🖼️ #մշակութաPAN Weekly (147)
🎪 «Ես այնպիսին չեմ ինչպիսին բոլորը։ Ախր ծաղրածուն չի էլ կարող լինել ինչպես բոլորը։ Ծաղրածուն մասնագիտություն չէ, աշխարհայացք է»: Նրա դեմքին ներկված ժպիտ, կարմիր քիթ ու արհեստական հոնքեր չկային։ Երբ բեմում Ենգիբարյանն էր՝ դահլիճը մեկ պայթում էր ծիծաղից, մեկ լռում զարմանքից, մեկ էլ սթափվում դիպուկությունից։ Ու այս ամենի համար բառեր պետք չէին, բեմում Ենգիբարյանն էր՝ իր ամբողջ արտիստիզմով, էներգիայով ու անհավանական տաղանդով; Նրա մարմնի ամեն շարժում արդեն իսկ մի պատմություն էր։ Նա փոխեց ծաղրածուի մասին կարծրացած պատկերացումներն ու այդպիսով նաև` կրկեսային արվեստը։ 37 տարեկանում, երբ շատերը դեռ փնտրում են իրենց ճանապարհը, Ենգիբարյանն արդեն ստեղծել էր «ենգիբարյանական ուղղությունն» ու դարձել միլիոնավոր մարդկանց սիրելին։ 37-ում Ենգիբարյանը մահացավ, բայց մի ամբողջ ժառանգություն թողեց։ PAN-ը պատմում է բռնցքամարտիկ, ծաղրածու, գրող, դերասան, նորարարական գաղափարներով, ստեղծագործական որոնումներով, մարդկային ճակատագրերի հանդեպ անվերջանալի կարեկցանքով տխուր ծաղրածուի՝ Լեոնիդ Ենգիբարյանի մասին՝
📖 lav.pan.am/yengibaryan
Մշակութային շաբաթը՝ մեր մշակութասեր գործընկերոջ հետ
Ամենաուշագրավ իրադարձությունների մասին…
▪️ Իգոր Ստրավինսկու «Սրբազան գարուն» բալետի պրեմիերան կայացավ 1913-ի մայիսի 29-ին ու ինչ-որ առումով հեղաշրջեց դասական երաժշտության աշխարհը. Հենց պրեմիերայի ժամանակ հանդիսատեսի արձագանքն անսպասելի ու կտրուկ էր, բայց այդ «խռովության» արդյունքում հեղափոխական ստեղծագործությունը ժամանակի ընթացքում դարձավ դասական երաժշտության պատմության ամենաազդեցիկ գործերից մեկը, իսկ նոր ձայնագրությունները բացահայտում են բալետի նորարարական էությունը՝ տարբեր տեսանկյուններից՝ https://tinyurl.com/2asw8k7t
▪️ Բեթհովենը, չնայած իր մեծ ազդեցությանը դասական երաժշտության գրեթե բոլոր ժանրերում, ստեղծել է ընդամենը մեկ օպերա, որի պրեմիերան որոշ չափանիշներով ձախողվել է. Հանդիսատեսը միայն «մի քանի փորձից» ընկալեց այս ստեղծագործությունը, բայց արդյունքում «Ֆիդելիո» հերոսական օպերան դարձավ համաշխարհային երաժշտական թատրոնի ամենախոշոր ստեղծագործություններից՝ ընդգծված պաթետիկ կառուցվածքով ու լարված դրամատիզմով՝ https://tinyurl.com/rmz96mtd
🇦🇲 Ապրիլի 5-ին կարող եք վայելել տանգոյի հրաշալի մթնոլորտը՝ հագեցած ամենազգայական և գրավիչ ժանրի՝ արգենտինական տանգոյի ռիթմերով. Բեմում կլինեն վիրտուոզ իտալացի երաժիշտներ Մարկո Ալբոնետտին (սաքսոֆոն) և Ջանկառլո Պալենան (բանդոնեոն)՝ https://tinyurl.com/y32r8v6e
🎶 Ժամանակակից երաժշտությունից…
▪️ Երաժշտագետ Քեյթ Մոսմանը իր նոր գրքում վերհիշում է պատանեկան տարիները և այն խորն ազդեցությունը, որը Queen խումբն ունեցել է նրա կյանքի և աշխարհայացքի վրա. Ֆրեդի Մերկուրիի և Ռոջեր Թեյլորի մասին հուշերն ամփոփվում են անձնական մի պատմությամբ, որի միջոցով երաժշտությունը դառնում է պատանեկան ինքնության ձևավորման կարևոր մաս, իսկ ռոք աստղերի հետ հարցազրույցները՝ մասնագիտական կյանքի ուղենիշներ՝ https://tinyurl.com/mr2udycf
▪️ 90-ականների ռեփի արքան, միլիոնավորների սիրելի Թուփաք Շակուրը՝ խոցելի և զգայուն կողմից. Թուփաքի Dear Mama-ն հարգանքի տուրք էր իր մայրիկին ու անսպասելի զգայական նոտաներով էր ներկայացնում ռեփերին: Արդեն տարիներ շարունակ Dear Mama-ն նաև միայնակ մայրերի «օրհներգն» է՝ https://tinyurl.com/mr2nwnhn
