🖼️ #մշակութաPAN Weekly (146)
🪶 Ջոտտոյի «Չարենցը և Կոմիտասը» (1974) կտավը պատկերում է երկու մեծի առաջին ու վերջին հանդիպումը։ Չարենցը Կոմիտասի հանդեպ անքննելի ու անչափելի ակնածանք ուներ։ Կյանքի մեծագույն երազանքներից էր՝ հանդիպել Կոմիտասին։ Հանդիպումը կայացավ, բայց միայն Կոմիտասի մահից հետո։ 1936 թվականին Չարենցն արդեն տնային կալանքի տակ էր, ու միայն հատուկ թույլտվությամբ կարողացավ մասնակցել Կոմիտասի հուղարկավորությանը։ Չարենցը լուռ մոտեցավ դագաղին, համբուրեց ապակին ու լուռ հեռացավ՝ ձեռքում ճմրթելով իր գլխարկը։ Կոմիտաս վարդապետի հուղարկավորությունից բերված մոմե ծաղիկն էլ հետո հայտնվեց Չարենցի տուն֊թանգարանում՝ որպես ցուցանմուշ։ Այդպիսին էր Չարենցը՝ խորապես զգայուն, նրբանկատ, բաց սրտով, պարզ մտքով ու տարբերվող, առանձնահատուկ գրչով։ PAN-ը պատմում է Կարսի փոշոտ փողոցներում մեծացած, «Չարենց» դարձած Եղիշեի մասին՝
📖 lav.pan.am/charents
Մշակութային շաբաթը՝ մեր մշակութասեր գործընկերոջ հետ
Ամենաուշագրավ իրադարձությունների մասին…
▪️ Համերգների ընթացքում հանդիսատեսը սովորաբար վայելում է նվագախմբի կատարումները ու ո՛չ դիրիժորի, ո՛չ էլ երաժիշտների զգայական աշխարհի մասին չի մտածում. Անշուշտ, այդպես էլ պետք է լիներ, բայց նոր հարցման արդյունքները հետաքրքիր օրինաչափություն են ցույց տալիս: Եվրոպայի լավագույն նվագախմբերի անդամները պատմում են այն ստեղծագործությունների մասին, որոնք իրենք երազում են կատարել, ինչպես նաև այն գործերի մասին, որոնք իրենց համար «մղձավանջ» են՝ https://tinyurl.com/5xp2xwf7
▪️ Իսկ ի՞նչ է լինում, երբ հանդիսատեսի փոխարեն ունկնդիրն աստղերն են. ՆԱՍԱ-ի աստղագնաց Քեթրին Քոլմանը Միջազգային տիեզերական կայանում «օդում ճախրելով» 100-ամյա սրինգով հնագույն իռլանդական երաժշտություն է նվագել: Կարդացեք իռլանդական արմատներով աստղագնացի, մեկդարյա սրինգի պատմության ու աշխարհի արձագանքի մասին՝ https://tinyurl.com/3fu2kbh4
🇦🇲 «Ժամանակի Աղմուկը» համերգային ծրագրի շրջանակում Մերի Դոլմազյանի և Կարինե Հովհաննիսյանի կատարումների միջոցով կհայտնվեք այլ ժամանակներում... Այս համերգային երեկոն կմիավորի Ֆելիքս Մենդելսոնի և Դմիտրի Շոստակովիչի ստեղծագործությունները՝ https://tinyurl.com/mupjnkyr
🎶 Ժամանակակից երաժշտությունից…
▪️ Ջազի հանճար Ուինտոն Մարսալիսը բացահայտում է, թե ինչպես է ռասայական խտրականության պայմաններում մեծանալը ձևավորել իր երաժշտական ուղին. Առաջին երաժիշտը, ով նույն տարում արժանացել է թե՛ դասական, թե՛ ջազային «Գրեմմի»-ի, պատմում է ջազի և ազատության միջև կապի, հոր փոխանցած երաժշտական աշխարհընկալման, դասականի և ջազի համադրության մասին՝ https://tinyurl.com/3dv6vmjr
▪️ Մայքլ Կիվանուկան՝ «հանդարտության վարպետը», 2012 թվականին թողարկեց իր դեբյուտային ալբոմը՝ Home Again-ը. Մեկ տասնամյակից ավելի ժամանակ է անցել, բայց անգամ մեծամասշտաբ համերգների ընթացքում նա կարողանում է պահպանել երաժշտական նուրբ հմայքը: Նրա համերգների ժամանակ բեմը ներկայացվում է որպես ջերմ հյուրասենյակ՝ պարսկական գորգերով, հնաոճ լամպերով և փայտե աթոռներով՝ https://tinyurl.com/4as96h27
🇦🇲 Էլվինա Մակարյանը երգում էր հոգու ավերակների, կարոտի, մենության ու սիրո մասին. Մարտի 27-ին Արամ Խաչատրյան համերգասրահում կհնչեն երգչուհու լավագույն երգերը` https://tinyurl.com/yd49pbbc
