#իվենթաPAN
March 7

🚀 #իվենթաPAN (146)

🎧 Մարդի ուտ, մարդի ուտ, մարդի ուտ․․․ և եթե հենց այսպես արտասանվող այս մի քանի բառը ձեզ ոչինչ չի ասում, ուրեմն, նախ՝ դուք ձեր կյանքում դեռ չեք հասել իրական ձենի՝ բուդդայականության փոխակերպմանը, ու ձեռք չեք բերել հոգու այն հանգստությունն ու ներդաշնակությունը, որ հատուկ է Էդվարդ Ալեքսանյանին, երկրորդը՝ սրտանց չեք ուրախացել մարտի 8-ին ու չեք վայելել մեր հայրենակցի այս հիանալի կատարումը։ Այսօր՝ իրական «մարդի ուտին» ընդառաջ, մենք ձեզ հնարավորություն ենք տալիս ուղղել այդ սխալն ու վայելել օրվա խորհրդին ամենահամապատասխան՝ ոչինչ չասող այս երգը՝ ամեն ինչ ասող իր բացառիկ հոլովակի ուղեկցությամբ։ Դե ինչ, կանայք, հարսիկներ ու աղջիկներ, ինչպես նաև տատիկներ, մայրիկներ ու քույրեր, ձեր տոնը «շընորհավոր», և թո՛ղ մարտի 8-ը մեր երկրում վերջապես դադարի լինել փունջ նվիրելու ձևական օր ու դառնա հիշեցում՝ հասարակությունում կնոջ անգնահատելի դերի և հավասար իրավունքների անհրաժեշտության համար՝ https://youtu.be/Aw_1nIBrV3g


Ուր գնալ, ինչ անել՝ Իդրամի հետ


🇦🇲 Վերջին օրերին ազգ-փորձագետը նոր զբաղմունք է գտել՝ ազգ-քաղաքագետից և ազգ-ռազմագետից վերածվելով ազգ-կինոքննադատի։ Պատճառն Օսկարն է։ «Անորա» ֆիլմը դեռ Ոսկե Ծիրանի օրերից էր գրավել հայ հանդիսատեսի ուշադրությունը, իսկ «հայեր-ռուս օլիգարխ-ինչ-որ պոռնիկ» համադրությունն ուղղակի չէր կարող անտարբեր թողնել մեր հայրենակիցներին։ Այս օրերին էլ, երբ ֆիլմը միանգամից 5 ոսկե արձանիկ ստացավ, հայերն էլ՝ դրանցից մի քանիսը ձեռքներին հայտնվեցին աշխարհի ամենահայտնի կինոբեմերից մեկում, հայկական սոցցանցերում ցունամիի էֆեկտը սպասել չտվեց՝ հիացմունք, հուզմունք, ուրախություն, հիասթափություն, ամոթանք և հայու սուրբ մուննաթ ու դժգոհություն խառնվել են իրար։ Մենք մեր հերթին շնորհավորում ենք թե՛ հայ դերասաններին, թե՛ ֆիլմի ամբողջ թիմին այս հիանալի հաղթանակի առթիվ և մեր այս panread-ով ուզում ենք պատմել մեր ընթերցողներին Օսկարի հայկական հետքի մասին՝ Ռուբեն Մամուլյանից մինչև Վիլյամ Սարոյան, Շերից մինչև Վաչե Թովմասյան՝
📖 lav.pan.am/armroots


Անցնենք մեր իվենթներին․

💐 Այս ուիքենդի գլխավոր անելիքը պտտվելու է հնարավորինս մարդավարի գնով ծաղկեփունջ պեղելու և սիրելի կանանց մի լավ տեղ տանելու շուրջ․ գուցե առաջին կետն իրականացնել ստացվի Սիզնս այգում՝ մարտի 8-ին ր 9-ին անցկացվող «Ծաղիկների փառատոնի շրջանակում»՝ https://tinyurl.com/mvb3h752

🎶 Իսկ եթե ուզում եք նյութականի փոխարեն նվիրել հոգևորը, ամսի 7-ին կարող եք զարմացնել ձեր կանանց «երաժշտական ծաղկեփնջով»՝ «Ծաղիկների վալսը» համերգի շրջանակում՝ https://tinyurl.com/yfj9fk9u

