#մշակութաPAN
March 5

🖼️ #մշակութաPAN (144)

🏛️ 1919 թվականին, երբ Ալեքսանդր Թամանյանն առաջին անգամ Երևան եկավ, քաղաքը փոքր ու անկանոն կառուցապատված բնակավայր էր՝ հազիվ 30,000 բնակչով։ Փոշոտ գավառական քաղաքի փոխարեն Թամանյանը տեսավ հնարավորություն՝ ստեղծելու բոլոր հայերի մայրաքաղաքը, որը կարտացոլի հայկական մշակութային ժառանգությունը՝ միաժամանակ համապատասխանելով 20-րդ դարի քաղաքաշինական սկզբունքներին։ Ռուսաստանում հաջող կարիերա ունեցող ճարտարապետը, որն արդեն տպավորիչ կառույցներ էր ստեղծել Պետերբուրգում և Մոսկվայում, որոշեց կյանքը, ճակատագիրն ու տաղանդը կապել հայրենիքի հետ։ Հազվադեպ է պատահում, որ ոչ թե մարդիկ են կերտում քաղաքներ, այլ մեկ անհատի տեսլականն է ձևավորում ամբողջ քաղաքային միջավայրը: Թամանյանի պատմությունը բացահայտում է, թե ինչպես մեկ մարդու հստակ տեսլականը, համառությունը և ստեղծագործական հանճարը ձևավորեցին ոչ միայն շենքեր, այլև քաղաքային միջավայր։ Ճարտարապետի ծննդյան առթիվ PAN-ը պատմում է թամանյանական դիմագծի, մեծ երազանքի ու նոր դարաշրջանի մասին՝
📖 lav.pan.am/tamanyan


Մշակութային շաբաթը՝ մեր մշակութասեր գործընկերոջ հետ


Ամենաուշագրավ իրադարձությունների մասին…

🎬 Կինոյից…

▪️ Հոլիվուդյան հեքիաթ` այս անգամ ոչ թե էկրանին, այլ իրական կյանքում. Հարսանեկան տեսանյութերի մոնտաժից մինչև Օսկարի չորս արձանիկ ու պատմական ռեկորդ՝ «Անորա» ֆիլմի ռեժիսոր Շոն Բեյքերի ստեղծագործական ճանապարհն ապացուցում է, որ հոլիվուդյան երազանքներն իրականություն են դառնում, իսկ կինոաշխարհում բարձրագույն կետին հասնելու համար կարևորը ոչ թե սկզբնական պայմաններն են, այլ տաղանդն ու կամքը` https://tinyurl.com/mr425vjj

▪️ Ռեժիսոր Ուոլտեր Հիլը բացահայտում է իր կուլտային «Մարտիկները» (The Warriors) ֆիլմի ստեղծման պատմությունը, երբ նկարահանման համար հարկադրված էին գանգստերական խմբավորումներին վճարել 200 դոլար՝ նրանց «տարածքում» գիշերային տեսարանները նկարահանելու համար։ Ռեժիսորը նաև պատմում է, թե ինչու և ինչպես ֆիլմը հանկարծակի հայտնվեց հակասությունների կենտրոնում` https://tinyurl.com/2k89hjav

🇦🇲 Այս տարի Սինե-ակումբի հերոսն է Ռոբեր Բրեսոնը. ակումբը վերադառնում է մարտի 11-ին և մեկնարկում կինոյի պատմության մեծագույն վարպետներից մեկի՝ Տարկովսկու, Գոդարի, Մարգերիտ Դյուրասի և այլոց սիրելի ռեժիսոր Ռոբեր Բրեսոնի ֆիլմերի ռետրոսպեկտիվ ծրագիրը` https://tinyurl.com/3b2rnzww

🏛️ Կերպարվեստից…

▪️ Նկարիչ Հենրի Օրլիկի պատմությունը հուզիչ է ու միաժամանակ հույս ներշնչող. 2022-ին, երբ նա ապաքինվում էր կաթվածից, Օրլիկին վտարեցին սոցիալական բնակարանից, որի հետևանքով նկարիչը կորցրեց հարյուրավոր կտավներ: Հիմա Օրլիկը կրկին հաջողության է հասել սյուրռեալիստական արվեստում և պատրաստ է պարգևատրել իր կորած գործերը գտնողներին՝ https://tinyurl.com/r5hzvvzp

▪️ 1940-ականների վերջին, արդեն հիվանդ ու տկար Անրի Մատիսը հաճախ էր ճամփորդում ֆրանսիական Ռիվիերայի երկայնքով. Նա այցելում էր ցուցասրահներ, որտեղ ցուցադրվում էին Պաբլո Պիկասոյի աշխատանքները, և կուբիստական գործերից էսքիզներ անում: Այս երկու մեծ արվեստագետը միաժամանակ և մտերիմ ընկերներ էին, և մրցակիցներ, և ստեղծագործական հոգեկիցներ. Կարդացեք, թե ինչպես են նկարիչների խրթին հարաբերություներն ազդել նրանց արվեստի վրա՝ https://tinyurl.com/4w44dv9w

🇦🇲 «Ստեղծագործ կանայք» խորագրով համերգ-ցուցահանդեսը միավորում է տարբեր ոլորտներում փայլող տաղանդավոր կանանց, ովքեր իրենց արվեստով կներկայացնեն կնոջ ստեղծագործ ձեռագիրը. Մարտի 11-ին Արամ Խաչատրյանի տուն-թանգարանում կարող եք մասնակցել կանանց տոնին նվիրված համերգ-ցուցահանդեսին՝ https://tinyurl.com/34ebj3n9

