🖼️ #մշակութաPAN (139)
🌸 Սպիտակ շուշանը խորհրդանշում է անմեղություն, վարդը կարող է պատմել և՛ աստվածային, և՛ մարդկային սիրո մասին։ Պատմության ընթացքում ծաղիկները եղել են թե՛ իշխանության խորհրդանիշ Կլեոպատրայի ու Լյուդովիկոս XIV պալատներում, թե՛ հեղափոխության յուրօրինակ սիմվոլ, ու թե՛ «մաքուր արվեստի» առարկա՝ նատյուրմորտներում։ Անգամ խորհրդային իշխանությունը չկարողացավ «դիմադրել» դրանց հմայքին, երբ պարզվեց, որ Լենինին տեսել են «արքայական» օթյակում՝ ամբողջովին ծաղիկների մեջ։ Արվեստի պատմության մեջ ծաղիկները ոչ թե պարզապես գեղեցիկ դեկոր են, այլ խորհրդանշական լեզու, զգացմունքների արտահայտման միջոց, փիլիսոփայական խորհրդածությունների առարկա: Նկարիչները փորձել են վրձնով «բռնել» ծաղիկների անցողիկ գեղեցկությունն ու դարձնել այն հավերժական: Նրանք ծաղիկների միջոցով պատմել են սիրո և կորստի, կյանքի ու մահվան, հավատի և դավաճանության մասին: PAN-ը պատմում է, թե ինչու են նկարիչներն անդադար վերադառնում ծաղկային մոտիվներին և ինչպես է յուրաքանչյուր թերթիկ ու գույն դառնում մի առանձին պատմություն՝ բոսորագույն մեխակներից մինչև ճերմակ շուշաններ՝
📖 lav.pan.am/artflowers
Մշակութային շաբաթը՝ մեր մշակութասեր գործընկերոջ հետ
▪️ Ջեսսի Այզենբերգի A Real Pain ֆիլմի երաժշտական ձևավորումն ամբողջությամբ կառուցված է լեհ կոմպոզիտոր Շոպենի ստեղծագործությունների հիման վրա. Ի դեպ, Այզենբերգը ևս լեհական արմատներ ունի, իսկ ֆիլմը պատմում է զարմիկների մասին, որոնք ճամփորդում են Լեհաստանում և ուսումնասիրում իրենց ընտանիքի պատմությունը։ Շոպենի երաժշտությունը՝ էտյուդները, նոկտյուրնները, պրելյուդներն ու վալսերը ֆիլմում հնչում են կանադացի դաշնակահարի կատարմամբ ու յուրահատուկ ռիթմ հաղորդում պատմությանը` https://tinyurl.com/fkjkr57d
▪️ Դե իսկ տեսախաղերի երաժշտությունը, կարծես, դուրս է գալիս վիրտուալ աշխարհից և նվաճում է համերգասրահները. Վերջերս անցկացված հետազոտությունը ցույց է տվել, որ գեյմերների ավելի քան կեսը պատրաստ է մասնակցել դասական նվագախմբի համերգների, որտեղ կհնչեն իրենց սիրելի խաղերի սաունդթրեքերը. Նմանատիպ փորձերն էլ վկայում են, որ աշխարհում նվագախմբերը սկսել են ադապտացվել նոր իրականությանը և ընդունել համերգասրահներ այցելողների նոր սերնդին` https://tinyurl.com/5n6r2yr5
🇦🇲 Փետրվարի 7-ին Կոմիտասի անվան կամերային երաժշտության տանը կարող եք ունկնդրել Տիգրան Մանսուրյանի երգչախմբային և ձայնի ու դաշնամուրի համար ստեղծագործությունները՝ հայրենների հիման վրա` https://tinyurl.com/3w9n3yv5
