🚀 #իվենթաPAN Weekly (147)
🎧 «Չակ Նորի՞սն է ուժեղ, թե՞ Բրյուս Լին» (կամ ինչպես սիրում են ասել հայերը՝ Բրուսլինը) հարցն այլևս արդիական չէ, քանի որ ակնհայտ է, որ Նորիսը, չէ՞ որ նա 85 տարեկան է, իսկ Լին՝ վաղուց մեռած։ Փոխարենն այժմ արդիական է մեկ այլ հարց. «Գոռ Վարդանյա՞նն է ուժեղ, թե՞ Չակ Նորիսը»։ Եթե դիտել եք Գոռի ֆիլմերը, տեսել եք նրա ահասարսուռ հայացքը, լսել եք նրա վճռական ու թշնամուն միանգամից տապալող խոսքը և վայելել եք նրա ուժեղ դերասանական խաղը (մենք վստահ ենք, որ դա խաղ չէ, մենք վստահ ենք, որ Գոռն իսկապես ծեծում է այդ բոլոր մարդկանց ու պատժում բոլոր չարագործներին), ապա վերոնշյալ հարցն իմաստ չունի. որպես իսկական հայրենասերներ վստահաբար ասում ենք՝ մեր Գոռն ավելի ուժեղ է։ Ու եթե Չակ Նորիսն այդքան անպարտելի տղա է ու համաձայն չէ մեզ հետ, թո՛ղ հենց հիմա գա ու խփի մեր գլուխն այս ստեղնաշանմցպբվցֆտպբիբ՝ https://youtu.be/IAQyB78s3rk
Ուր գնալ, ինչ անել՝ Իդրամի հետ
💪🏻 Իրականում Չակ Նորիսը մահացել է դեռ 10 տարի առաջ, ուղղակի մահը վախենում է նրան հայտնել այդ մասին։ Եվ այդպես երջանիկ ու անտեղյակ անպարտելի դերասանն ապրում է իր խաղաղ կյանքը, գրում գրքեր, հավակնում նահանգապետի պաշտոնին, տալիս հարցազրույցներ, զարմանում, որ սոցցանցերում երիտասարդ սերունդը ճանաչում է իրեն ինչ-որ անհավանական փաստերի միջոցով… Չեք հավատա, բայց օրերս Չակ Նորիսը դարձավ 85 տարեկան, կամ, ավելի ճիշտ կլինի ասել՝ 85 տարեկանը դարձավ Չակ Նորիս։ Այդ առիթով PAN-ը հանդգնել է պատմել մարտարվեստների մեծ վարպետի և ոտքով պտույտով մահացու հարված հասցնող ֆենոմենալ Չակի կյանքի ուղու մասին՝ աղքատ ու անհույս մանկությունից մինչև ծառայություն, Բրյուս Լիի հետ ընկերությունից մինչև մեծ կինո՝
📖 lav.pan.am/chucknorris
🥐 Քանի խոսք գնաց ֆիլմերից, ասենք, որ մարտի 15-ից 23-ը կանցկացվի Ֆրանկոֆոն կինոյի փառատոնը. ճիշտ է՝ այս ֆիլմերում դժվար հնչեն «ты называешь это ударом?» տիպի էպիկ արտահայտություններ, բայց ֆրանսիական կինոն ունի իր հմայքը՝ https://tinyurl.com/2frvw9uy
🇮🇷 Ոչ պակաս հմայիչ կարող է լինել իրանական կինոն. այստեղ ևս դժվար մարդիկ իրար դեմքի ոտքով հարվածեն, բայց արժե մարտի 13-15-ն այցելել Հայաստանի ազգային գրադարանի Սինե-ակումբ ու բացահայտել մեր դարավոր հարևանների կինոարվեստը՝ https://tinyurl.com/42pt8bsr
