🖼️ #մշակութաPAN Weekly (169)
🖼️ Երբեք մի թերագնահատեք հին ընտանեկան իրերը։ Այն, ինչն առաջին հայացքից «անհասկանալի կտավ» է կամ «սովորական սրբապատկեր», գուցե պարզվի, որ արվեստի բացառիկ նմուշ է ու միլիոնավոր դոլարներ արժե։ Մի շտապեք դեն նետել պապիկից ժառանգություն մնացած այն «մռայլ» կտավը։ Եթե տանն արվեստի նմուշ կա, որի ծագումն անհայտ է, ապա գուցե պետք է ցույց տալ այն փորձագետին։ Նոր տեխնոլոգիաները և հետազոտական մեթոդները կարող են բացահայտել այնպիսի խորը թաքնված «գաղտնիքներ», որոնք զարմացնում են անգամ ամենափորձառու արվեստաբաններին։ Հենց այսպես Վան Գոգի, Պիկասոյի, Կարավաջոյի և այլ մեծ վարպետների կտավները հայտնաբերեցին տատիկի ձեղնահարկում, էլեկտրատեխնիկի ավտոտնակում, աղբամանում կամ էլ գազօջախի վերևում։ #PAN-ը պատմում է արվեստի գործերի անհավանական թվացող «ճամփորդությունների» մասին, նաև՝ թե ինչպես պարզվեց, որ գազօջախի վերևում կախված «սովորական սրբապատկերը» XIII դարի իտալացի վարպետի գլուխգործոց է՝
Իսկ հիմա՝ ամենաուշագրավ իրադարձությունների մասին.
▪️ Հայդնը գրել է 104 սիմֆոնիա, և եթե չգիտեք՝ որոնցից սկսել, երաժշտագետներն առաջարկում են այս յոթ կարևորագույն գործերը․ La Passione-ը համարվում է նրա ամենազգացմունքային ու փիլիսոփայական ստեղծագործությունը՝ https://tinyurl.com/4s65j5ar
▪️ Ռոբերտ Շումանը ռոմանտիզմի դարաշրջանի հանճարեղ կոմպոզիտոր էր. Կարդացեք, թե ինչպես էր նա ստեղծում իր երաժշտությունը հոգեբանական ծանր վիճակի ու ստեղծագործական աշխատանքի մշտական հակամարտության պայմաններում՝ https://tinyurl.com/mr8d23cj
🇦🇲 Սեպտեմբերի 24-ին Կոմիտասի անվան կամերային երաժշտության տանը տեղի կունենա Վահագն Ստամբոլցյանի անվան երգեհոնային երաժշտության երրորդ միջազգային փառատոնի հանդիսավոր բացման համերգը՝ նվիրված Կոմիտասին՝ https://tinyurl.com/3nfpmwyc
▪️ Քևին Քարթերի «Անգղն ու փոքրիկ աղջիկը» լուսանկարը մինչև օրս էլ լուսանկարչության պատմության ամենացնցող և վիճահարույց կադրերից է. Ծանոթացեք լուսանկարի պատմությանն ու թե ինչ քննարկումներ է այն առաջացրել ֆոտոլրագրության էթիկայի շուրջ՝ https://tinyurl.com/34kyztmc
▪️ Ջուլիա Մարգարեթ Քեմերոնը վիկտորյական դարաշրջանի հեղափոխական լուսանկարչուհի էր, ու նաև նրա շնորհիվ է, որ լուսանկարչությունը տեխնիկական արհեստից վերածվեց իրական արվեստի. Ահա, թե ինչպես նրա աշխատանքները փոխեցին 19-րդ դարի լուսանկարչության ընկալումը` https://tinyurl.com/yheddr75
🇦🇲 Ինչպե՞ս պատմել մարդու պատմությունը դիմանկարի միջոցով. Սեպտեմբերի 22-ին «Ազատ ունկնդիր» բաց համալսարանի հյուրն է լուսանկարիչ և վիզուալ արտիստ Արեգ Բալայանը` https://tinyurl.com/54zujyak