🇦🇲 Ապրիլի 7-ին «Արամ Խաչատրյան» համերգասրահում անմոռանալի ջազ երեկո է սպասվում. Հայաստանի պետական ջազ նվագախումբը կներկայացնի բացառիկ համերգ՝ աշխարհահռչակ Օլա Օնաբուլեի մասնակցությամբ՝ https://tinyurl.com/27y826m7
▪️ Ժան Լյուկ Գոդարի «Շնչահեղձ» ֆիլմը 65 տարի առաջ կոտրեց կինոյի կանոնները և ինչ-որ առումով հիմք դրեց ֆիլմարվեստի նոր դարաշրջանի. Գոդարը ֆրանսիական կինոյի «նոր ալիք» ուղղության նախաձեռնողներից էր, նրա նպատակն էր վերցնել կինոյի բոլոր տարրերը, ջնջել դրանք ու ստեղծել փորձարարական մի նոր բան՝ փշուրներից՝ https://tinyurl.com/48pxaarx
▪️ 1997 թվականին Պաուլ Վերհուվենն էկրանավորեց Ռոբերտ Հայնլայնի «Աստղային դեսանտ» վեպը. Մոտ երեք տասնամյակ անց Հոլիվուդը որոշել է «Աստղային դեսանտի» remake-ը ներկայացնել, ու լուրեր են պտտվում, որ նոր տարբերակում Վերհուվենի հակաֆաշիստական սատիրան ու ծաղրանքը տեղ չեն գտնելու՝ https://tinyurl.com/mrvbdece
🇦🇲 Մարտի 28-ին Էպիգրաֆում զրուցելու են Կաննի, Վենետիկի, Բեռլինի կինոփառատոներից, դրանց անցկացման ձևերից, ընտրվող և մրցանակ ստացող ֆիլմերից, արձագանքներից և կինոյին վերաբերող շատ այլ թեմաներից՝ https://tinyurl.com/3rjcyram
▪️ Հանթինգթոն գրադարանում պահվող Գուտենբերգի Աստվածաշունչը «վերամիավորվել է» 15-րդ դարի տպագրության հետ, որը ժամանակին եղել է Աստվածաշնչի անբաժանելի մասը, բայց մոտ 200 տարի առաջ «անջատվել է» ու վաճառվել աճուրդում. Շոտլանդացի լրտես-վանականի ձեռքի տակով անցած այս հնագույն Աստվածաշունչը 600 տարում մայրցամաքներ է անցել ու հաճախ դարձել լրահոսի թեմա` https://tinyurl.com/3pdcswy9
▪️ Իսպանիայի Կոտո Կորեա հնագիտական վայրում հայտնաբերված ժայռապատկերները, ամենայն հավանականությամբ, աշխարհում հնագույնն են՝ մոտ 200,000 տարվա պատմության. Կոստա դել Սոլի այս հանգստավայրն այսօր հայտնի է իր մաքուր լողափերով և զբոսաշրջային փաթեթներով, բայց իրականում դրա իրական արժեքը լրիվ այլ տեղ է՝ https://tinyurl.com/ysfaku5e
🇦🇲 Newmag-ն ու «Գալուստ Կիւլպէնկեան»-ը համատեղ կազմակերպում են երկօրյա գրական համաժողով. Գրքի շնորհանդեսներ, պանելային քննարկումներ, հոգեբանական գրքեր, վերլուծություններ: Գրական իրադարձությունը տեղի կունենա մարտի 27-ին և 28-ին՝ https://tinyurl.com/3rr4d5vv
▪️ Ժամանակակից արտիստ Մարինա Աբրամովիչը վերադառնում է բլոկչեյն տեխնոլոգիաների աշխարհ իր նոր NFT նախագծով՝ Marina Abramović Element-ով. Հնարավոր ու անհնարին, սպասելի ու հատկապես անսպասելի բազմաթիվ նախագծերի հեղինակն այժմ խոստանում է, որ այս NFT նախագծի շրջանակում մասնակիցներն «իրենց մարմնում բյուրեղ կունենան»` https://tinyurl.com/32rbnhvy
▪️ Նոր հետազոտությունները ցույց են տալիս, որ հունահռոմեական հին արձանները ոչ միայն գեղեցիկ տեսք ունեին, այլև հաճելի էին բուրում. Կոպենհագենի հետազոտական թիմի վերլուծության արդյունքում պարզվել է, որ արձաններն օծվել են հոտավետ յուղերով, օծանելիքներով և զարդարվել ծաղիկներով՝ ավելացնելով զգայական փորձառության ևս մեկ շերտ` https://tinyurl.com/kdhu9882
🇦🇲 Բաբելոն թատրոնում տեղի կունենա ցուցահանդես, որը միավորում է արվեստը, ձայնը և էմոցիաները. Ինստալացիոն շոուն ձեզ կտանի վիզուալ և զգացմունքային պատկերների աշխարհ՝ էլեկտրոնային երաժշտության ներքո` https://tinyurl.com/5n742y3c
#մշակութաPAN-ի նախորդ թողարկումը կարող եք կարդալ այստեղ՝
🖼️ #մշակութաPAN (N146)
📭 Իսկ մեր դայջեսթներից ձեզ բաժանում է ընդամենը մեկ հպում և ձեր ծուլությունը. մի՛ ալարեք, բաժանորդագրվեք, ու վայելեք մեր #լավPANեր-ը՝ անվճար ստանալով դրանք հենց ձեր էլ․փոստին՝ https://pan.am/luvpan