🚀 #իվենթաPAN Weekly (149)
🎧 Լուսանկարում փոքրիկ Էմինեմն է, իր հետ բերել է իր տարօրինակ ու վախենալու մեծ եղբորը, որի միայն տեսքից հասկանալի է՝ նրանից ամեն ինչ սպասելի է, և հիմա շատ «դուխով» աջ ու ձախ «ֆաքեր» է ցույց տալիս, քանի որ նման «մեծ եղբոր» դեպքում կարող ես քեզ թույլ տալ ամեն ինչ։ Լավ, կատակը դեն՝ լուսանկարում, ինչպես ճանաչեցիք, Մերիլիններից լավագույնն է, գուցե պակաս սեքսուալը, բայց առավել տպավորիչը՝ Մերիլին Մենսոնը։ Իր կերպարով այդքան առանձնացող այս արտիստը, կարծես, որևէ կապ չունի ռեփի արքա Էմինեմի հետ, և առաջին հայացքից նույնիսկ հասկանալի չէ՝ ինչը կարող է միավորել տարբեր աշխարհներից այս երկու մարդկանց, բայց Մենսոնը մի քանի անգամ հայտնվել է Էմի համերգներին ու միացել նրան The Way I am երգի կատարման ժամանակ, օրինակ՝ 2002-ին Բարսելոնայում՝ https://youtu.be/GPpvBYOwEVc
Ուր գնալ, ինչ անել՝ Իդրամի հետ
🤦 Եթե մի օր ձեր հերթական «ուզողի» հետ խոսելիս լինեք ու որոշեք ձեր զրույցի պիկանտ մանրամասների սքրինշոթը՝ հեգնական մեկնաբանության ուղեկցությամբ ուղարկել ձեր ընկերուհիների չաթ, բայց պատահաբար ուղարկեք հենց այդ նույն «ուզողին», հիշեք Թրամփի վարչակազմի այս թարմ հերթական ֆաքափի մասին ու ձեզ այդքան վատ մի՛ զգացեք։ Այո՛, ձեր արածը մեծ սխալ է, բայց համեմատելի չէ ԱՄՆ բարձրաստիճան պաշտոնյաների թույլ տված թյուրիմացության հետ։ Պատկերացրեք՝ աշխարհի ամենահզոր գերտերության վերնախավը որոշում է հրթիռներ ուղարկել Եմենի հութիների վրա, այդ հույժ գաղտնի օպերացիայի համար Signal-ում խմբակային չաթ է բացում ու միամիտ ավելացնում այդտեղ լրատվականներից մեկի խմբագրին, որն էլ մեծ շոկի մեջ մի քանի օր շարունակ հետևում է այդ քննարկումներին՝ չհավատալով սեփական աչքերին։ PAN-ի այսօրվա կարդալիքը պատմում է այս կուրյոզային և աբսուրդ պատմության բոլոր մանրամասները՝ չաթի կրակներով, եվրոպացիների մասին բամբասանքներով և այլնով՝
📖 lav.pan.am/signalchat
🎛️ Այս ուիքենդի, թերևս, ամենակարևոր ռեյվը կլինի «Հայֆիլմում». MOCT-ը նշում է իր 6-ամյակը՝ երկու օր շարունակ, մի քանի սթեյջում, մեծ լայնափով ու լիքը հյուրերով՝ https://tinyurl.com/k89h34v3
🤘 Մարտի 28-ին Zhesht Events-ն ունի մեծ համերգ՝ հերթական «սատանիստներին» է բերում. «Առնո Բաբաջանյան» համերգասրահում ելույթ կունենա դանիական Of the Wand and the Moon խումբը՝ https://tinyurl.com/ynvzvvt3
🎸 Նույն օրը երկու տարվա դադարից հետո ToneLab-ի բեմ են վերադառնում մեր տեղացի «սատանիստները»՝ մեծ պատմություն ունեցող DOGMA խումբը՝ https://tinyurl.com/2tc99nur
🎶 Իսկ հաջորդ օրը նույն վայրում կարող եք լսել վաղուց ելույթ չունեցած «Հող Արթուն» խմբի (այս տողերի հեղինակի սիրելի հայկական երաժշտական նախագծի) հեքիաթային, խորհրդավոր, մեդիտատիվ ու հիանալի կատարումները՝ https://tinyurl.com/4acywkp8
🎙️ Ապրիլի 2-ին նույն տեղում հնարավորություն ունեք լսելու հայկական ֆոլկ ռոքի նոր սերնդի ներկայացուցիչներին՝ «Ուրու» խումբը՝ https://tinyurl.com/4323f8rp
🎷 Տեղափոխվենք Ուլիխանյան, որտեղ կիրակի օրը կարող եք լսել Բիթլզի կատարումները, բայց Դեյվ Գեոդակյանի խմբի ջազային մեկնաբանությամբ՝ https://tinyurl.com/3ykp48rw
🎹 Իսկ ապրիլի 3-ին նույն վայրում կհնչի Վահագն Հայրապետյանի «Կատուների» գարնանային ակտիվ «մլավոցը»՝ https://tinyurl.com/2p85aj6u
🎼 Այս ուրբաթ օրն ունեք բացառիկ հնարավորություն վայելելու հայ ժամանակակից կին կոմպոզիտորների կատարումները. մուտքն ազատ է, բայց հանգանակությունը չէր խանգարի՝ https://tinyurl.com/4hrf6xts
🕯️ Նույն օրը Կամերային երաժշտության տանը կարող եք լսել Coldplay-ի և Imagine Dragons-ի լավագույն ստեղծագործությունները՝ հազարավոր մոմերի լույսերի ներքո՝ https://tinyurl.com/bdea8ry8
🦺 Եվ վերջում` միջոցառում հատուկ հիփոթեքով տներ գնած և այժմ վերանորոգման փաստի առջև կանգնած այթիշնիկների համար. Համալիրում այս ուիքենդ շինարարությանը և վերանորոգմանը նվիրված էքսպո է՝ https://tinyurl.com/5n6vf3p4
📢 Մենք էլ՝ Իդրամի հետ միասին, հիշեցնում ենք, որ ցանկացած միջոցառման տոմս՝ լինի դա համերգ, օպերա թե ստենդափ, այժմ կարող եք ձեռք բերել մի հպումով` այստեղից
#իվենթաPAN-ի նախորդ թողարկումը կարող եք կարդալ այստեղ՝
🚀 #իվենթաPAN (N148)
📭 Իսկ շաբաթվա լավագույն իվենթների մասին կարելի է իմանալ առանց ՖԲ մտնելու. պարզապես բաժանորդագրվեք ու ստացեք մեր #լավPANեր-ը հենց ձեր էլ․փոստին՝ https://pan.am/luvpan