🚀 #իվենթաPAN Weekly (174)
📷 1969 թվականի Woodstock-ը հոգու և մարմնի ազատության ու խաղաղության եռօրյա տոն էր. տոն, որտեղ ծնվեց ու ամրապնդվեց make love, not war գաղափարը, որտեղ մարդիկ ազատ էին իրենց մերկության մեջ, թմրանյութերը ջրի գին էին, իսկ երբեմն՝ ավելի էժան, բոլորը երջանիկ էին (հավանաբար, նախորդ փաստի ազդեցության տակ), իսկ բեմում այդ տարիների ամենահայտնի երաժիշտներն էին՝ երիտասարդ Ջո Կոկերն ու Ջիմի Հենդրիքսը, Կառլոս Սանտանան ու Ջենիս Ջոփլինը, և շատ ուրիշներ, որոնց մասին մեր սերունդը գուցե չի էլ լսել։ Երաժշտական կյանքի ու փառատոնային մշակույթի կայացման գործում Woodstock-ի ներդրումն անգնահատելի է. այն նաև հիմք է դարձել հետագա նմանատիպ մեծ երաժշտական փառատոների կայացման համար և մինչ օրս զարմացնում է իր մասշտաբով։ Հայաստանի համար նման մեծ իրադարձությունն այս պահին միայն երազանք կարող է լինել, բայց եկեք ընդունենք, որ վերջին տարիներին մեզ մոտ ևս լավ երաժշտական միջոցառումներ են անցկացվում։ Հուսով ենք՝ գնալով միայն ավելի լավը կդառնան, իսկ մինչ այդ եկեք վայելենք մեր տատիկ-պապիկների թվերի այս մեծ իրադարձության երաժշտական կտորը՝ https://youtu.be/II-wxfVl1Fg
Ուր գնալ, ինչ անել՝ Իդրամի հետ
✌️ Սեքս, թմրանյութեր, լիքը լավ երաժշտություն և անսպառ ազատություն. այսպիսին էր հիպիների դրախտ դարձած Woodstock առաջին փառատոնը։ Հեռավոր 1969-ին մի խումբ տղաներ որոշեցին, որ կարող են երաժշտական փառատոն կազմակերպել 50,000 հոգու համար, և սխալվեցին. 50,000 հոգու համար փառատոն կազմակերպել չհաջողվեց, փոխարենը ստացվեց փառատոն 500,000 հոգու համար։ Պատկերացնո՞ւմ եք՝ կես միլիոն մարդ մի տարածքում, որն ի սկզբանե նախատեսված էր 10 անգամ քիչ քանակի համար. տարածքում կար սահմանափակ սնունդ, դեղորայք ու զուգարաններ, և ընդամենը 15 ոստիկան, որոնք, հավանաբար, ամբողջ ընթացքում շոկի մեջ էին։ #PAN-ն այս կարդալիքով պատմում է այդ պատմական փառատոնի մասին՝ ցեխի մեջ թավալ եկող մարդկանցից մինչև անսպառ թմրանյութեր, մերկ հիպիներից մինչև կիլոմետրանոց խցանումներ, իրենց վերջին կտոր հացն ու նախավերջին ջոյնթն անծանոթների հետ կիսել պատրաստ բարի դեմքերից մինչև ողբերգական դեպքեր, որոնք, ի զարմանս աշխարհի, քիչ էին, հայտնի երաժիշտների փառահեղ ելույթներից մինչև տեղում ծնվող հիթեր։ Woodstock-ն էպիկ էր, արժե դրա մասին իմանալ՝
✍️ https://lav.pan.am/woodstock69
🌿 Մենք՝ հայերս, առաջին քրիստոնյա ազգն ենք, ուստի մեր փառատոներն ավելի զուսպ են և աստվածահաճո. այսպես, սեպտեմբերի 26-30-ը կանցկացվի «Արևորդի» 13-րդ փառատոնը՝ 30+ բնապահպանական ֆիլմի ցուցադրությամբ, թեմատիկ հանդիպումներով և կենդանիների դիմակահանդես-շքերթով՝ https://tinyurl.com/22mr4h8r
🧪 Սեպտեմբերի վերջին օրը Հայաստանում կսկսվի Գիտության շաբաթը. արդեն երկրորդ տարին է՝ Օպերայի բակը կվերածվի գիտության «սրբատեղիի»՝ դասախոսություններ, գիտական խաղեր, փորձարարական գոտիներ, գիտաֆանտաստիկայի օրեր և նույնիսկ արվեստ՝ https://tinyurl.com/4mkrx7vk
