🎬 #cinéPAN (30)
🔀 Արտաշնոցի խոզի շաուրմայի հերթն Արկադիկի կյանքը բաժանեց երկու մասի։ Մեկում, չնայած սովածությանն ու հերթի երկարությանը, Արկադիկը համբերատար սպասեց իր հերթին, վերցրեց շաուրման ու գազով թանը, կանգնեց ազատ սեղանիկի առջև, որտեղ իր բաժին խորտիկն էր վայելում նաև ժուռֆակի ուսանող Անժելան, ծանոթացավ աղջկա հետ, չպատասխանեց իր ընկեր Գոքորիկի անդադար զանգերին, երկու ամսից նշանվեց Անժելայի հետ, ում հայրը բարձրաստիճան ոստիկան էր, կես տարուց ամուսնացավ, մի տարուց դարձավ պարեկ, իսկ հինգ տարի հետո արդեն փորով ու «Ռեյնջ Ռովերով» պատգամավոր էր։ Մյուս տարբերակում Արկադիկը չսպասեց, որոշեց քայլել Թումանյանի շաուրմա, ճանապարհին պատասխանեց Գոքորիկի զանգին, որը Պոլիտեխնիկում «հագել էր լավերի հետ», գնաց ընկերոջն օգնելու, ծեծկռտուքի ընթացքում պատահաբար հարվածեց հարգարժան մի պրոֆեսորի, ընկավ ոստիկանություն, հարցաքննվեց բարձրաստիճան մի ոստիկանի կողմից, ապա` դատվեց խուլիգանության հոդվածով։ Առակն այս չի ցուցանե, որ համբերությունը կյանք է, իսկ Արտաշնոցի շաուրման նախընտրելի Թումանյանից։ Այն ուղղակի պատմում է այսպես կոչված Մուլտիվերսի մասին, որում մեր բոլոր հնարավոր կյանքերն իրականություն են դառնում։ Համենայն դեպս` կինոյում, ինչի մասին կարդացեք PAN-ի նոր լոնգրիդում`
📖 lav.pan.am/multiverse1
Սիրեք կինոն՝ Evoca-ի հետ
Անցնենք կինոյի նորություններին.
🫣 Ջուլիա Գարներն ու Ջոշ Բրոլինը միացել են Barbarian-ի ռեժիսոր Զակ Քրեգերի նոր հորրորի քասթին` https://tinyurl.com/rcnftdmm
😷 Իսկ Աարոն Թեյլոր-Ջոնսոնը, Ջոդի Քոմերն ու Ռեյֆ Ֆայնսը դերեր են ստացել Դենի Բոյլի 28 Years Later-ում` https://tinyurl.com/3dbed3bh
Սցենարը կրկին հեղինակել է Ալեքս Գարլանդը
🧟♀️ Շշուկների համաձայն, Screen Gems-ն անհասկանալի պատճառներով ուզում է կրկին ապականել Resident Evil խաղային շարքը` https://tinyurl.com/5n8jtebs
😵 Նույն անհասկանալի պատճառներով Paramount-ն ուզում է կրկին էկրանավորել Վաշինգտոն Իրվինգի Sleepy Hollow-ը` https://tinyurl.com/6nz49kph
Թիմ Բերտոնի շքեղ ֆիլմից հետո արդյո՞ք դա իմաստ ունի
👥 Այլ շշուկների համաձայն, Ջոն Տրավոլտան ու Նիկոլաս Քեյջը կրկին կմիավորվեն Face/Off մարտաֆիլմի սիքվելում` https://tinyurl.com/5n6zt2jt
🔞 Furiosa-ն, ինչպես ակնկալվում էր, ստացել է մեծահասակ ռեյթինգ` https://tinyurl.com/bdej6vej
🧠 Ուիլյամ Գիբսոնի լեգենդար Neuromancer գրքի սերիալային էկրանավորման գլխավոր դերը ստացել է Քալում Թերները` https://tinyurl.com/46jfzcpx
Հիանալի ընտրություն է
🕴🏻 Իսկ փառահեղ Severance սերիալի երկրորդ սեզոնի նկարահանումներն ավարտվել են` https://tinyurl.com/57cc789d
🦸🏻♂️ Հրապարակվել է Deadpool & Wolverine-ի աներևակայելի ուժգնության թրեյլերը` https://tinyurl.com/3bk67s5b
👽 Նոր մանրամասներ են հայտնվել Alien-ի աշխարհում Նոա Հոուլիի սերիալի մասին` https://tinyurl.com/2p88j3am
Ասում են` այն պատմելու է Weyland-Yutani կորպորացիայի կայացման մասին
▪️ Անպայման` Գայ Ռիչիի նոր խելահեղ մարտաֆիլմը` https://tinyurl.com/yse6kjnv
▪️ Փոքրիկ և արյունարբու վամպիրի մասին Abigail սև կատակերգական հորրորը` https://tinyurl.com/yvrf3y2a
▪️ Կամ էլ նեռի մասին լեգենդար հորրորի նախապատմությունը` The First Omen-ը` https://tinyurl.com/yc89n7y9
🤟 Նայեք կինո, սիրեք կինոն, ու սպասեք մեր հաջորդ էպիզոդին~
#cinéPAN-ի նախորդ թողարկումը կարող եք կարդալ այստեղ՝
🎬 #cinéPAN (N29)
📭 Ու մի մոռացեք բաժանորդագրվել #լավPANեր-ին՝ էլ.փոստով այս ամենն ու մի բան էլ ավելին ստանալու համար` https://pan.am/luvpan