🖼️ #մշակութաPAN Weekly (148)
🎨 Նախ նա կորցրեց հայրենիքն ու տունը, հետո` մորը, արդյունքում նաև` մանկությունը։ Վանա լճի ափին գտնվող գյուղից հասավ Միացյալ Նահանգներ, Ոստանիկ Ադոյանից դարձավ Արշիլ Գորկի, փնտրեց, գտավ ու կորցրեց իրեն տարբեր քաղաքներում։ Այս շրջափուլերով անցավ ամբողջ կյանքում, հայտնվեց «ամերիկյան Մոնմարտրում», նախագահ Ռուզվելտի աշխատակազմի պատվերով որմնանկարներ ստեղծեց, պատմություններ հյուսեց Մաքսիմ Գորկու հետ բարեկամության մասին և կարճ ասած՝ կյանքի տարբեր ալիքներ Գորկուն տարան տարբեր ափեր։ Հաստատուն էր մի բան՝ Գորկու կտավներում պատմական հայրենիքի հուշերն ու կարոտը վառ և արտահայտիչ էին, ծիրանի բույր ունեին, Վանա լճի կապույտ երանգ ու մանկության համ։ Վշտի ծանրությունից նրա կտավների գույնը չխամրեց։ Ոստանիկ Ադոյանին աշխարհը ճանաչեց Արշիլ Գորկի անունով։ Նա արվեստագետ էր, ում ստեղծագործության մեջ միահյուսվեցին հայկական անցյալն ու ամերիկյան նորարարությունը։ PAN-ն անցնում է Գորկու ճանապարհով՝ Վանա լճի ափերից մինչև Նյու Յորքի «գեղարվեստական» ոգով սրճարաններ՝
📖 lav.pan.am/gorky
Մշակութային շաբաթը՝ մեր մշակութասեր գործընկերոջ հետ
Ամենաուշագրավ իրադարձությունների մասին…
▪️ Լեգենդար կինոկոմպոզիտոր Հանս Ցիմերը ստեղծել է բոլոր ժամանակների ամենահուզիչ կինոերաժշտության նմուշներից շատերը, իսկ «Առյուծ արքայի» երաժշտությունը, պարզվում է` իրականում ռեքվիեմ էր կոմպոզիտորի հանգուցյալ հոր համար՝ https://tinyurl.com/yc64fb48
▪️ Հանճարեղ կոմպոզիտորները բացառիկ տաղանդ ունեին, բայց, ամեն դեպքում, հասարակ մահկանացու էին ու հեռու սուրբ լինելուց. Սա է ապացուցում մեզ ծանոթ մի շարք կոմպոզիտորների մասնակցությամբ սկանդալային ու քիչ հայտնի դեպքերի բացահայտումը՝ https://tinyurl.com/yeyjt28r
🇦🇲 Ապրիլի 7-ին` Ֆրանկոֆոնիայի օրերի շրջանակում, Կոմիտասի անվան կամերային երաժշտության տանը տեղի կունենա Կոմիտասի անվան ազգային քառյակի և ֆրանսահայ դաշնակահար Ժան-Պոլ Գասպարյանի համերգը՝ https://tinyurl.com/jpsc5k2a
🎶 Ժամանակակից երաժշտությունից…
▪️ Տաղանդավոր ռոք աստղը կարող է նաև տաղանդավոր նկարիչ լինել. Էլիսոն Մոսհարթի անհատական ցուցահանդեսում ներկայացված են աբստրակտ կտավներ, լուսանկարային կոլաժներ և ավելին։ Առանցքային թեման նույնն է թե երաժշտության, թե կոլաժների դեպքում՝ «ոչ մի կանոն չկա»՝ https://tinyurl.com/uz6m852k
▪️ «Համարձակ և սահմաններ ջնջող». Այս բնորոշումը հատուկ է ոչ միայն Դեյվիդ Բոուիի երաժշտությանը, այլև ոճին. Կարդացեք, թե ինչպես չստացված գունային լուծումներն «անցյալում թողած» աստղն իր զգեստապահարան ներմուծեց անսպասելի համադրություններ՝ https://tinyurl.com/446u3uh4
🇦🇲 Երաժշտական լեգենդ Ջո Կոկերի հոբելյանը կնշեն նաև Երևանում. Ապրիլի 11-ին Կոկերի հիշատակին նվիրված միջազգային շրջագայության կանգառը Hard Rock Cafe-ն է՝ https://tinyurl.com/3vhafj73
