antimatter բրիտանական դարք ռոք նախագծի ելույթը՝ վերջերս շատ ակտիվացած ու դժոխքում իր անձնական կաթսան վաստակած Zhesht Events-ի ջանքերի շնորհիվ՝ https://tinyurl.com/54592cvm
🎷 Անցնենք ջազի. փետրվարի 28-ին Հայաստանի պետական ջազ նվագախումբն իր The Art of Big Band ծրագրով կներկայացնի բիգբենդային արվեստի համաշխարհային և հայկական երկացանկի ստեղծագործություններ՝ https://tinyurl.com/557wbyay
🎤 Մարտի 4-ին էլ «Ուլիխանյանի» բեմը կգրավեն Dialog Project-ի երաժիշտները՝ 7 հոգով՝ https://tinyurl.com/yeua9wnf
🎵 Հին ու բարի ժամանակները կարոտող ու երաժշտության մեջ «դանդաղ արտասահմանյան» ժանրը նախընտրողների սրտիկները կարող են թրթռալ՝ «Դանդաղ արտասահմանյանը» 8 տարեկան է դառնում ու մարտի 7-ին նշելու է ծնունդը՝ https://tinyurl.com/57bnee6j
👨🏻🎤 Իսկ մամայի ընկերուհիների աղջիկներից մամայի ընկերուհիների վերածված օրիորդների ու բալզակյան տարիքի տիկնանց սրտիկները կարող են թրթռալ այլ առիթով՝ Հայաստան է գալիս Վալերի Մելաձեն. ամսի 6-ի լրացուցիչ համերգի տոմսեր դեռ կան՝ https://tinyurl.com/mf5f9bnh
📢 Մենք էլ՝ Իդրամի հետ միասին, հիշեցնում ենք, որ ցանկացած միջոցառման տոմս՝ լինի դա համերգ, օպերա թե ստենդափ, այժմ կարող եք ձեռք բերել մի հպումով` այստեղից
#իվենթաPAN-ի նախորդ թողարկումը կարող եք կարդալ այստեղ՝
🚀 #իվենթաPAN (N144)
📭 Իսկ շաբաթվա լավագույն իվենթների մասին կարելի է իմանալ առանց ՖԲ մտնելու. պարզապես բաժանորդագրվեք ու ստացեք մեր #լավPANեր-ը հենց ձեր էլ․փոստին՝ https://pan.am/luvpan