🖼️ #մշակութաPAN (77)

Մշակութային շաբաթը՝ մեր մշակութասեր գործընկերոջ հետ.

Ամենաուշագրավ իրադարձությունների մասին… 🏛️  Արվեստից… ▪️ Բրեյգելների ընտանիքի հինգ սերունդ՝ մեկ հարկի տակ։ Առաջին անգամ նկարիչների ընտանիքի թողած ժառանգության լավագույն նմուշները միասին կցուցադրվեն՝ https://bit.ly/3PMURKv

▪️ Ռուբենսի արվեստը հաճախ բրեյգելյան ռեալիզմի և վենետիկյան դպրոցի օրգանական համաձուլվածք են համարում։ Իսկ նկարչի պատկերած կանանց կերպարներն առանձին ուսումնասիրության թեմա են։ Հենց դրան էլ նվիրված է ֆլամանդացի գեղանկարչի լոնդոնյան ցուցադրությունը՝ https://bit.ly/3PRXvyG

🇦🇲 Հայաստանի ազգային պատկերասրահում էլ Հակոբ Հակոբյանի 100-ամյակին նվիրված ցուցահանդես է բացվում։ Մեկ վայրում կցուցադրվի արվեստագետի մոտ 100 գեղանկարչական և գրաֆիկական աշխատանք՝ https://bit.ly/3tn7jcp

🎻 Դասական երաժշտությունից… ▪️ Դասականի ժամն է. Երաժշտական ազատության և խստության բալանս՝ գերմանացի դաշնակահարի մատուցմամբ։ Ծրագրում՝ Բախ, Լիստ, Բերգ՝ https://bit.ly/3POuFzd

▪️ Ինչպե՞ս մտածել ու երազել ստեղների վրա. Բախի հանճարեղ Գոլդբերգ վարիացիաներն իսլանդացի դաշնակահարի մեկնաբանմամբ ամբողջ աշխարհում հնչել են արդեն 88 անգամ՝ https://bit.ly/3RR3Tsw

🇦🇲 Վիվալդիից մինչև Պիացոլա. Հոկտեմբերի 13-ին Արամ Խաչատրյան համերգասրահում ելույթ կունենան Իտալիայից և Ռուսաստանից ժամանած երաժիշտներ՝ https://bit.ly/3rLfKOm

🎶 Ժամանակակից երաժշտությունից… ▪️ 1979-ի հուլիսի 12-ին ապստամբությունը «սպանեց» դիսկոն։ Ի՞նչ էր նախորդել մի ամբողջ երաժշտական ժանրի համար ճակատագրական դարձած իրադարձություններին ու ի՞նչ կապ ունի այստեղ բեյսբոլը՝ https://bit.ly/3RTV3um

▪️ Շեփորահար Մայլս Դևիսը ջազ երաժշտության առանցքային դեմքերից էր։ Դևիսը շարունակում էր ստեղծագործել և նոր ասելիք փոխանցել, անգամ երբ ջազի պատմության մեջ վաղուց թողել էր իր անունը։ Շեփորահարի երաժշտության գունապնակը հասկանալու համար ուսումնասիրեք նրա ամենատպավորիչ երեք ալբոմը՝ https://bit.ly/46lJoZG

🇦🇲 Հոկտեմբերի 13-ին և 14-ին առաջին անգամ Հայաստանում ելույթ կունենա աշխարհահռչակ ջութակահար Արա Մալիկյանը. համերգներից ստացված հասույթը կուղղվի ի նպաստ արցախահայության՝ https://bit.ly/3LVl9sV

📚 Գրականությունից… ▪️ Ի՞նչ կասեին իրենց արվեստով աշխարհը գրաված երաժիշտները, գրողներն ու նկարիչները, եթե կարողանային իրենց խոսքը տեղավորել ընդամենը մեկ կպչուն թղթի վրա։ Կարդացեք Դեմիեն Հիրսթի, Փոլ ՄաքՔարթնիի և մյուսների ուղերձները՝ https://bit.ly/45Ej77P

▪️ Գիրք՝ գրողի մասին. Յան Ֆլեմինգի կենսագրությունը՝ լրագրողից մինչև ռազմածովային հետախուզության սպա։ Եվ միայն դրանից հետո՝ Ջեյմս Բոնդի մասին պատմող գրքերի հեղինակ՝ https://bit.ly/45sCgJw

🇦🇲 Նիկողոսյան մշակութային հիմնադրամում հոկտեմբերի 21֊ին գրական֊երաժշտական երեկո է սպասվում։ Օրուելի «Անասնաֆերմա»֊ն՝ Վիվալդիի, Բախի և Շոստակովիչի երաժշտական ուղեկցությամբ՝ https://bit.ly/46oOUdQ

🎬 Կինոյից… ▪️ Մարտին Սկորսեզեն ընդունում է, որ նոր դարում տեխնոլոգիակների կիառումն անխուսափելի է, բայց երիտասարդ ռեժիսորներին խորհուրդ է տալիս օգտագործել այդ տեխնոլոգիաները «լուրջ» աշխատանքի համար, վերանայել՝ ինչ ուղերձ են ուզում փոխանցել և ինչպես՝ https://bit.ly/3ZNLv5P

▪️ Դարրեն Արոնոֆսկին էլ նոր գիտաֆանտաստիկ ֆիլմ է ներկայացնում։ Երկու ժամ տևողությամբ պատում՝ գիտաֆանտաստիկի և բնության տարրերի միաձուլմամբ՝ https://bit.ly/3RPYW3c

▪️ Սթենլի Կուբրիկի սև հումորը լավագույնս պատկերող Dr. Strangelove ֆիլմը՝ բեմադրության տեսքով։ Սա ռեժիսորի առաջին ֆիլմն է, որն էկրաններից հասնում է մեծ բեմ։ Պրեմիերան հաջորդ տարի՝ Լոնդոնում՝ https://bit.ly/3rPSQVV