🎬 #cinéPAN Weekly (74)
📼 Ովքեր 90-ականներին դեռահաս էին, հապա հավաքվե՜ք: Երբ վաղ «միլենիալները» ուշ «զումերներին» ասում են, որ իրենց մանկության տարիներին ինտերնետ չկար, վերջիններս պատկերացնում են քարայրներում խարույկի շուրջ հավաքված երեխաների, ովքեր խաղում էին հենց նոր կերած վայրի կենդանիների ոսկորներով, քանի դեռ ծնողները մշակում էին նոր քերթած մորթին: Բայց իրականում առանց ինտերնետ մանկությունն ավելի լի էր հրաշքներով, քան կարող է թվալ: Քանի որ չկար fact checking, ապա Speed Info թերթում հրապարակված ցանկացած հոդված Մոսկվայի մետրոյում բնակվող, արջի չափ առնետների ու մարդկանց առևանգող ՉԹՕ-ների մասին ընդունվում էր որպես բացարձակ ճշմարտություն ու վերապատմվում երեկոյան՝ հալամուլա խաղալուց հետո հանգստանալիս: Բա կինոնե՜րը: Եթե ինչ-որ մեկի հորեղբոր որդին ձեռքով բարևեր են մարդու, ով ծանոթ էր նրան, ով տեսել է Վան Դամի նոր «Դվայնոյ ուդառը», ուրեմն այդ մեկը կարող էր ստանալ օրվա ծամոնի բոլոր թղթերը՝ ֆիլմը պատմելու դիմաց: Պատմելիս հեղինակը, բնականաբար, բազմաթիվ սյուժետային էլեմենտներ հորինում էր տեղում, ու վերջում պարզվում էր, որ ֆիլմում Վան Դամը միաժամանակ ծեծում է Շվարցին, Ռեմբոյին ու Չակ Նորիսին (վերջինին, իհարկե, ոչ ոք չէր հավատում): Այնպես որ, 90-ականներին իրենց մանկությունն անցկացրածների ու ոչ միայն նրանց համար PAN-ը պատրաստել է իր հերթական հետաքրքիր panread-ը`
📖 lav.pan.am/90smovie2
Սիրեք կինոն՝ Evoca-ի հետ
Անցնենք կինոյի նորություններին.
🤩 Սկսենք լավ լուրերից. District 9-ի ռեժիսոր Նիլ Բլոմքեմփն էկրանավորելու է Ռոբերտ Հայնլայնի Starship Troopers-ը` https://tinyurl.com/4u7a39v3
Նախորդ էկրանավորման մասին կարդացեք մեր լոնգրիդում
🕷️ Stranger Things-ի աստղ Սեդի Սինքը միանում է չորրորդ Spider-Man-ի քասթին` https://tinyurl.com/y2pdf7ds
Նախնական տվյալով` կամ Ջին Գրեյ, կամ Մերի Ջեյն
🤷🏻 Մարդիկ հետ են սովորել որակյալ օրիգինալ ֆանտաստիկայից. հրաշալի Mickey 17-ի պատճառով Warner Bros-ը կկորցնի ավելի քան $100 մլն` https://tinyurl.com/43an44kw
🎥 Հինգերորդ Ջոն Ուիքի ստեղծման աշխատանքները պաշտոնապես մեկնարկել են` https://tinyurl.com/yunmrbj5
🧐 Իսկ Netflix-ն ուզում է Սթիվեն Քինգի Cujo-ի նոր էկրանավորումը` https://tinyurl.com/5a6yjjp8
🤔 Լավ կլիներ՝ սթրիմինգային հսկան վերականգներ հեղինակությունը Ռուսո եղբայրների $300 միլիոնանոց աղետից հետո` https://tinyurl.com/yc7r5saf
🤝🏻 Էլիզաբեթ Օլսենը միացել է Seven Sisters դրամատիկ սերիալի քասթին` https://tinyurl.com/5n7nynt3
🕵🏻♂️ Լրտեսական դետեկտիվների արքա Ջոն Լե Կարեի Legacy of Spies գրքի սերիալային էկրանավորման գլխավոր դերը վստահվել է Succession-ի աստղ Մեթյու Մքֆեդիենին` https://tinyurl.com/ysxsk3j5
🦁 Դենիել Քրեյգին էլ դեր են առաջարկել Գրետա Գարվիգի Chronicles of Narnia-ում` https://tinyurl.com/56juuf3f
🔄 Սթիվ Բուշեմին փոխարինել է Մարկ Ռուֆալոյին` Մարտին Մակդոնայի Wild Horse Nine ֆիլմում` https://tinyurl.com/yz2d6wjc
Մեզ սպասում է հերթական շքեղ տրագիկոմեդիան
🫠 Ու վերջում` Մարտին Սկորսեզեն և Լեոնարդո Դի Կապրիոն կշարունակեն գործակցությունը Մերիլին Ռոբինսոնի գրքի էկրանավորման համար` https://tinyurl.com/5y7ushvz
▪️ Անպայման նայեք Mickey 17-ը, լավ սայֆայը չպիտի տապալվի` https://tinyurl.com/yhh9abua
▪️ Սթիվեն Սոդերբերգի Black Bag թրիլլերը` Քեյթ Բլանշեթի ու Մայքլ Ֆասբենդերի մասնակցությամբ` https://tinyurl.com/32t4wcn3
▪️ Կամ էլ Միլա Յովովիչի ու Դեյվ Բատիստայի մասնակցությամբ In the Lost Lands պոստապոկալիպտիկ ֆիլմը` https://tinyurl.com/2ysv8uuh
🤟 Նայեք կինո, սիրեք կինոն, ու սպասեք մեր հաջորդ էպիզոդին~
#cinéPAN-ի նախորդ թողարկումը կարող եք կարդալ այստեղ՝
🎬 #cinéPAN (N73)
📭 Ու մի մոռացեք բաժանորդագրվել #լավPANեր-ին՝ էլ.փոստով այս ամենն ու մի բան էլ ավելին ստանալու համար` https://pan.am/luvpan