🎬 #cinéPAN (34)
🏍️ Վերջին զանգի օրը Մաքսիմիկը, որին դասարանցիներն արդարացիորեն «խելառ» էին ասում, առևանգեց հոր «Տեսլան»։ Նախորդ օրը հայրը միանշանակ հասկացրել էր, որ Մաքսիմի նման «անպատասխանատու ու բեջուռա լակոտին ավտոմեքենա չի վստահի»։ Բայց Մաքսն այլ տեսլական ուներ, ու արդեն կես ժամ անց Իլոն Մասկի ինժեներական հրաշքը սլանում էր Աշտարակի խճուղով` փուչիկներով, դեռահասների ճիչերով և հոր հարսանիքից մնացած աղվեսով կապոտին։ Սակայն չոլի հենց մեջտեղը մեքենան հանգավ` չնայած էկրանին գրեթե ամբողջական լիցքի նշանին։ «Հերս ինձ կսպանի», մտածեց Մաքսը` ուշադրություն չդարձնելով մյուս տղեքի հայտարարություններին, որ «Տեսլան» ավտո չի, որ «էս մեկի ձենը մի տեսակ էն չի, քեռուս մաշնից տենց ձեն չի գալիս» ու որ ոչ մեկի մոտ փող չկա էս չոլ տաքսի կանչելու։ Երբ չորս ժամ անց Մաքսիմի կատաղած հայրը գտավ տղաներին, պարզվեց` «Տեսլայի» հետ ամեն ինչ կարգին է, ուղղակի գազն է պրծել, որովհետև հայրը մի քանի ամիս առաջ մեքենայի վրա գազ էր դրել։ Իսկ հայրն այդքան ուշացավ, որովհետև գնացել էր «Ֆուրիոսան» նայելու, որի ընդլայնված ռեվյուն կարդացեք PAN-ի նոր լոնգրիդում`
📖 lav.pan.am/furiosa
Սիրեք կինոն՝ Evoca-ի հետ
Անցնենք կինոյի նորություններին.
🎉 Կարեն Կարագուլյանի և Վաչե Թովմասյանի մասնակցությամբ «Անորա» ֆիլմն արժանացավ Կաննի 77-րդ միջազգային կինոփառատոնի գլխավոր մրցանակին` https://tinyurl.com/5jmxmfz6
🎙️ Ինչպես նաև` հրապարակվել է Շառլ Ազնավուրի մասին կենսագրական ֆիլմի թիզերը` https://tinyurl.com/4c8e842u
🕴🏻 Անցնենք առաջ. պարզվում է` Dexter-ի ջահելության մասին պրիքվել սերիալ են նկարում` https://tinyurl.com/3679wynm
Արդեն հայտնի է հիմնական քասթը
🦸🏻 Marvel-ն էլ մշակում է WandaVision-ի ևս մեկ սփինօֆֆ` Վիժնի մասին` https://tinyurl.com/3pkfx8cd
Այն կցուցադրվի 2026-ին
🕶️ Sons of Anarchy-ի հեղինակ Կուրտ Սատերի հաջորդ սերիալը լինելու է դասական վեսթերնի ու սիցիլիական մաֆիայի մասին պատմության խառնուրդ` https://tinyurl.com/52ndpvwd
🏔️ Թոմ Հիդլսթոնը և Ուիլյամ Դեֆոն կխաղան Էվերեստի նվաճման մասին հերթական ֆիլմում` https://tinyurl.com/45js2bpx
🥊 Հրապարակվել է նաև Դուեյն Ջոնսոնի մասնակցությամբ The Smashing Machine ֆիլմի առաջին կադրը` https://tinyurl.com/yeyv83h6
Դերասանը մարմնավորում է MMA մարտիկ Մարկ Քերին
🦕 Նոր Jurassic World-ի քասթին է միացել Ռուպերտ Ֆրենդը` https://tinyurl.com/47w2ekyd
Ավելի վաղ դինոզավրային ֆրանշիզին էր միացել Սկառլեթ Յոհանսոնը
🦹🏻 Նոր X-Men-ը սցենարիստ է գտել` https://tinyurl.com/mhc6dexc
Սքրիպտը վստահել են 2015-ի Macbeth-ի ու վերջին Hunger Games-ի սցենարիստ Մայքլ Լեսլիին
😵 Վերջապես` հրապարակվել է Թիմ Բերտոնի Beetlejuice-ի սիքվելի լիարժեք թրեյլերը` https://tinyurl.com/zdpx6yj5
▪️ Բնականաբար, նույն «Ֆուրիոսան», որի պատճառով Մաքսիմը փուռը տվեց հոր «Տեսլան»` https://tinyurl.com/3ude54w2
▪️ Կամ նոր «Կապիկների մոլորակը»` https://tinyurl.com/r3mru3zu
▪️ Կամ էլ Boy Kills World մարտաֆիլմը` Բիլ Սքարսգարդի մասնակցությամբ` https://tinyurl.com/26juj6cp
🤟 Նայեք կինո, սիրեք կինոն, ու սպասեք մեր հաջորդ էպիզոդին~
#cinéPAN-ի նախորդ թողարկումը կարող եք կարդալ այստեղ՝
🎬 #cinéPAN (N33)
📭 Ու մի մոռացեք բաժանորդագրվել #լավPANեր-ին՝ էլ.փոստով այս ամենն ու մի բան էլ ավելին ստանալու համար` https://pan.am/luvpan