🎬 #cinéPAN (29)
🕹️ Իմանալով, որ ընկերուհու կույր աղիքը վիրահատում են, Վալեռը նետվեց իր գրեթե գետնին քսվող «Լադա պրիորան», «զլեց» Խատուբայի նոր հիթն այնպես, որ լսվի անգամ Արարատյան դաշտի այգիներում, գազ տվեց այնպես, որ առանց «գլուշիտել» աղմուկը խլացնի անգամ Ամազոնյան դաշտավայրի բնակիչներին ու սրընթաց պոկվեց տեղից։ Անտեսելով Մաշտոցի պողոտայի խցանումը` Վալեռը դուրս թռավ մայթ` արժանանալով այս ու այն կողմ փախչող մարդկանց արդարացի հայհոյանքին, ապա իրեն նետեց Ազատության հրապարակ` ընթացքում մեքենայի տակն այնպես քսելով, որ ոտքերով գրեթե զգաց հրապարակի ասֆալտը, իսկ Հյուսիսային պողոտա դուրս գալու փորձի ընթացքում ընկավ Կարապի լիճը։ Արդյունքում, Վալեռն ընկերուհու բարեհաջող վիրահատությունը բարեհաջող բաց թողեց` այդ ու հաջորդ գիշերներն անցկացնելով ճաղերի հետևում։ Այսպիսին, մեր կարծիքով, պետք է լինի մաքառման ու ճշտի համար անդադար պայքարի մասին Yerevan Drive խաղի` հայկական GTA-ի էկրանավորման մուտքը, որը 2007-ին ցնցեց հայրենական գեյմդևի հիմքերը։ Բայց քանի դեռ նման էկրանավորում չկա, #PAN-ն իր լոնգրիդում կպատմի ընդհանրապես լավագույն ու վատագույն խաղային էկրանավորումների մասին`
📖 lav.pan.am/cgames
Սիրեք կինոն՝ Evoca-ի հետ
Անցնենք կինոյի նորություններին.
🤷🏻♂️ Քվենտին Տարանտինոն անսպասելի հայտարարել է, որ փոշմանել է նկարել The Movie Critic-ը, ու նրա վերջին ֆիլմը լինելու է լրիվ այլ թեմայով` https://tinyurl.com/44ub2e3t
👨🏻🎤 Լեոնարդո Դի Կապրիոն կարող է խաղալ լեգենդար Ֆրենկ Սինատրային` Մարտին Սկորսեզեի կենսագրական ֆիլմում` https://tinyurl.com/ye28pj8f
Չնայած երգչի ժառանգները դեռ չեն հաստատել նման ֆիլմի ստեղծումը
✝️ Իսկ Հիսուսի մասին ֆիլմ Սկորսեզեն նկարելու է հաստատ. Էնդրյու Գարֆիլդն ու Մայլզ Թելլերն արդեն դիտարկվում են քասթում` https://tinyurl.com/49knsya9
⏳ Ջեյ Ջեյ Աբրամսը Թիմոտի Շալամեի մասնակցությամբ ֆիլմ է նկարելու ժամանակային ճամփորդությունների մասին` https://tinyurl.com/352z4csx
Ռեժիսորը ոգեշնչվելու է Back to the Future-ով
😎 Հիանալի Fallout-ը երկրորդ սեզոն է ստացել` https://tinyurl.com/3pxzaahw
👨🏻🚀 Հինգերորդ սեզոն է ստացել նաև For All Mankind-ը. բացի այդ, պլանավորվում է սփինօֆֆ սերիալ Լուսնի վրա սովետական տիեզերագնացների մասին` https://tinyurl.com/2hwkhnve
🕴🏻 Պարզվում է, ինչ-որ մեկին պետք է սերիալի վերածել հանճարեղ Oldboy-ը` https://tinyurl.com/2r639nnn
Կարևորն այն է, որ սերիալը ստեղծելու է օրիգինալի հեղինակը
📚 Netflix-ը հրապարակել է «Հարյուր տարվա մենության» սերիալային առաջին էկրանավորման թրեյլերը` https://tinyurl.com/4f6ptm77
😵 Ինչպես նաև աղմկահարույց The Platform ֆիլմի սիքվելից կադրեր` https://tinyurl.com/a7unrvuz
☔ Ու վերջում` մեր սիրելի Սթիվ Բուշեմին միացել է Wednesday-ի երկրորդ սեզոնի քասթին` https://tinyurl.com/3kestkrj
🤟 Նայեք կինո, սիրեք կինոն, ու սպասեք մեր հաջորդ էպիզոդին~
#cinéPAN-ի նախորդ թողարկումը կարող եք կարդալ այստեղ՝
🎬 #cinéPAN (N28)
📭 Ու մի մոռացեք բաժանորդագրվել #լավPANեր-ին՝ էլ.փոստով այս ամենն ու մի բան էլ ավելին ստանալու համար` https://pan.am/luvpan