⛰️ Իսկ այս ուրբաթ նույն վայրում «Ճանաչի՛ր Հայաստանը» ներքին զբոսաշրջային ցուցահանդեսն է, որի շրջանակում Իտալիա ճամփորդել նախընտրողները կարող են բացահայտել մեր 10 մազի համն ու հոտը և մյուս անգամ Միլանի փոխարեն գնալ Ստեփանավան՝ https://tinyurl.com/3fs697n6
🍯 Իսկական և օգտակար քաղցրի սիրահարների համար հատուկ այս շաբաթ ու կիրակի Երազ այգում կանցկացվի «Մեղրատոն» մեղվամթերքի ցուցահանդես-տոնավաճառը. մեղրից բացի, կլինի նաև ազգային երգ ու պար՝ https://tinyurl.com/3cuxjhw9
🎸 Անցնենք երաժշտական իրադարձություններին. ռոքերները միշտ են եղել ուշադրության կենտրոնում, և հայ ռոքերները բացառություն չեն, ToneLab-ում այս ուրբաթ Rozen Tal-ենք նշում են իրենց 10-ամյակը՝ նոր սինգլների պրեմիերաներով և հին ու սիրված երգերի կատարմամբ՝ https://tinyurl.com/5defxnwn
🔊 Ոչ պակաս թեժ է անցնելու նաև ռեյվերների ուրբաթը՝ հատկապես երիտասարդ. CyberFolk-ն իր հերթական MERGE-ն է կազմակերպում, նվագելու են սկսնակ արտիստներն իրենց մենթորների հետ՝ https://tinyurl.com/muwmbjb2
💿 Նույն օրը Woods-ում կմիավորվեն Rambalkoshe-ն ու Gortsaran.FM-ը. կնվագի 6 արտիստ, կլինի նաև ցուցահանդես՝ https://tinyurl.com/yc6nxd2z
🎻 Ավելի ռոմանտիկ ուրբաթ երեկո նախընտրողներն այդ օրը կարող են գնալ Գաֆէսճեան արվեստի կենտրոն՝ լսելու ռոմանտիկ կամերային երաժշտություն՝ https://tinyurl.com/mwh2zmvr
💍 Իսկ «Մատանիների տիրակալի» ֆաները հաստատ կնախընտրեն Mystery Ensemble-ի համերգը, որի շրջանակում կհնչի ֆիլմի երաժշտությունը՝ տեղափոխելով ներկաներին էլֆերի, հոբիթների և թզուկների աշխարհ՝ https://tinyurl.com/yf6derye
🎹 Արամ Խաչատրյանում ամսի 27-ին կհնչի լեգենդար Առնո Բաբաջանյանի երաժշտությունը՝ ժամանակակից արտիստների և Հանրային ռադիոյի էստրադային սիմֆոնիկ նվագախմբի կատարմամբ՝ https://tinyurl.com/3euv2bdx
🎷 Ու մի քիչ էլ ջազ. կիրակի Ուլիխանյանում կարող եք վայելել Դեյվ Գյոդակյանի The Originals քվինտետի կատարումները՝ https://tinyurl.com/v2bu56pe
🥁 Իսկ հոկտեմբերի 2-ին այդ բեմում կլինի արդեն Միքայել Ոսկանյանի MVF Band-ը՝ իր ալտերնատիվ ջազով և էթնո-ֆյուժնով. ի դեպ, խումբն իր առաջին քայլերը հենց այս բեմում է արել՝ https://tinyurl.com/8t3wwwe2
📢 Մենք էլ՝ Իդրամի հետ միասին, առաջարկում ենք ուրբաթ օրը գնալ Ari Stand-Up՝ լսելու «Մեծ թեման», որի շրջանակում կոմիկները և հյուրը՝ Էդուարդ Քալանթարյանը, կկիսվեն իրենց հուզող հարցերով, որոնց մեջ, գուցե, ձեզ հուզող հարցեր ևս լինեն՝ https://idram.app.link/Idram_PAN
#իվենթաPAN-ի նախորդ թողարկումը կարող եք կարդալ այստեղ՝
🚀 #իվենթաPAN (N173)
📭 Մեր կարդալիքը, իվենթների ընտրանին ու տեսանյութը վայելելուց հետո մի՛ ալարեք և բաժանորդագրվեք մեր #լավPANեր-ին, որպեսզի հետ չմնաք շաբաթվա լավագույն իվենթներից [ու ոչ միայն]՝ ստանալով դրանք հենց ձեր էլ․փոստին՝ https://pan.am/luvpan