▪️ Չնայած Օսկարի 13 առաջադրումների և միջազգային բազմաթիվ մրցանակների, սեռափոխված մեքսիկացի թմրադիլերի մասին պատմող «Էմիլիա Պերես» ֆիլմը հանրության քննադատության կենտրոնում է, և այս շարքում հատկապես բարկացած են հե՛նց մեքսիկացիները. Ֆրանսիացի ռեժիսորի ստեղծած իսպանալեզու մյուզիքլը, որը նկարահանվել է հիմնականում Ֆրանսիայում, արժանացել է մեքսիկացիների դժգոհությանը մի քանի պատճառով, բայց ստեղծագործական թիմին հատկապես մեղադրում են ցավոտ թեմաների ոչ ամբողջական ու սխալ մեկնաբանության մեջ՝ https://tinyurl.com/4jyn7k26
▪️ Աղմկահարույց նոր վավերագրական ֆիլմը վիճարկում է լրագրական լուսանկարչության պատմության մեջ ամենահայտնի կադրերից մեկի հեղինակությունը. The Stringer ֆիլմում ներկայացված հետաքննությունը պնդում է, որ Վիետնամի պատերազմի խորհրդանիշ դարձած «Նապալմ աղջիկը» լուսանկարը, որի համար Associated Press-ի լուսանկարիչ Նիկ Ուտը Պուլիցերյան մրցանակ է ստացել, իրականում արվել է վիետնամցի մեկ այլ լուսանկարչի կողմից՝ https://tinyurl.com/5crpbxne
🇦🇲 Փետրվարի 2-ին մեծ էկրան է վերադառնում «Ստորգետնյա օր» ֆիլմը՝ Բիլ Մյուրեյի գլխավոր դերակատարմամբ. Փետրվարի 2-ին «Մոսկվա» կինոթատրոնում նախատեսվող միակ ցուցադրությունը կլինի անգլերեն լեզվով՝ ռուսերեն ենթագրերով` https://tinyurl.com/3m26w8b5
▪️ Մարդաբան Իրավատի Կարվեն կոտրեց բրիտանական գաղութատիրության շրջանի Հնդկաստանի բազմաթիվ կարծրատիպեր՝ դառնալով երկրի առաջին կին մարդաբանը և մարտահրավեր նետելով նացիստական ռասայական տեսություններին. Նրա թոռնուհու նոր գիրքը պատմում է այս արտասովոր կնոջ մասին, որը ոչ միայն սովորեց արտերկրում ու դարձավ համալսարանի պրոֆեսոր, այլև համարձակվեց հակադրվել իր գերմանացի գիտական ղեկավարի ռասիստական վարկածներին՝ https://tinyurl.com/yc2csxe4
▪️ Գաբրիել Գարսիա Մարկեսը միշտ մերժում էր իր «Հարյուր տարվա մենություն» վեպի էկրանավորման առաջարկները՝ անհնար համարելով յոթ սերունդի, ամբողջ Լատինական Ամերիկայի և մարդկության պատմությունը ֆիլմի վերածելը. 1974-ին նա կտրականապես դեմ էր անգլերեն լեզվով և հոլիվուդյան արտադրության ֆիլմի գաղափարին, սակայն այսօր, գրողի մահից տարիներ անց, Netflix-ը ներկայացրել է վեպի հեռուստատարբերակը, որը նկարահանվել է իսպաներենով` Կոլումբիայում, տեղացի դերասանների մասնակցությամբ, և, ըստ քննադատների` կարողացել է պահպանել գրքի ոգին ու բարդ ժամանակագրական կառուցվածքը` https://tinyurl.com/nheuycd9
🇦🇲 «Ոչ մի շաբաթ առանց Իսահակյանի». Հունվարի 30-ին «Զանգակ» գրատանը կարող եք վայելել բանաստեղծի սիրած խոտաբույսերով թեյն ու բացահայտել Վարպետի կյանքի անհայտ դրվագները` https://tinyurl.com/ypm5bu97
▪️ Վան Գոգի՝ ականջը կտրելու միջադեպից հետո, նկարիչը հիվանդանոցում ստեղծել է ընդամենը երկու կտավ, որոնք պատկերում են Առլի հիվանդանոցը. Այս երկու գործը՝ «Առլի հիվանդանոցի բակը» և «Առլի հիվանդանոցի պալատը», որոնք նկարվել են 1889-ի ապրիլին, մեկ դար շարունակ չէին լքել Շվեյցարիան։ Այժմ առաջին անգամ դրանք կցուցադրվեն Լոնդոնում՝ Օսկար Ռայնհարտի հավաքածուի ցուցահանդեսի շրջանակում` https://tinyurl.com/yjz2m8yv
