#cinéPAN
January 27

🎬 #cinéPAN (67)

😴 Գոռ Վարդանյանի երազում ոչ թե ինքն է կինո նկարում, այլ կինոն է իրեն նկարում, որովհետև եթե երկար նայես կայսրության թևերին, կայսրության թևերը կսկսեն նայել քեզ։ Քոլին Ֆարելի երազում երկու պինգվին այսբերգի վրայով քայլում են, մեկը թեքվում մյուսին ասում է. «նենց ես քայլում, ոնց որ սմոքինգ հագած լինես»։ Ռիդլի Սքոթն էլ երազներ չի տեսնում, որովհետև Ռիդլի Սքոթն ինքը գոյություն ունի միայն Անտոն Դոլինի երազում։ Ջենիֆեր Լոպեսը երազում դեռ թափառում է Ամազոնի ջունգլիներում` փորձելով փրկվել հսկա օձերից ու Ջոն Վոյթից, ում երազում իր դուստր Անջելինա Ջոլին տաղանդավոր դերասանուհի է։ Բրեդ Փիթն էլ երազում հայտնի է, որպես Ջոն Դո, ով սիրում է նախաճաշել մի լավ աման սպագետիով` առատորեն օգտագործելով երկաթյա տարայով վաճառվող սոուս, ինչը ոչ թե երազ, այլ իսկական մղձավանջ է իտալացի կինեմատոգրաֆիստ Էնցո Գորլոմիի համար, ում երազում տեսնում է Քվենտին Տարանտինոն։ Երազները տարօրինակ են, իռացիոնալ, անտրամաբանական, ինչպես Դեյվիդ Լինչի կինոն ու մյուս «լինչյան» ֆիլմերը, որոնց մասին կարդացեք PAN-ի նոր լոնգրիդում`
📖 lav.pan.am/dream


Սիրեք կինոն՝ Evoca-ի հետ


Անցնենք կինոյի նորություններին.

📋 Վերջապես հայտարարվեցին այս տարվա «Օսկարի» հավակնորդները` https://tinyurl.com/3subuh35

🐺 Չքնաղ «Նոսֆերատուի» ռեժիսոր Ռոբերտ Էգերսի հաջորդ ֆիլմը կլինի մարդագայլերի մասին` https://tinyurl.com/mu2ydhfc
Իրադարձությունները կծավալվեն 13-րդ դարում

🤝🏻 Բացի այդ, Էգերսին է վստահվել նաև 1986-ի Labyrinth ֆիլմի սիքվելը` https://tinyurl.com/mr25uprc

😎 Հիանալի նորություն Crossed կոմիքսի սիրահարների համար. զարհուրելի այս ստեղծագործությունն էկրաններ կտեղափոխի մի քիչ պակաս զարհուրելի The Sadness ֆիլմի ռեժիսորը` https://tinyurl.com/mrxm622x

🙄 Շշուկների համաձայն, Stranger Things-ի վերջին սեզոնը կցուցադրվի ոչ թե ամռանը, այլ նոյեմբերին` https://tinyurl.com/22a2f78h

🥶 Բրեդ Փիթը կփորձի գոյատևել Ալյասկայի սառցե անապատում` Դեյվիդ Էյերի Heart of the Beast արկածային ֆիլմում` https://tinyurl.com/53f5dx9z

🛞 Վին Դիզելն էլ հայտնել է, որ անվերջ «Ֆորսաժի» վերջին մասի նկարահանումները տեղի կունենան Լոս Անջելեսում` https://tinyurl.com/2p9f6kse
Ինչպես առաջին մասինը` քառորդ դար առաջ

🤦🏻‍♂️ Մարտին Սկորսեզեի ու Լեոնարդո Դի Կապրիոյի տառապյալ Devil in the White City-ն սերիալից կրկին դարձել է կինո` https://tinyurl.com/26skz6tx
Նախագիծը ծամծմում են արդեն մոտ 22 տարի

🤷🏻 Բենեդիկտ Կամբերբեչը հայտնել է, որ Դոկտոր Սթրենջը չի հայտնվի հաջորդ Avengers-ում` https://tinyurl.com/4jn69anc

🤖 Այզեք Ազիմովի` ռոբոտների մասին լեգենդար Caves of Steel գիտաֆանտաստիկ գրքի էկրանավորումն էլ ռեժիսոր ունի` https://tinyurl.com/3s2m9b75


🇦🇲 Ի՞նչ կա կինոթատրոններում.

▪️ Շոն Բեյքերի Anora-ն, որն այս տարվա «Օսկարի» գլխավոր հավակնորդներից է` https://tinyurl.com/2tfth89n

▪️ Բոբ Դիլանի մասին կենսագրական A Complete Unknown ֆիլմը Թիմոտի Շալամեի մասնակցությամբ` https://tinyurl.com/4546wkmf

▪️ Կամ էլ Նիկոլ Քիդմանի մասնակցությամբ Babygirl էրոտիկ ֆիլմը` https://tinyurl.com/52uc92dh


#cinéPAN-ի նախորդ թողարկումը կարող եք կարդալ այստեղ՝
🎬 #cinéPAN (N66)


📭 Ու մի մոռացեք բաժանորդագրվել #լավPANեր-ին՝ էլ.փոստով այս ամենն ու մի բան էլ ավելին ստանալու համար` https://pan.am/luvpan