🎼 Եվ ի՞նչ կինո առանց երաժշտության. բոլորին հայտնի ֆիլմերի սաունդթրեքերը կարող եք լսել ամսի 15-ին Կամերային երաժշտության տանը՝ Հանս Ցիմերին նվիրված համերգին՝ https://tinyurl.com/4j3frpx8
🎻 Իսկ ամսի 19-ին հոլիվուդյան լավագույն ֆիլմերի ճանաչված երաժշտությունը կհնչի «Արամ Խաչատրյանում»՝ ֆիլհարմոնիկի կատարմամբ՝ https://tinyurl.com/cp4wfya2
🎷 Նոստալգիայի պակաս զգացողները վստահաբար կվայելեն հայ կինոերաժշտությունը, որ կհնչեցվի մի խումբ ջազմենների կողմից Ուլիխանյանում՝ https://tinyurl.com/mrumzeb3
🎶 Եվ, իհարկե, ի՞նչ ջազ՝ առանց Պետական ջազ նվագախմբի. մարտի 20-ին կարող եք վայելել ժամանակակից բիգբենդային արվեստի հնչողությունը՝ ֆանկի ու լատինաամերիկյան ջազի համադրությամբ՝ https://tinyurl.com/3cujsnmf
🎙️ Նույն օրը կանանց միամսյակին նվիրված համերգ է սպասվում Կամերային երաժշտության տանը. հնչելու են Ազնավուրի սիրված երգերը՝ https://tinyurl.com/9hut2uba
🎵 Իսկ ամսի 15-ին Ձիթողցյանի Արտ Ստուդիոյում կարող եք համատեղել ակնա- և ականջահաճոն՝ վայելելով թե՛ բուն ստուդիան, թե՛ թունչբոյաջյանենց համերգը՝ https://tinyurl.com/yvh6dukf
🎸 Անցնենք ռոքի. Vanakan-ը վերադառնում է Tonelab-ի բեմ, խումբն իր նոր ալբոմի վրա աշխատանքներից առաջ նոր ծրագրով մեծ համերգ է տալու՝ https://tinyurl.com/ytpkexsk
🤘🏻 Ամսի 17-ին էլ՝ Սուրբ Պատրիկի օրը (իռլանդական վիսկի խմելու և բոլոր հնարավոր անցքերը կորցնելու) Hard Rock-ի բեմում լեգենդար «Բամբիռն» է լինելու՝ https://tinyurl.com/2wjv5b6u
🤪 Եթե ոչ անցքերը, ապա առնվազն ներքնազգեստը կորցնելու առիթ է ստեղծվելու ամսի 18-ին բոլորի սիրելի Բիթլզում. FairWind-ի համերգն է, տեղերը սահմանափակ են, դուք արդեն ուշացել եք՝ https://tinyurl.com/ms9a97zf
🎛️ Իսկ այս weekend-ը բնության գրկում ու լավ երաժշտությամբ անցկացնել երազողների համար լավ լուր ունենք՝ երևանցիների սիրելի Epicure-ը վերաբացվում է Դիլիջանում, և այդ առթիվ երկու օր քեֆ-ուրախություն է լինելու. վախենանք՝ Երևանում ոչ դիջեյ, ոչ ռեյվեր չմնա՝ https://tinyurl.com/yfubsk6v
📢 Մենք էլ՝ Իդրամի հետ միասին, հիշեցնում ենք, որ ցանկացած միջոցառման տոմս՝ լինի դա համերգ, օպերա թե ստենդափ, այժմ կարող եք ձեռք բերել մի հպումով` այստեղից
#իվենթաPAN-ի նախորդ թողարկումը կարող եք կարդալ այստեղ՝
🚀 #իվենթաPAN (N146)
📭 Իսկ շաբաթվա լավագույն իվենթների մասին կարելի է իմանալ առանց ՖԲ մտնելու. պարզապես բաժանորդագրվեք ու ստացեք մեր #լավPANեր-ը հենց ձեր էլ․փոստին՝ https://pan.am/luvpan