▪️ «Ինչ-որ բան մեզ հետ այնպես չէր». Կինոռեժիսոր Դեյվիդ Քրոնենբերգն ու երաժիշտ Հովարդ Շորն այսպես են մեկնաբանում իրենց 46-ամյա գործակցությունը, որի ընթացքում ստեղծվել են մարմնական սարսափի ու տագնապային երաժշտության գլուխգործոցային համադրություններ: «Մեռած գոտի», «Ճանճ», «Ավտովթար». Ի՞նչն է կապում այս ֆիլմերը և ինչպե՞ս են տասնամյակներ անց դրանք մեկնաբանում Քրոնենբերգն ու Շորը՝ https://tinyurl.com/yu3prufx
▪️ Ժան Լյուկ Գոդարի «Վերջին շունչը» ֆիլմը, ըստ բազմաթիվ կինոգետների, փոխեց կինոյի ընկալումը. Էլեգանտ ու փորձարարական ֆիլմն արդեն կես դարից ավելի կինոաշխարհի առանցքային գործերից է համարվում: Կարդացեք, թե ինչպես ռեժիսորը որոշեց միտումնավոր խախտել կինոյի «չգրված» կանոնները` https://tinyurl.com/48pxaarx
🇦🇲 Ֆիլմ, որից սկսվել է հանճարեղ Ռոբեր Բրեսոնի արտասովոր կինոճանապարհը․ Մարտի 25-ին հնարավորություն ունեք մեծ էկրանին դիտելու Բրեսոնի «Մեղքի Հրեշտակները» ֆիլմը` https://tinyurl.com/br52bzre
▪️ Վանեսա Բելլի ստեղծագործական աշխարհը բացահայտելու հնարավորություն է ընձեռում Դարեն Քլարքը՝ առաջարկելով նկարչուհու մասին հինգ կարևորագույն գիրք. Ի՞նչ է պետք իմանալ Բլումսբերի խմբի առանցքային դեմքի մասին՝ պաշտոնական կենսագրությունից մինչև դստեր վիճահարույց հուշերը՝ https://tinyurl.com/yvrarjj8
▪️ Լուվրի դեռևս չբացահայտված, առեղծվածային անկյունները բացահայտվում են նոր գրքում, որտեղ հեղինակը հերթով ցույց է տալիս թանգարանի «թաքնված շերտերը». Աշխարհի ամենահայտնի թանգարանի մասին պատմող այս աշխատությունը ներկայացնում է ոչ միայն «Մոնա Լիզան» և այլ հայտնի գլուխգործոցներ, այլև այն սրահները և նվիրյալ մասնագետներին, ովքեր իրապես կերտել են Լուվրը՝ https://tinyurl.com/yv2y83mt
🇦🇲 Մարտի 27-ին Գաֆէսճեան արվեստի կենտրոնի Հատուկ միջոցառումների սրահում տեղի կունենա «Հանդիպում արվեստի հետ» շարքի հերթական միջոցառումը. Այս անգամ այն նվիրված է Ռազմիկ Դավոյանի 85-ամյակին` https://tinyurl.com/4dypaxs7
▪️ 20-րդ դարի դիմանկարչական արվեստում հեղաշրջող առաջընթաց տեղի ունեցավ, երբ Պիկասոյից մինչև Պիստոլետտո արվեստագետները նոր շունչ հաղորդեցին այս ժանրին. Նոր դարաշրջանի վարպետները դիմանկարը վերածեցին արտահայտչականության և փորձարարության դիպուկ ու հզոր միջոցի, որը շարունակական զարգացման և ինքնաբացահայտման մեջ է նաև այսօր` https://tinyurl.com/4xhz7ms3
▪️ Վան Գոգի ձեռքով ստեղծված դիմանկարը մի ամբողջ տասնամյակ պարզապես հավաբնում էր պահվում. Բժշկի դիմանկարը, որը հոլանդացի հանճարը նկարել էր ի երախտագիտություն իր բժշկի՝ ինչ-որ խիստ տարօրինակ հանգամանքներում հայտնվել է հավաբնում, տարիներ անց՝ ձեղնահարկում, ու միայն երկար ժամանակ անց գտել է իր «արժանի տեղը»՝ https://tinyurl.com/yc439vat
🇦🇲 Մարտի 18֊ից Հայաստանի նկարիչների միությունը բոլոր հետաքրքրվողներին հրավիրում է դիտելու «Թատրոն, Կինո, Հեռուստատեսություն» ցուցահանդեսը, որտեղ կմիավորվի արվեստի միանգամից մի քանի ճյուղ՝ https://tinyurl.com/4sn2sznp
#մշակութաPAN-ի նախորդ թողարկումը կարող եք կարդալ այստեղ՝
🖼️ #մշակութաPAN (N145)
📭 Իսկ մեր դայջեսթներից ձեզ բաժանում է ընդամենը մեկ հպում և ձեր ծուլությունը. մի՛ ալարեք, բաժանորդագրվեք, ու վայելեք մեր #լավPANեր-ը՝ անվճար ստանալով դրանք հենց ձեր էլ․փոստին՝ https://pan.am/luvpan