▪️ Ինչպե՞ս պարոն Դարսին դարձավ Ջեյն Օսթինի ամենատպավորիչ կերպարներից մեկը. Գրականագետն ուսումնասիրում է գոթական և ռոմանտիկ տարրեր պարունակող վեպի խորհրդավոր ու հակասական կերպարի ճակատագիրը՝ ընթերցողների շրջանում՝ https://tinyurl.com/5dy59bxp
▪️ Կարդացեք նաև, թե ինչպես սպորտը կարող է դառնալ գրողի ստեղծագործական կյանքի փրկօղակը. Հեղինակը պատմում է, որ թենիսն իրեն օգնեց հաղթահարել մրցակցային մոլուցքը և սանձել ներքին ճնշումները, որ խոչընդոտում էին ստեղագործական ընթացքին՝ https://tinyurl.com/382w638x
🇦🇲 Ապրիլի 2-ին Հայաստանի ազգային գրադարանի թամանյանական մեծ ցուցասրահում կբացվի ֆրանսահայ գրող և նկարիչ Դընի Դոնիկյանի անձնական արխիվի և գրքերի բացառիկ ցուցադրությունը՝ https://tinyurl.com/2n55dnks
📷 Լուսանկարչությունից…
▪️ Ինչպե՞ս լուսանկարչական լեզուն 19-րդ դարում հավերժացրեց մարդու մարմինը, և որտե՞ղ է սկսվում ու ավարտվում արվեստի և փաստագրության միջև սահմանը. Մշտապես հնչող հարցերի պատասխանն ուսումնասիրելու համար ձեր գրադարանը կարող եք ընդլայնել երկու նոր գրքով՝ https://tinyurl.com/9pw6yekm
▪️ Լուսանկարչի ֆիքսած կադրը գիտնականների համար առեղծված է դարձել. Կադրում առաջին հայացքից արտասավոր թվացող սպիտակ բու է՝ նարնջագույն փետուրներով։ Այս հազվագյուտ արտաքինով բուն այժմ գիտնականների ուսումնասիրության առարկա է՝ https://tinyurl.com/3xwh5fhc
🇦🇲 Միացեք pinhole լուսանկարչության աշխատարանին և բացահայտեք լուսանկարչության մոգական աշխարհն իր «ամենամաքուր» ձևով. Այս աշխատարանն այլընտրանքային լուսանկարչության նկատմամբ հետաքրքրության արդյունք է, որին կհաջորդի ձեռագործ ֆոտոգրքի ստեղծումը` https://tinyurl.com/5n7ufye7
▪️ Ինչո՞ւ է ռոկոկո արվեստի շքեղ աշխարհը վերադառնում մեր իրականություն, ինչպե՞ս է այն ներթափանցում ժամանակակից նորաձևություն ու դիզայն. Փարիզի Դեկորատիվ արվեստների թանգարանի «Ռոկոկո և Co.» ցուցահանդեսը տալիս է այս հարցերի պատասխանը՝ https://tinyurl.com/359yy2mj
▪️ Պարզվում է՝ սանրվածքները կարող են դառնալ բանալի՝ արվեստի պատմության ամենահայտնի դիմանկարների գաղտնիքները բացահայտելու համար. Հոդվածում մասնագիտական աչքով վերլուծված են սանրվածքների պատմական, մշակութային և սոցիալական բաղադրիչները՝ https://tinyurl.com/39sk3au7
🇦🇲 Հայաստանի Գյոթե ինստիտուտը և Երևանի ժամանակակից արվեստի ինստիտուտը հրավիրում են «Անցյալ ապագայի շունչը» ցուցահանդեսին, որը համադրել է Ռուբեն Արևշատյանը. Ցուցահանդեսը ստեղծագործական յուրօրինակ փոխգործակցության արդյունք է՝ https://tinyurl.com/29p9cjzp
#մշակութաPAN-ի նախորդ թողարկումը կարող եք կարդալ այստեղ՝
🖼️ #մշակութաPAN (N147)
📭 Իսկ մեր դայջեսթներից ձեզ բաժանում է ընդամենը մեկ հպում և ձեր ծուլությունը. մի՛ ալարեք, բաժանորդագրվեք, ու վայելեք մեր #լավPANեր-ը՝ անվճար ստանալով դրանք հենց ձեր էլ․փոստին՝ https://pan.am/luvpan