▪️ Ինչո՞ւ է արվեստի աշխարհն այդքան անգութ նախկին կուռքերի հանդեպ. Պատմության ո՞ր էջերում մնացին իրենց «ոսկե շրջանը» ապրող կինոյի տղաները, որոնք հայտնվում էին Vogue-ի շապիկին, Քեն Ռասելի ֆիլմերում, միլիոնավոր երկրպագուների սրտերում։ Նոր գիրք-ուսումնասիրությունն այս մասին է՝ https://tinyurl.com/yc2d3vmf
▪️ Էփսթեյնի ծննդյան օրվա առթիվ հրատարակվում է արվեստի էլիտան ու բարդ փոխհարաբերությունները բացահայտող նոր գիրք. Ինչպես Էփսթեյնի հետ կապված բազմաթիվ դրվագներ, այստեղ ևս սկանդալների ու գաղտնիքների պակաս չկա՝ https://tinyurl.com/yfhh4acs
🇦🇲 ՆՓԱԿ-ը «Թեք Տեղ»-ի հետ գործակցությամբ ներկայացնում է «Զապել Եսայան. Փրփուր» ներկայացումը, որն անդրադառնում է գրող և հրապարակախոս Զապել Եսայանի՝ բանտում անցկացրած կյանքի վերջին տարիներին` https://tinyurl.com/nhap2ju3
▪️ Սալվադոր Դալիի կեղծանունը, որը սկզբում դրվել էր որպես նախատինք, իրականում օգնեց նրան դառնալ հարուստ ու հայտնի. Դալին չափազանց «քաղաքականացված» և փողասեր էր սյուրռեալիստական շարժման համար, ու հենց այդ «թերությունները» օգնեցին նրան դառնալ 20-րդ դարի ամենահաջողակ արվեստագետներից մեկը` https://tinyurl.com/2stdsc7d
▪️ Ելենա Կրյոլլեր-Մյուլլերը հեռատես կոլեկցիոներ էր. Նա էր, որ հավատաց Վան Գոգի դեռևս չճանաչված տաղանդին և ստեղծեց Եվրոպայի ամենատպավորիչ արվեստի հավաքածուներից մեկը։ Այժմ այն արվեստի պատմության մեջ լուրջ արժեք ներկայացնող հավաքածու է՝ https://tinyurl.com/55j85sy9
🇦🇲 Այս օրերին ԺԱԻ ցուցասրահում ներկայացված է Մհեր Ազատյանի՝ «Մարմինը իմ» ցուցահանդեսը. Ազատյանի գրեթե բոլոր նախագծերն ուղղակի կամ անուղակի անդրադառնում են ուտոպիական մարմնի խնդրին` https://tinyurl.com/2nparmsz
🎶 Ժամանակակից երաժշտությունից…
▪️ Սաբրինա Քարփենթերի Man's Best Friend ալբոմը կրկին վեճեր է բորբոքել, ու դրանք տասնամյակների պատմություն ունեն. Փոփ երաժշտության մեջ կա՞ն թեմաներ, որոնց կինը պետք է չանդրադառնա, ու այս առումով ի՞նչ է փոխվել 30 տարի առաջ Մադոննայի շուրջ սկանդալից հետո՝ https://tinyurl.com/5n8vepsv
▪️ Մադոննայի 1998-ի Ray of Light ալբոմն առաջին անգամ բացահայտեց երգչուհու խոցելիությունն ու հոգևոր փնտրտուքները. 2025-ին այն ոգեշնչման աղբյուր է դարձել բազմաթիվ փոփ աստղերի համար՝ https://tinyurl.com/4stzb824
🇦🇲 «Միքայել Ոսկանյան և ընկերներ» խումբը Հայաստանում առաջատարներից է ալտերնատիվ ջազ և էթնո-ֆյուժն ժանրերում. Բացօթյա ջազային երեկոների շրջանակում բենդը ելույթ կունենա սեպտեմբերի 26-ին՝ https://tinyurl.com/5am77ycf
#մշակութաPAN-ի նախորդ թողարկումը կարող եք կարդալ այստեղ՝
🖼️ #մշակութաPAN (N168)
📭 Իսկ մեր դայջեսթներից ձեզ բաժանում է ընդամենը մեկ հպում և ձեր ծուլությունը. մի՛ ալարեք, բաժանորդագրվեք, ու վայելեք մեր #լավPANեր-ը՝ անվճար ստանալով դրանք հենց ձեր էլ․փոստին՝ https://pan.am/luvpan