📚 Գրականությունից…

▪️ Ի՞նչ են կարդում այս տարվա Օսկարի «Լավագույն ֆիլմ» անվանակարգի ֆիլմերի հերոսները. Այս ֆիլմերի մի մասը հիմնված են գրքերի վրա, բայց հոդվածի հեղինակն ավելի հետաքրքիր հարց է բարձրացնում՝ ի՞նչ էին կարդում հենց այդ ֆիլմերի կերպարները, ո՞ր գրքերը կարող էին ոգեշնչել կամ ազդել նրանց ներաշխարհի վրա՝ https://tinyurl.com/3sjba8wh

▪️ Պե՞տք է արդյոք ընթերցողները ծանոթ լինեն իրենց գրական կուռքերի կյանքի մանրամասներին. Այս վերլուծությունն ուսումնասիրում է անձնական կյանքի գաղտնիության, էթիկայի և այլ նուրբ թեմաների վերաբերող հարցեր: Ի վերջո, որքանո՞վ է արդար կամ անհրաժեշտ բացահայտել գրողների անձնական կյանքի մանրամասները և արդյո՞ք դրանք պետք է ազդեն նրանց ստեղծագործությունների ընկալման վրա՝ https://tinyurl.com/3wts2s2h

🇦🇲 Ընթերցանությունն ինքնախնամքի հիանալի տարբերակ է, որի ժամանակ ընտրված տեքստը միջոցներ է տրամադրում սեփական ապրումները գիտակցելու համար. Մարտի 7-ին մասնակցեք «Բիբլիոթերապևտիկ ընթերցանության երեկոյի», որտեղ մեկտեղվում են գրականությունն ու հոգեբանությունը՝ https://tinyurl.com/5n744bfc

🎶 Ժամանակակից երաժշտությունից…

▪️ Փոփ երաժշտության աշխարհում սա սպասված իրադարձությունների շաբաթ է. Լեդի Գագան վերադառնում է իր նոր՝ Mayhem ալբոմով, որը, ըստ երկրպագուների, աշխարհին վերադարձնում է 2010-ականների Գագային: K-pop-ի աստղ Ջեննին էլ ներկայացնում է իր առաջին սոլո ալբոմը. Շաբաթվա մյուս փոփ իրադարձությունները պակաս հետաքրքիր չեն՝ https://tinyurl.com/56uypncv

▪️ Լոնդոնի արվարձաններում գտնվող Cafe Oto-ն անսպասելիորեն հայտնվել է համաշխարհային լրատվության կենտրոնում, երբ «Բրուտալիստ» ֆիլմի համար Օսկար ստացած կոմպոզիտոր Դանիել Բլումբերգն իր ելույթում հատուկ շնորհակալություն է հայտնել այս սրճարանին, որը երեկոյան ժամերին վերածվում է փորձարարական երաժշտության տարածքի՝ https://tinyurl.com/2s4xd5p5

🇦🇲 Sevagir-ը ելույթ կունենա Hard Rock Cafe Yerevan-ում. Մարտի 16-ին կարող եք վայելել երեկոն, լսել լավ երաժշտություն և ձայնակցել սիրելի երգերին` https://tinyurl.com/hj2hj5n8

🎻 Դասական երաժշտությունից…

▪️ Ավելի քան 1000 երաժիշտ միավորվել է եզակի բողոքի ակցիայի շուրջ և թողարկել լռության ալբոմ. Արվեստի այս գործով երաժիշտները հակադարձում են այն ընկերություններին, որոնք փորձում են օգտագործել երաժիշտների ստեղծագործությունները՝ առանց համապատասխան թույլտվության` https://tinyurl.com/y8hu9m35

▪️ Ջեսսի Այզենբերգի «Իրական ցավ» ֆիլմում հնչում է բացառապես Ֆրեդերիկ Շոպենի երաժշտությունը. Լեհ հանճարի դաշնամուրային ստեղծագործությունները դարձել են ֆիլմի տրամադրությունը ձևավորող առանցքային տարր, դե իսկ դասական երաժշտության սիրահարները կարողանում են նոր կերպ ընկալել Շոպենի մեղեդիները՝ https://tinyurl.com/fkjkr57d

🇦🇲 Երգեհոնային երաժշտության համերգ՝ Կոմիտասի անվան կամերային երաժշտության տանը. Մարտի 9-ին Արմեն Աղաջանյանը (երգեհոն), Անդրանիկ Աղաջանյանը (թավջութակ) և Գառնիկ Եղիազարյանը (բարիտոն) կներկայացնեն բարոկկոյից մինչև ռոմանտիզմի դարաշրջանի գլուխգործոցներ՝ ներառյալ Բախի, Հենդելի, Մոցարտի, Ֆրանկի և Բրուխի ստեղծագործությունները` https://tinyurl.com/yr2jm3c7


#մշակութաPAN-ի նախորդ թողարկումը կարող եք կարդալ այստեղ՝
🖼️ #մշակութաPAN (N143)


📭 Իսկ մեր դայջեսթներից ձեզ բաժանում է ընդամենը մեկ հպում և ձեր ծուլությունը. մի՛ ալարեք, բաժանորդագրվեք, ու վայելեք մեր #լավPANեր-ը՝ անվճար ստանալով դրանք հենց ձեր էլ․փոստին՝ https://pan.am/luvpan