💃 Նույն օրը կարող եք հոգեպես նախապատրաստվել մարտի 8-ին հին ու բարի «Դանդաղ արտասահմանյանի» ընթացքում․ չեք հավատա, բայց նախաձեռնությունը նշում է իր 8-ամյակը՝ https://tinyurl.com/57bnee6j

🎸 Հենց տոնի օրը, որը, ի դեպ, այս տարի, ցավոք, շաբաթ օրն է ընկնում՝ զրկելով մեզ հնարավոր լրացուցիչ հանգստյան օրվանից, կարող եք գնալ ToneLab և վայելել տարբեր ռոք խմբերի կատարումներ, որոնց շարժիչ ուժը կանայք են․ սա, թերևս, միակ տոնական իվենթն է, որի մուտքն անվճար է՝ https://tinyurl.com/4vyyeva6

🎙️ Նույն օրը Տիգրան Ձիթողցյանի արտ ստուդիայում ելույթ կունենան Արտո Թունչբոյաջյանը, Արտյոմ Մանուկյանը և Շահեն Խանդկարյանը՝ https://tinyurl.com/4rtner7p

👩‍🎤 Իսկ A1 Art Space-ը մի ամբողջ հագեցած խորագիր է պատրաստել՝ սկիզբ դնելով «Կանանց երաժշտական միամսյակ»-ի, որը նվիրված կլինի հայ կին-երաժիշտներին և նրանց արվեստին, ու կանցկացվի մինչև ապրիլի 7-ը՝ https://tinyurl.com/ybff6sfx

🎛️ Անցնենք էլեկտրոնայինի․ չեք հավատա, բայց ամիսներ առաջ «շնորհքով ներխուժած» իրավապահների թեթև ձեռքով փակված TheOffice-ը բացում է իր դռներն ամսի 7-ին․ կարող եք վերցնել այդ օրն այդտեղ թողած ձեր աշնանային բաճկոնները, զուգարանում պահած այն մի հատիկ ջոյնթը և ձեր կորցրած հավեսը՝ https://tinyurl.com/35ad7pyv

🎚️ Իսկ Հայֆիլմում ամսի 8-ին աղջիկները կնվագեն աղջիկների (և ինչու ոչ՝ տղաների) համար․ լայնափում կլինեն ինչպես մեր լոկալ տաղանդավոր արտիստներ, այնպես էլ արտերկրից ժամանած՝ https://tinyurl.com/bdf7nmej

🔊 ՊԷՈւ-ում այդ օրը նախափորձնական ելույթ է ունենալու բոլորի լավ ընկեր և ընԳեր Daao-ոն ու ոչ միայն՝ նախապատրաստվելով հաջորդ օրվան՝ https://tinyurl.com/3rmcydxm

🎤 Իսկ այ հաջորդ օրն արդեն առանց «նախա»-ի՝ փորձնական ելույթ և շատ ավելին է տեղի ունենալու ՀայԱրտ մշակութային կենտրոնում՝ Կապ-ենք իվենթի շրջանակում՝ https://tinyurl.com/whbvfswy

👩 Միամսյակի շրջանակում՝ մարտի 11-ին, մի ծավալուն ու հագեցած ծրագիր էլ պատրաստել է Արամ Խաչատրյանի տուն-թանգարանը՝ միավորելով երաժիշտ, նկարիչ և այլ արվեստագետ կանանց՝ https://tinyurl.com/2p82szzw


📢 Մենք էլ՝ Իդրամի հետ միասին, հիշեցնում ենք, որ ցանկացած միջոցառման տոմս՝ լինի դա համերգ, օպերա թե ստենդափ, այժմ կարող եք ձեռք բերել մի հպումով` այստեղից


#իվենթաPAN-ի նախորդ թողարկումը կարող եք կարդալ այստեղ՝
🚀 #իվենթաPAN (N145)


📭 Իսկ շաբաթվա լավագույն իվենթների մասին կարելի է իմանալ առանց ՖԲ մտնելու. պարզապես բաժանորդագրվեք ու ստացեք մեր #լավPANեր-ը հենց ձեր էլ․փոստին՝ https://pan.am/luvpan