🖼️ #մշակութաPAN (106)

Մշակութային շաբաթը՝ մեր մշակութասեր գործընկերոջ հետ

Ամենաուշագրավ իրադարձությունների մասին…

🎻 Դասական երաժշտությունից…

▪️ Netflix-ի «Բրիդջերթոնը» վերադարձել է նոր եթերաշրջանով ու, ինչպես միշտ, երկրպագուներին հատկապես գրավել է երկու բան՝ զգեստները և երաժշտությունը. թե ինչպես են մեր օրերի հիթերը վերածվում դասական երաժշտության ու հնչում 1800-ականների Լոնդոնում՝ https://tinyurl.com/59xx2me2

▪️ Բեթհովենի բոլոր սիմֆոնիաները՝ մեկ դասական ալբոմի շրջանակում. Վերլուծելով կատարողական արվեստի բոլոր դետալներն ու Բեթհովենի երաժշտության առանձնահատկությունները՝ այս ոչ այնքան հայտնի նվագախումբը սիմֆոնիաներն ունկնդրելու նոր ձևաչափ է առաջարկում՝ https://tinyurl.com/m67h79ay

🇦🇲 Մայիսի 31-ին «Արամ Խաչատրյան» համերգասրահում Հայաստանի պետական սիմֆոնիկ նվագախումբը կկատարի մաեստրո Տիգրան Մանսուրյանի կինոերաժշտությունը՝ https://tinyurl.com/26v8p3cx

🎶 Ժամանակակից երաժշտությունից…

▪️ «Իմ ընտանիքն ու այլ ռոք աստղեր». ո՞վ կմտածեր, որ մի օր Ֆրեդի Մերկուրիի, Դեյվիդ Բոուիի և հռչակավոր այլ երաժիշտների մասին գիրք կգրի Rockfield Studios-ում որպես խոհարար աշխատող կնոջ փոքրիկ դուստրը։ Նա ֆիքսել է այդ տարիներին իր շուրջ կատարվող դեպքերը և տասնամյակներ անց դրանք վերածել գրքի՝ https://tinyurl.com/2vmw8pec

▪️ Բիլլի Այլիշի նոր ալբոմը խոստանում է «էկոլոգիապես մաքուր» լինել. դրանք կներկայացվեն վերամշակված կամ էկո-վինիլների տեսքով, փաթեթավորումը ևս կպատրաստվի վերամշակված նյութերից՝ https://tinyurl.com/3tzt5k22

🇦🇲 Ջազի սիրահարների համար լավ նորություն կա. Տիգրան Ձիթողցյանի ստուդիոյում մայիսի 26-ին հանդես կգա «Օսմոսե Տրիոն»՝ Վահագն Հայրապետյան (դաշնամուր), Արտյոմ Մանուկյան (թավջութակ) և Արման Ջալալյան (հարվածայիններ)՝ https://tinyurl.com/3zuhkp36

🎬 Կինոյից…

▪️ Ֆրանսիայի հարավում կինոյի ամենամյա տոնն է. Կաննի 77-րդ կինոփառատոնն անցկացվում է մայիսի 14-ից 25-ը։ Կինոաշխարհը գրավելու ներուժով միջազգային կինոյի լավագույն պրեմիերաներն ու հանդիպումները մեկ վայրում են՝ https://tinyurl.com/5dxa97fw

▪️ Նոր ֆիլմերի կողքին ցուցադրվելու են նաև դասականները. Կաննի կինոփառատոնի շրջանակում կցուցադրվի 1970-ականներին Հնդկաստանում կես միլիոն ֆերմերի միջոցով ստեղծված բեկումնային ֆիլմը։ Դրա համար յուրաքանչյուր ֆերմեր 2 ռուփի էր ներդրել և այն դարձրել հանրության կողմից ֆինանսավորված հնդկական առաջին ֆիլմը՝ https://tinyurl.com/fddbhaku

🇦🇲 Տարվա գլխավոր կինոիրադարձության ավարտից անմիջապես հետո Երևան է ժամանելու կինոքննադատ Զինաիդա Պրոնչենկոն. Նա կներկայացնի և կվերլուծի կինոփառատոնի բոլոր մանրամասները՝ https://tinyurl.com/3thxns7p

📚 Գրականությունից…

▪️ Ինչպիսի՞ն էր Վերածննդի դարաշրջանի «կանացի» դեմքը. բավականին երկար ժամանակ պահանջվեց, որպեսզի այս կանայք իտալական վերածննդի պատմության լուսանցքից աստիճանաբար վերածվեն գլխավոր հերոսների՝ https://tinyurl.com/4d2dj777

▪️ Եթե ​​այսօր կին արվեստագետների կյանքի և աշխատանքի նկատմամբ հետաքրքրությունը կայուն աճ է գրանցում, ապա այն կանայք, որոնք վաստակել են իրենց անունը որպես արտ-դիլերներ, դեռ բավարար ուսումնասիրված չեն. առաջին փորձերն արվում են գրական հրատարակությունների տեսքով՝ https://tinyurl.com/tpmv7zjw

🇦🇲 Մայիսի 22-ին Շառլ Ազնավուրի մեծ հոբելյանին նվիրված բացառիկ հրատարակություն և համերգ է սպասվում. դարի երգչի 100-ամյակին նրա պոեզիան ու արձակը կներկայացվեն երկերի բացառիկ երկհատորյակով՝ https://tinyurl.com/3483rvfm

🏛️ Դասական արվեստից…

▪️ Ֆրիդա Կալոն սյուրռեալի՞ստ նկարիչ էր. ամեն դեպքում՝ ինքն այդ կարծիքին չէր։ Ավելին, «տանել չէր կարողանում» ֆրանսիացի սյուրռեալիստներին, նրանց անվանում էր չակերտավոր ինտելեկտուալ ու պնդում, որ ավելի լավ է շուկայում ինչ-որ բան վաճառի, քան այդ ժամանակն անցկացնի Փարիզի այդ «ինտելեկտուալների» հետ՝ https://tinyurl.com/mrkybpe6

▪️ Ծուխ, կրակ և վառ մայրամուտ. Նոր ցուցադրությունը ներկայացնում է, թե ինչպես է բնանկարիչ Ուիլյամ Թըրները ֆիքսել արդյունաբերական հեղափոխության վաղ ազդեցությունը՝ կլիմայի և շրջակա միջավայրի վրա՝ https://tinyurl.com/36b8pfmn

🇦🇲 Հունիսի 1-ին էլ այցելեք ՀԲԸՄ Հայաստան և ոգեշնչվեք տեքստիլի, թվային արտադրության և տեխնոլոգիաների խաչմերուկում ստեղծված ցուցադրությամբ՝ https://tinyurl.com/4xtzmw3w