🎬 #cinéPAN (24)
🙅🏼 Հոսոն գյուղում հարգված տղա էր։ Պոետ էր, բանաստեղծություններ էր ձոնում գյուղին, արտերին, ինչու ոչ` աղջիկներին, մի քանի անգամ ելույթ էր ունեցել Տիգրան Կարապետյանի մոտ, մի անգամ էլ` ադամանդի կոչում ստացել, մասնակցել էր ասմունքի փառատոնին` գրավելով երրորդ տեղն ու շահելով դի-վի-դի։ Բայց Հոսոյի երազանքը մայրաքաղաքն էր. մեծ քաղաքի բազմաթիվ հնարավորությունները, որտեղ պոետը կկարողանար իրեն լիովին դրսևորել։ Ու երբ ամբողջ գյուղով Հոսոյին ճանապարհում էին մայրաքաղաք, խոստացավ, որ մյուս անգամ կվերադառնա` իր ստեղծագործությունների ժողովածուն թևի տակ։ Հիմա Հոսոն աշխատում է Գրողների միությունում։ Որպես պառկովշիկ։ Էլի գրում է, բայց հանգերն էլ նախկինը չեն, մեջները կրակ չկա։ Իրականում, այս տխուր պատմությունը Հոսոյի կամ գյուղացի տղուն տրորած մեծ քաղաքի մասին չէ, Թումանյանը դրա մասին մի ամբողջ հավերժության համար պատմել է։ Հոսոյի պատմության նման պատմություններ տեղի են ունենում նաև մեծ կինոյում, երբ խոստումնալից արտասահմանցի ռեժիսորներին հոլիվուդյան մամլիչը ճզմում է ու վերածում միջակության։ Հենց դրա մասին է PAN-ի նոր լոնգրիդը`
📖 lav.pan.am/directors
Սիրեք կինոն՝ Evoca-ի հետ
Անցնենք կինոյի նորություններին.
🪞 Black Mirror անթոլոգիայի յոթերորդ սեզոնը կցուցադրվի 2025-ին` https://tinyurl.com/3msyzxnx
🕰️ Իսկ Poor Things-ի ռեժիսոր Յորգոս Լանտիմոսի հաջորդ ֆիլմը` Kinds of Kindness-ը, կցուցադրվի այս տարվա հունիսի 21-ին` https://tinyurl.com/4sthu8sj
🦸🏼♂️ Հրապարակվել է The Crow-ի ռիմեյքի առաջին թրեյլերը` https://tinyurl.com/y8czf6ex
👊🏼 Բոբ Օդենքիրքի մասնակցությամբ հիանալի Nobody մարտաֆիլմի սիքվելի նկարահանումները մեկնարկելու են այս տարվա վերջին` https://tinyurl.com/34v5kkvt
⏳ Սթիվեն Սփիլբերգն էլ հաստատել է, որ Ready Player One-ի սիքվելը մշակման փուլում է` https://tinyurl.com/bwva2ch3
Լեգենդար ռեժիսորը չի զբաղեցնի ռեժիսորական աթոռը
👮🏼♂️ Մեկնարկել են Արի Ասթերի նոր` Eddington ֆիլմի նկարահանումները` Խոակին Ֆենիքսի, Էմմա Սթոունի, Պեդրո Պասկալի ու Օսթին Բատլերի մասնակցությամբ` https://tinyurl.com/mthbtypm
👿 Սթիվեն Քինգի Salem's Lot գրքի նոր էկրանավորումն էլ դուրս կգա այս տարվա աշնանը` միանգամից սթրիմինգով` https://tinyurl.com/3zyk8cz7
👻 Նիվ Քեմպբելը կվերադառնա յոթերորդ Scream-ում Սիդնի Փրեսքոթի դերին` https://tinyurl.com/bu9rvt45
Ֆիլմը կնկարի առաջինի սցենարիստ Քևին Ուիլյամսոնը
🕴🏼 Ըստ շշուկների` Քրիստոֆեր Նոլանի հաջորդ ֆիլմը լինելու է 1967-ի The Prisoner սերիալի լիամետրաժ ռիմեյքը` https://tinyurl.com/554nt3z2
🚀 Wonder Woman-ի ռեժիսոր Փեթի Ջենքինսն էլ վերսկսել է աշխատանքը Star Wars: Rogue Squadron ֆիլմի նկարահանման հրապարակում` https://tinyurl.com/ywtd8f7r
▪️ Բնականաբար, հիանալի Dune: Part Two-ն` https://tinyurl.com/2p9tm8v4 (YouTube)
▪️ Kung Fu Panda 4-ը` սիրելի մարտական պանդայի արկածների շարունակությունը` https://tinyurl.com/3n3byw87 (YouTube)
▪️ Կամ էլ Imaginary սարսափ ֆիլմը` https://tinyurl.com/27n6b8us (YouTube)
🤟 Նայեք կինո, սիրեք կինոն, ու սպասեք մեր հաջորդ էպիզոդին~
#cinéPAN-ի նախորդ թողարկումը կարող եք կարդալ այստեղ՝
🎬 #cinéPAN (N23)
📭 Ու մի մոռացեք բաժանորդագրվել #լավPANեր-ին՝ էլ.փոստով այս ամենն ու մի բան էլ ավելին ստանալու համար` https://pan.am/luvpan