🚀 #իվենթաPAN Weekly (148)
🎧 Ջոն Քենեդու սպանությունը նրա կենսագրության ամենաքննարկվող իրադարձությունն է, իսկ երկրորդ տեղում նրա ու Մերիլին Մոնրոյի սիրվեպն է, որի շուրջ դավադրության տեսությունների քանակը չի զիջում սպանության մասին եղածներին։ Նախորդ դարի ամենավառ աստղերից մեկը` սեքս սիմվոլ Մոնրոն, կարծես, նույնիսկ չմտածված միշտ կարողանում էր ուշադրության կենտրոնում լինել։ 1954 թվականին երգչուհին ուղևորվում է Կորեա, որտեղ ելույթ է ունենում ԱՄՆ հազարավոր զինվորների համար՝ հավաքելով 100,000 հանդիսատես (սա բացառիկ ռեկորդ է այդ տարիների համար, որին նույնիսկ այսօր դժվարությամբ են հասնում աշխարհի ամենահայտնի արտիստները)։ Փետրվարյան սաստիկ ցրտին երգչուհին բեմ է դուրս գալիս բարակ, բաց ու կիպ զգեստով՝ երիտասարդ զինվորների երևակայության համար տեղ չթողնելով ու միաժամանակ բարձրացնելով նրանց մարտական ոգին (և ոչ միայն)։ Ու թեև հետո երգչուհին հիվանդանում է թոքաբորբով, միշտ ասում է, որ այդ օրերը նրա կյանքի երջանիկներից էին, իսկ համերգն անմոռանալի էր՝ https://youtu.be/DDA0084gZWc
Ուր գնալ, ինչ անել՝ Իդրամի հետ
🦅 Եթե Քենեդու սպանության գործի հետաքննությամբ զբաղվեին վանաձորցի ոստիկանները, ապա նրանք ոչ թե մեկ ժամ անց կգտնեին իսկական հանցագործին, այլ ընդամենը մի քանի րոպեում կընտրեին հարմար մեկին ու կստիպեին իր վրա վերցնել հանցանքի կատարումը. օրերս փորձը ցույց տվեց, որ նման գործելաոճը դեռ տեղ ունի նրանց շրջանում։ Բայց եկեք կտրվենք մեր իրականությունից և տեղափոխվենք ԱՄՆ, որտեղ Թրամփի թեթև ձեռքով գաղտնազերծվել է նախորդ դարի ամենահնչեղ սպանության գործի 80,000 էջ։ Սա, թերևս, Թրամփի նախընտրական խոստումներից եզակին է, որ կատարվել է. մյուս՝ ավելի կարևոր խոստումներից դեռ ձեն-ձուն չկա։ PAN-ի այսօրվա կարդալիքը պատմում է գաղտնազերծված էջերում տեղ գտած ուշագրավ մանրամասների, Ջոն Քենեդու սպանության, դրա շուրջ եղած քննարկումների, կասկածների ու դավադրության տեսությունների, ինչպես նաև ԽՍՀՄ հետքի մասին՝
📖 lav.pan.am/kennedy
🎛️ Այս օրերին ձեզ կարող է թվալ, որ փողոցներում չափազանց շատ վրացի կա, և դա իրոք այդպես է. ֆուտբոլի համար այստեղ հասած մեր հարևանները գրավել են նաև երաժշտական իվենթները և, օրինակ, «Հայֆիլմի» սթեյջերից մեկը մասամբ՝ https://tinyurl.com/4wzvk7e4
🇬🇪 Վրացական շնչով լայնափ է սպասվում նաև վերաբացված TheOffice-ում, որտեղ ամսի 22-ին մերոնց հետ կնվագեն Bassiani-ի ռեզիդենտները՝ https://tinyurl.com/h9bwzrkf
🌳 Նույն օրը Woods կենտրոնում մերոնք կնվագեն, իսկ վրացիք… չէ, չեն երգի, ոչ էլ կպարեն, բայց կասմունքեն, կընթերցեն, կներկայացնեն իրենց գրքերը և այլն՝ https://tinyurl.com/ju99zjf4
🎶 Բայց կտրվենք վրացական վայբերից և տեղափոխվենք Ուլիխանյան, որտեղ ամսի 21-ին բոլորի սիրելի Դեյվ Գեոդակյանը ելույթ կունենա իր քվինտետով՝ https://tinyurl.com/dm5z4hyb
🎷 Հաջորդ օրը նույն վայրում իր շրջագայության շրջանակում ելույթ կունենա Martin Theurillat Quartet-ը՝ https://tinyurl.com/mvexyak6
🎤 Նույն օրը Tonelab-ում կարող էր լինել The Deenjes-ի համերգը, բայց քանի որ նրանք դինջ-դինջ չեն պատրաստվում համերգ տալ, նրանց փոխարեն իրենց երգերը կկատարի վեց այլ խումբ, որոնց թվում են Tsayg-ը, Degh-ն ու օրերս The Beatles փաբն ավերած FairWind-ը՝ https://tinyurl.com/yz9fbcsc
🎙️ Իսկ ամսի 25-ին ամեն ինչ հանգիստ է լինելու. Կամերային երաժշտության տանը համերգով հանդես կգա «Հովեր» պետական կամերային երգչախումբը՝ https://tinyurl.com/2ahtczc9
🎵 Մարտի 27-ին էլ Արամ Խաչատրյանում կլինի լեգենդար Էլվինա Մակարյանին նվիրված համերգ. կհնչեն երգչուհու լավագույն հիթերը՝ https://tinyurl.com/kmw5uump
⚽ Եթե իսկական ֆուտբոլը ձեր թեման չէ ու ուզում եք հեռու մնալ անհարմար ստադիոններից և բիրտ ֆաներից, լավ այլընտրանք է սեղանի ֆուտբոլը, որի բաց մրցաշարն ամսի 22-23-ին կանցկացվի Բարդակ գաստրոփաբում՝ https://tinyurl.com/4wt5fe3s
🇮🇳 Իսկ եթե, այնուամենայնիվ, սիրում եք թեժ կրքեր, ծեծ ու ջարդ, բայց ոչ իսկական, ինչպես նաև մարդկանց ու փղերի անսպասելի պարեր, հատուկ ձեզ համար մարտի 28-30-ին Կինոմոսկվայում Հնդկական ֆիլմերի փառատոն է. Ջիմին պարելու է, սարիներով աղջիկները լացելու են, սերն էլ չի խոնարհվելու՝ https://tinyurl.com/3mvty6zj
📢 Մենք էլ՝ Իդրամի հետ միասին, հիշեցնում ենք, որ ցանկացած միջոցառման տոմս՝ լինի դա համերգ, օպերա թե ստենդափ, այժմ կարող եք ձեռք բերել մի հպումով` այստեղից
#իվենթաPAN-ի նախորդ թողարկումը կարող եք կարդալ այստեղ՝
🚀 #իվենթաPAN (N147)
📭 Իսկ շաբաթվա լավագույն իվենթների մասին կարելի է իմանալ առանց ՖԲ մտնելու. պարզապես բաժանորդագրվեք ու ստացեք մեր #լավPANեր-ը հենց ձեր էլ․փոստին՝ https://pan.am/luvpan