🎬 #cinéPAN (57)
⛵ Գարնանային պայծառ առավոտ էր։ Ոչինչ չէր կանխորոշում մոտալուտ աղետը։ Էկոպարեկների նավակը հսկում էր Սևանա լճի մակերևույթը` սիգի որսը կանխարգելելու համար։ Քամի գրեթե չկար, առագաստներն իջեցված էին, ու նավակը դանդաղ լողում էր շարժիչների փոքր ընթացքով։ Նավախելին կանգնած նավապետը հեռադիտակով ուշադիր զննում էր շրջակայքը։ Հանկարծ թերակղզու հակառակ կողմում ակտիվություն նկատեց։ Նավապետը հրամայեց շարժվել այդ ուղղությամբ։ Շուտով տեսան մի քանի նավակ։ Սպիտակ ձկան կմախքով սև դրոշները հուշում էին` Նորատուսի ձկնորսական արմադան է։ Հասկանալով, որ միակ նավով արնադայի դեմ պայքարելն անհնար է, նավապետը հրամայեց հետ շրջվել ու շարժվել դեպի Լճաշենի կենտրոնակայան` էկոպարեկների մյուս նավերի հետ վերադառնալու համար։ Բայց արդեն ուշ էր։ Հակառակորդը նկատել էր խիզախ էկոպարեկների միակ նավն ու ամբողջ ուժով սլանում էր։ Հասկանալով, որ փախուստն անհնար է, նավապետը հրամայեց անձնակազմին պատրաստվել մարտի ու ոչ մի դեպքում չհանձնել նավը։ «Դե ինչ, իմ ծովագայլեր։ Յո, հո, հո», - բացականչեց նա` մերկացնելով իր հավատարիմ էլեկտրոշոկը։ Դրամատիկ իրադարձությունների շարունակությունը` «Սևանա ծովի ծովահենները» սերիալի հաջորդ էպիզոդում. իսկ մինչ այդ PAN-ի լոնգրիդում կարդացեք օվկիանոսին նվիրված հինգ լավագույն ֆիլմի մասին`
📖 lav.pan.am/ocean
Սիրեք կինոն՝ Evoca-ի հետ
Իսկ հիմա դուրս գանք ցամաք ու խոսենք կինոյի նորություններից.
👨🏻🚀 Amazon-ը ստեղծում է սերիալ Mass Effect հռչակավոր համակարգչային խաղի մոտիվներով` https://tinyurl.com/t2hjuvpv
👴🏻 Տանը միայնակ մնացած Մակոլեյ Կալկինը դեր է ստացել Fallout-ի երկրորդ սեզոնում` https://tinyurl.com/326v4v9c
🥱 Պոն Ջուն-հոյի Mickey 17 գիտաֆանտաստիկ կատակերգությունը Ռոբերտ Պատինսոնի մասնակցությամբ տեղափոխվել է 2025-ի ապրիլ` https://tinyurl.com/yc99fe6s
🤑 Ասում են` Arcane-ի երկու սեզոնն արժեցել է $250 մլն, ինչն այն դարձնում է ամենաթանկարժեք անիմացիոն սերիալը` https://tinyurl.com/5n7jpydu
🤦🏻♂️ Հոլիվուդյան ստուդիաներում օրիգինալ գաղափարների դեֆիցիտ է. հիմա էլ Դեյվիդ Քրոնենբերգի The Fly բոդի հորրորն են ռեբութ անում` https://tinyurl.com/yuxrtuf6
🚀 Շշուկներ են հայտնվել Star Wars-ի աշխարհում լիամետրաժ ֆիլմերի մասին` https://tinyurl.com/mfzdmp8n
🤝🏻 Զենդայան ու Էնն Հեթեուեյը միացել են Քրիստոֆեր Նոլանի հաջորդ ֆիլմի քասթին` https://tinyurl.com/3cc572t2
Ավելի վաղ ֆիլմին էին միացել Մեթ Դեյմոնն ու Թոմ Հոլանդը
🪦 69 տարեկանում վախճանվել է սարսափ ֆիլմերի լեգենդար դերասան Թոնի Թոդը` https://tinyurl.com/4sessyrc
🥶 Disney-ն անհասկանալի պատճառներով նկարում է Ice Age-ի վեցերորդ մասը` https://tinyurl.com/ykepnc62
Հաշվի չառնելով, որ ֆրանշիզն ավելի շատ մեռած է, քան ողջ
⚔️ Շուտով էկրաններ կբարձրանա Gladiator 2-ը, իսկ Ռիդլի Սքոթն արդեն պլանավորում է շարունակել աշխատել Փոլ Մեսկալի հետ` https://tinyurl.com/msurs6n4
▪️ Այս շաբաթ բաց չթողնեք լեգենդար Gladiator-ի շարունակությունը` https://tinyurl.com/4jbw9ty
▪️ ԱՄՆ նորընտիր նախագահ Դոնալդ Թրամփի երիտասարդ տարիների մասին The Apprentice կենսագրական դրաման` https://tinyurl.com/ysjckvjb
▪️ Կամ էլ Դուեյն Ջոնսոնի ու Քրիս Էվանսի մասնակցությամբ Red One ամանորյա կատակերգությունը` https://tinyurl.com/2b68t72f
🤟 Նայեք կինո, սիրեք կինոն, ու սպասեք մեր հաջորդ էպիզոդին~
#cinéPAN-ի նախորդ թողարկումը կարող եք կարդալ այստեղ՝
🎬 #cinéPAN (N56)
📭 Ու մի մոռացեք բաժանորդագրվել #լավPANեր-ին՝ էլ.փոստով այս ամենն ու մի բան էլ ավելին ստանալու համար` https://pan.am/luvpan