▪️ Գերմանացի էքսպրեսիոնիստ նկարիչ Էռնստ Լյուդվիգ Կիրխները, որի գործերը հայտնի են վառ գունապնակով, անկյունային ուրվագծերով և դրամատիկական ուժեղ լարվածությամբ, 1917-ին մեկնեց Դավոս՝ ֆիզիկական և հոգեբանական ծանր վիճակում. Առաջին համաշխարհային պատերազմի ընթացքում նա հոգեկան խնդիրների պատճառով ծառայեց ընդամենը մի քանի ամիս, իսկ ալկոհոլից և մորֆինից կախվածությունը քայքայել էին նրա ֆիզիկական վիճակը։ Արդյունքում Դավոսը՝ նրա սիրելի ալպյան քաղաքը, դարձավ նկարչի ապաստարանը և ոգեշնչման աղբյուրը հաջորդող տարիների ընթացքում` https://tinyurl.com/76r9rt7t
🇦🇲 Հունվարի 31-ին Ժամանակակից արվեստի ինստիտուտում կկայանա Միշել Ալահվերդյանի բանախոսությանը, որը նվիրված է անցյալ տարվա վերջին Թեհրանի ժամանակակից արվեստի թանգարանում բացված «Մարկոս Գրիգորյան․ Հետահայաց» խորագրով ցուցահանդեսին` https://tinyurl.com/5xxmwhbu
▪️ Երբեմն կատարյալ լուսանկար ստանալու համար անհրաժեշտ է ոչ միայն ստեղծագործական միտք, այլև իսկական խիզախություն. Մեկ տեղում ամփոփված են այն լուսանկարիչների պատմությունները, որոնք հանուն բացառիկ կադրերի համարձակվել են հայտնվել աշխարհի ամենավտանգավոր վայրերում՝ ռիսկի դիմելով և հաճախ դեմ առ դեմ կանգնելով կյանքին սպառնացող մարտահրավերների` https://tinyurl.com/yx7jh6e9
▪️ Ամերիկացի ֆոտոլրագրող և վավերագրական լուսանկարչության վարպետ Ուիջին հայտնի դարձավ Մեծ ճգնաժամի և ԱՄՆ-ում ոգելից խմիչքներն արգելող օրենքի ժամանակաշրջանում Նյու Յորքի գիշերային կյանքի մասին պատմող ֆոտոռեպորտաժի շնորհիվ. Այսօր փողոցային լուսանկարչության հիմնադիրներից մեկի աշխատանքները նոր լույսի ներքո են ներկայացվում լուսանկարչության միջազգային կենտրոնի ցուցահանդեսում։ Ցուցադրությունը բացահայտում է, թե ինչպես է հեղինակը կարողացել սովորական իրադարձություններն ու կադրերը վերածել սենսացիոն տեսարանների՝ https://tinyurl.com/bddu2j7s
▪️ Լենդսքեյփ լուսանկարչության մեջ հաճախ կարևոր է ունենալ հստակ նպատակ և ծրագիր. 2025 թվականի համար ինքներդ ձեր առջև մի հետաքրքիր մարտահրավեր կարող եք դնել. Մեկ տարվա ընթացքում լուսանկարել 12 տարբեր բնության երևույթներ։ Այս մոտեցումը թույլ կտա ավելի երկարաժամկետ և նախապես պլանավորված նախագիծ իրականացնել՝ յուրաքանչյուր ամիս կենտրոնանալով հստակ թեմայի վրա՝ https://tinyurl.com/b6jjhwnm
#մշակութաPAN-ի նախորդ թողարկումը կարող եք կարդալ այստեղ՝
🖼️ #մշակութաPAN (N138)
📭 Իսկ մեր դայջեսթներից ձեզ բաժանում է ընդամենը մեկ հպում և ձեր ծուլությունը. մի՛ ալարեք, բաժանորդագրվեք, ու վայելեք մեր #լավPANեր-ը՝ անվճար ստանալով դրանք հենց ձեր էլ․փոստին՝ https://pan.am/luvpan